Read Tunisian Arabic New Testament تِيطُسْ 2 Bible Online

تِيطُسْ 2 - Tunisian Arabic New Testament bible

تِيطُسْ 2

¹آمَا إِنْتِ تْكَلِّمْ بِالشَّيْء الِّي يْوَافِقْ التَّعْلِيمْ الصْحِيحْ.

²خَلِّي الكْبَارْ يْكُونُوا فَايْقِينْ وْمَحْتَرْمِينْ وِرْزَانْ، وْإِيمَانْهُمْ وِمْحَبِّتْهُمْ وْصَبْرْهُمْ صْحِيحْ.

³وِالعْزَايِزْ زَادَا يِتْصَرّْفُوا كِيفْ مَا يْلِيقْ بِنْسَاء يِمْشِيوْ فِي طْرِيقْ القَدَاسَة، مَا يَحْكِيوْشْ عْلَى النَّاسْ وْمَا يِسْكْرُوشْ وْيَهْدِيوْ لِلخِيرْ،

⁴يْعَلّْمُوا النْسَاء الصْغَارْ كِيفَاشْ يْحِبُّوا رْجَالْهُمْ وِوْلاَدْهُمْ،

⁵رْزَانْ وْطَاهْرِينْ يَعْرْفُوا كِيفَاشْ يِتْصَرّْفُوا فِي بْيُوتْهُمْ، طَيّْبِينْ وِيْطِيعُوا رْجَالْهُمْ، بَاشْ حَتَّى وَاحِدْ مَا يَحْقِرْ كْلاَمْ اللهْ.

⁶وْأَكِّدْ عْلَى الشَّبَابْ زَادَا بَاشْ يْكُونُوا رْزَانْ.

⁷وْإِنْتِ بِيدِكْ كُونْ مِثَالْ لِيهُمْ فِي الأَعْمَالْ الصَّالْحَة، وْوَرِّي الِّي انْتِ رْزِينْ وِصْحِيحْ فِي التَّعْلِيمْ مْتَاعِكْ.

⁸وْخَلِّي كْلاَمِكْ يْكُونْ صْحِيحْ مَا عْلِيهِشْ لُومْ، وِلِّي جَايْ ضِدِّكْ يِحْشِمْ عْلَى رُوحُو وْمَا يْشِدِّشْ عْلِينَا حَتَّى حَاجَة خَايْبَة.

⁹وِالعَبِيدْ بَاشْ يْطِيعُوا سْيَادْهُمْ وِيْخَلِّيوْهُمْ يَرْضَاوْ عْلِيهُمْ فِي كُلْ شَيْء، وْمَا يْخَالْفُوهُمْشْ

¹⁰وْمَا يِسْرْقُولْهُمْشْ حَتَّى شَيْء، آمَا دِيمَا يِخْدْمُوهُمْ بْأَمَانَة، وْهَكَّا يْوَرِّيوْ الِّي الوْصَايَا مْتَاعْ اللهْ مُخَلِّصْنَا عْظِيمَة فِي كُلْ شَيْء.

¹¹وْنِعْمِةْ اللهْ، العِينْ مْتَاعْ الخَلاَصْ لِلنَّاسْ الكُلْ، ظُهْرِتْ

¹²بَاشْ تْعَلِّمْنَا إِنَّا نِبْعْدُوا عْلَى الكُفْرْ وِالشْهَاوِي مْتَاعْ الدِّنْيَا هَاذِي بَاشْ نْعِيشُوا رْزَانْ وْصَالْحِينْ وِنْخَافُوا رَبِّي فِي العَالَمْ هَاذَا،

¹³ونِسْتَنَّاوْ الرَّجَاءْ المُبَارَكْ وْانُّو يُظْهُرْ مَجْدْ اللهْ العْظِيمْ وْمُخَلِّصْنَا يَسُوعْ المَسِيحْ

¹⁴الِّي ضَحَّى بْرُوحُو عْلَى خَاطِرْنَا بَاشْ يِفْدِينَا مِنْ كُلْ شَرْ وِيْطَهِّرْنَا وِيْرُدّْنَا شَعْبْ مْتَاعُو هُوَ مِتْحَمِّسْ للأعْمَالْ الصَّالْحَة.

¹⁵هَكَّا اتْكَلِّمْ وْأَوْعِظْ وْوَبِّخْ بِالسُّلْطَة الِّي عِنْدِكْ. وْمَا تْخَلِّيشْ حَتَّى وَاحِدْ يَحْقْرِكْ.