Read Tunisian Arabic New Testament تِيمُوثَاوُسْ الأَوِلْ 3 Bible Online

تِيمُوثَاوُسْ الأَوِلْ 3 - Tunisian Arabic New Testament bible

تِيمُوثَاوُسْ الأَوِلْ 3

¹صْدَقْ الِّي قَالْ إِنُّو الِّي يْحِبْ يْوَلِّي أُسْقُفْ رَاهُو حَبْ عْلَى حَاجَة بَاهْيَة.

²الأُسْقُفْ يِلْزْمُو يْكُونْ مَا عْلِيهِشْ لُومْ، رَاجِلْ مْرَا وَحْدَة، رْزِينْ وْيِتْحَكِّمْ فِي رُوحُو وْمُحْتَرَمْ وِيْضَيِّفْ النَّاسْ، صَالِحْ بَاشْ يْعَلِّمْ،

³مَا يِسْكِرْشْ وْمَا يِتْصَّرِّفْشْ بْقُوَّة، آمَا طَيِّبْ يَكْرَهْ العَرْكْ وْمَا يْحِبِّشْ الفْلُوسْ،

⁴يَعْرِفْ كِيفَاشْ يِتْصَرِّفْ فِي دَارُو وِيْخَلِّي وْلاَدُو يْطِيعُوهْ وْيِحْتَرْمُوهْ فِي كُلْ شَيْء.

⁵الِّي مَا يَعْرِفْشْ يِتْصَرِّفْ فِي دَارُو، كِيفَاشْ بَاشْ يِتْلْهَى بْكَنِيسِةْ اللهْ؟

⁶وِالشِّيخْ مَا يِلْزْمُوشْ يْكُونْ جْدِيدْ فِي الإِيمَانْ بَاشْ مَا يِتْكَبِّرْشْ وْيِتْعَاقِبْ كِيفْ مَا تْعَاقِبْ بْلِيسْ.

⁷وْيِلْزِمْ يِشْهْدُولُو النَّاسْ الِّي مَا هُمْشْ فِي الكَنِيسَة بَاشْ مَا يْجِيبِشْ العَارْ لْرُوحُو وِيْحَصّْلُو بْلِيسْ.

⁸وِالْمُدبْرِينْ يِلْزِمْهُمْ زَادَا يْكُونُوا مُحْتَرْمِينْ، وْصَادْقِينْ، وْمَا يْكَثّْرُوشْ مِالشْرَابْ، وْمَا يَطْمْعُوشْ فِي الرِّبْحْ الحْرَامْ.

⁹ويِلْزِمْهُمْ يْحَافْظُوا عْلَى السِّرْ الغَامِضْ مْتَاعْ الإِيمَانْ بْضَمِيرْ طَاهِرْ.

¹⁰وْيِلْزِمْ تْجَرّْبُوهُمْ فِي الأُوِّلْ، وْإِذَا كَانْهُمْ مَا عْلِيهُمْشْ لُومْ يِتْحَطُّوا مُدَبْرِينْ.

¹¹وِنْسَاهُمْ زَادَا يِلْزِمْهُمْ يْكُونُوا مُحْتَرْمِينْ، مَا يْقَطّْعُوشْ عَرْضْ النَّاسْ، فَايْقِينْ وِيْرَاعُوا الأَمَانَة فِي كُلْ شَيْء.

¹²وِالْمُدبْرِينْ لاَزِمْ كُلْ وَاحِدْ فِيهُمْ يْكُونْ رَاجِلْ مْرَا وَحْدَة، ويِتْصَرّْفُوا بِالبَاهِي فِي وْلاَدْهُمْ وِبْيُوتْهُمْ

¹³الِّي يِخْدْمُوا الخِدْمَة بِالبَاهِي يْشِدُّوا بْلاَصَة عَالْيَة وْيَحْكِيوْ بْثِيقَة كْبِيرَة بَرْشَة عْلَى الإِيمَانْ بِالمَسِيحْ يَسُوعْ.

¹⁴نِكْتِبْلِكْ الجْوَابْ هَاذَا وْنِتْمَنَّى انِّي نْجِيكْ عْلَى قْرِيبْ.

¹⁵وْإِذَا كَانْ بْطِيتْ، يِلْزْمِكْ تَعْرِفْ كِيفَاشْ تِتْصَرِّفْ فِي بِيتْ اللهْ، الِّي هِيَ كَنِيسِةْ اللهْ الحَيْ، العُرْصَة والسَّاسْ مْتَاعْ الحَقْ.

¹⁶وْحَتَّى حَدْ مَا يُنْكُرْ الِّي السِّرْ الغَامِضْ مْتَاعْ التَّقْوَى عْظِيمْ: الله ظْهُرْ فِي الْجَسَدْ الرُّوحْ بَرَرُوا، المْلاَيْكَة شَافَاتُو، كَانْ بْشَارَة لِلشْعُوبْ، العَالَمْ إِمِّنْ بِيهْ وْ فِي المَجْدْ تِرْفَعْ.