Read Tunisian Arabic New Testament تْسَالُونِيكِي الثَّانِيْ 1 Bible Online

تْسَالُونِيكِي الثَّانِيْ 1 - Tunisian Arabic New Testament bible

تْسَالُونِيكِي الثَّانِيْ 1

¹مِنْ بُولُسْ وْسِلْوَانُسْ وْتِيمُوثَاوُسْ لْكَنِيسِةْ تْسَالُونِيكِي الِّي فِي اللهْ بُونَا وِالرَّبْ يَسُوعْ المَسِيحْ.

²النِّعْمَة وِالسَّلاَمْ عْلِيكُمْ مِنْ اللهْ بُونَا ومِالرَّبْ يَسُوعْ المَسِيحْ.

³يِلْزِمْنَا نِحْمْدُوا اللهْ فِي كُلْ وَقْتْ عْلَى خَاطِرْكُمْ، يَا الإِخْوَة. وْهَاذَا حَقْ وْرَاهُو إِيمَانْكُمْ قَاعِدْ يِكْبِرْ بَرْشَة وِمْحَبِّتْكُمْ لِبْعَضْكُمْ تْزِيدْ بِينَاتْكُمْ الكُلْكُمْ،

⁴حَتَّى لِينْ أَحْنَا نِتْفُوخْرُوا بِيكُمْ فِي كَنَايِسْ اللهْ عْلَى صَبْرْكُمْ وْإِيمَانْكُمْ وَقْتِلِّي تِتْحَمّْلُوا فِي العْذَابْ وِالأَوْقَاتْ الصْعِيبَة.

⁵وْهَاذَا دَلِيلْ إِنُّو اللهْ حْكُمْ بِالعَدْلْ بَاشْ تْكُونُوا مِسْتْحَقِّينْ مَمْلِكْةْ اللهْ الِّي قَاعْدِينْ تِتْعَذّْبُوا عْلَى خَاطِرْهَا.

⁶رَاهُو عَدْلْ انُّو اللهْ يْجَازِي بالضِّيقْ النَّاسْ الِّي يْضَيّْقُوا عْلِيكُمْ،

⁷وِيْجَازِيكُمْ مْعَانَا بِالرَّاحَة مِالضِّيقْ الِّي تِتْحَمّْلُوا فِيهْ تَوَّا، وَقْتِلِّي يُظْهُرْ الرَّبْ يَسُوعْ مِالسْمَاءْ مْعَ مْلاَيِكْتُو القْوِيِّينْ.

⁸فِي نَارْ شَاعْلَة بَاشْ يْعَاقِبْ الِّي مَا يَعْرْفُوشْ اللهْ وِلِّي مَا يْطِيعُوشْ الإِنْجِيلْ مْتَاعْ رَبّْنَا يَسُوعْ المَسِيحْ.

⁹وِالعِقَابْ مْتَاعْهُمْ هُوَ الهْلاَكْ لِلأَبَدْ، بْعَادْ عْلَى وِجْهْ الرَّبْ وِالمَجْدْ مْتَاعْ قُوتُو،

¹⁰وَقْتِلِّي يْجِي فِي النْهَارْ هَاذَاكَا بَاشْ يِتْمَجِّدْ فِي القِدِّيسِينْ مْتَاعُو وْيِتْعَجّْبُوا فِيهْ المُؤْمْنِينْ بِيهْ، وْإِنْتُومَا زَادَا، عْلَى خَاطِرْكُمْ صَدِّقْتُوا شْهَادِتْنَا.

¹¹هَاذَاكَا عْلاَشْ نْصَلِّيوْ عْلَى خَاطِرْكُمْ فِي كُلْ وَقْتْ، طَالْبِينْ مِنْ إِلاَهْنَا بَاشْ يْرُدّْكُمْ مِسْتْحَقِّينْ لِلشَّيْء الِّي دْعَاكُمْ لِيهْ وْإِنُّو يْتَمِّمْ الحَاجَاتْ الصَّالْحَة الِّي تْحِبُّوا عْلِيهَا الكُلْهَا وِيْزِيدْ يْخَلِّيكُمْ تَنْشْطُوا أَكْثِرْ فِي الإِيمَانْ بْقُدْرْتُو،

¹²بَاشْ إِسْمْ رَبّْنَا يَسُوعْ يِتْمَجِّدْ فِيكُمْ وْإِنْتُومَا تِتْمَجّْدُوا فِيهْ بِالنِّعْمَة مْتَاعْ إِلاَهْنَا وِالرَّبْ يَسُوعْ المَسِيحْ.