Read Tunisian Arabic New Testament تْسَالُونِيكِي الثَّانِيْ 3 Bible Online

تْسَالُونِيكِي الثَّانِيْ 3 - Tunisian Arabic New Testament bible

تْسَالُونِيكِي الثَّانِيْ 3

¹وِمْبَاعِدْ، يَا الإِخْوَة، صَلِّيوْ عْلَى خَاطِرْنَا بَاشْ كْلاَمْ الرَّبْ يِتْنْشَرْ بْسُرْعَة وْيِتْمَجِّدْ كِيفْ مَا تْمَجِّدْ عِنْدْكُمْ.

²وْزَادَا بَاشْ اللهْ يْنَجِّينَا مِالنَّاسْ الضَّالِّينْ الأَشْرَارْ، رَاهُمْ مُوشْ النَّاسْ الكُلْهُمْ عِنْدْهُمْ إِيمَانْ.

³آمَا الرَّبْ أَمِينْ، وْهُوَ بَاشْ يْقَوِّيكُمْ وْيَحْفِظْكُمْ مِالشِّرِّيرْ.

⁴وِالكُلْنَا عِنْدْنَا الثِّيقَة فِي الرَّبْ مِنْ جِيهِتْكُمْ الِّي إِنْتُومَا تَعْمْلُوا فِي الشَّيْء الِّي وَصِّينَاكُمْ بِيهْ وْبِشْ تْكَمّْلُوا تَعْمْلُوهْ.

⁵الرَّبْ يِهْدِي قْلُوبْكُمْ لِلمْحَبَّة الِّي فِي اللهْ وِالصَّبْرْ الِّي فِي المَسِيحْ.

⁶وِنْوَصِّيكُمْ، يَا الإِخْوَة، بْإِسْمْ الرَّبْ يَسُوعْ المَسِيحْ بَاشْ تِتْجَنّْبُوا كُلْ وَاحِدْ مِالإِخْوَة الِّي مَا يِخْدْمُوشْ عْلَى رْوَاحْهُمْ وْمَا يَعْمْلُوشْ بِالوْصَايَا الِّي وَصِّينَاكُمْ بِيهَا.

⁷إِنْتُومَا تَعْرْفُوا الِّي يِلْزِمْكُمْ تَعْمْلُوا كِيفْنَا. رَانَا مَا كُنَّاشْ بَطَّالاَ وَقْتِلِّي سْكِنَّا فِي وُسْطْكُمْ،

⁸وْمَا كْلِينَاشْ الخُبْزْ مْتَاعْ حَتَّى وَاحِدْ بْلاَشْ، آمَا خْدِمْنَا لِيلْ وِنْهَارْ وِتْعِبْنَا وِشْقِينَا بَاشْ مَا نْثَقّْلُوشْ عْلَى حَتَّى وَاحِدْ فِيكُمْ،

⁹وْمُوشْ عْلَى خَاطِرْنَا مَا عِنْدْنَاشْ الحَقْ فِي الشَّيْء هَاذَاكَا، آمَا بَاشْ نْكُونُولْكُمْ مِثَالْ اتَّبْعُوهْ.

¹⁰وْوَقْتِلِّي كُنَّا بِحْذَاكُمْ عْطِينَاكُمْ الوْصِيَّة هَاذِي: «الِّي مَا يْحِبِّشْ يِخْدِمْ، مَا عِنْدُوشْ الحَقْ بَاشْ يَاكُلْ.»

¹¹نْقُولْ الكْلاَمْ هَاذَا عْلَى خَاطِرْنَا سْمَعْنَا الِّي ثَمَّة مَا بِينَاتْكُمْ جْمَاعَة بَطَّالاَ وْمَا عِنْدْهُمْشْ حَتَّى خِدْمَة وْيِدَّخّْلُوا فِي أُمُورْ غِيرْهُمْ.

¹²هَاذُومَا نْوَصِّيهُمْ وْنُطْلُبْ مِنْهُمْ فِي الرَّبْ يَسُوعْ المَسِيحْ إِنّْهُمْ يِخْدْمُوا وِيْوَكّْلُوا رْوَاحْهُمْ الخُبْزْ.

¹³آمَا إِنْتُومَا، يَا الإِخْوَة، مَا تْمِلُّوشْ مِنْ عَمْلاَنْ الخِيرْ.

¹⁴وْإِذَا كَانْ ثَمَّة شْكُونْ فِيكُمْ الِّي مَا يْطِيعِشْ كْلاَمْنَا الِّي فِي الجْوَابْ هَاذَا، نَبّْهُوا النَّاسْ الكُلْ مِنُّو وِتْجَنّْبُوهْ بَاشْ يِحْشِمْ عْلَى رُوحُو.

¹⁵وْمَا تْعَامْلُوهِشْ كِيفْ عْدُو، آمَا أَنْصْحُوهْ كِيفْ خُو.

¹⁶وْإِلاَهْ السَّلاَمْ بِيدُو يَعْطِيكُمْ السَّلاَمْ فِي كُلْ وَقْتْ وْفِي كُلْ حَالَة. الرَّبْ يْكُونْ مْعَاكُمْ الكُلْكُمْ.

¹⁷السْلاَمْ هَاذَا تِكْتِبْ بْخَطْ إِيدِي آنَا بُولُسْ. هَاذِي التُّصْحَاحَة مْتَاعِي فِي جْوَابَاتِي الكُلْهَا، وِالكْتِيبَة هَاذِي كْتِيبْتِي.

¹⁸نِعْمِةْ رَبّْنَا يَسُوعْ المَسِيحْ تْكُونْ مْعَاكُمْ الكُلْكُمْ.