Read Tunisian Arabic New Testament يُوحَنَّا الأَوِلْ 1 Bible Online

يُوحَنَّا الأَوِلْ 1 - Tunisian Arabic New Testament bible

يُوحَنَّا الأَوِلْ 1

¹نِكْتْبِلْكُمْ عْلَى كِلْمِةْ الحَيَاةْ الِّي هِيَ المَسِيحْ الِّي كَانْ مِنْ الأُوِّلْ الِّي سْمَعْنَاهْ وْشُفْنَاهْ بْعِينِينَا وْمَسِّينَاهْ بِيدِينَا.

²وْرَاهِي الحَيَاةْ الِّي يَعْطِيهَا المَسِيحْ ظُهْرِتْ. وْبَعْدْ مَا شُفْنَاهَا نِشْهْدُولْهَا وْقَاعْدِينْ نْقُولُولْكُمْ فِي خْبَرْ الحَيَاةْ الأَبَدِيَّة الِّي كَانِتْ عِنْدْ الآبْ وْظُهْرِتْ قُداَّمْنَا.

³وْإِحْنَا نْبَشّْرُوكُمْ بِلِّي رِينَاهْ وِسْمَعْنَاهْ بَاشْ تْشَارْكُونَا فِي الحَيَاةْ الِّي عِنْدْنَا. وْإِحْنَا رَانَا مِتْشَارْكِينْ مْعَ الآبْ وِمْعَ ابْنُو يَسُوعْ المَسِيحْ فِي الحَيَاةْ الِّي عَنْدُو.

⁴نِكْتْبُولْكُمْ هَاذَا الكُلْ بَاشْ تِكْمِلْ فَرْحِتْنَا.

⁵وْهَاذَا هُوَ الِّي سْمَعْنَاهْ مِالمَسِيحْ وِنْبَشّْرُوكُمْ بِيهْ: إِنُّو اللهْ نُورْ وْمَا فِيهِشْ ظْلاَمْ بِالكُلْ.

⁶كَانْ نْقُولُوا الِّي أَحْنَا مِتَّحْدِينْ مْعَاهْ آمَا بَاقِي نْعِيشُوا فِي الظْلاَمْ رَانَا قَاعْدِينْ نِكْذْبُوا وْمَانَاشْ نَعْمْلُوا فِي الصْحِيحْ.

⁷آمَا إِذَا كُنَّا نْعِيشُوا فِي النُّورْ كِيفْ مَا هُو فِي النُّورْ، تْكُونْ عِنْدْنَا عَلاَقَة مْعَ بْعَضْنَا وْدَمْ يَسُوعْ المَسِيحْ إِبْنْ اللهْ يْطَهِّرْنَا مِنْ ذْنُوبْنَا الكُلْ.

⁸وْإِذَا قُلْنَا الِّي أَحْنَا مَا عِنْدْنَاشْ ذْنُوبْ نْغَلّْطُوا فِي رْوَاحْنَا وْحَقْ اللهْ مُوشْ فِينَا.

⁹وْإِذَا سْتَعْرِفْنَا بِذْنُوبْنَا هُوَ أَمِينْ وْعَادِلْ بَاشْ يِغْفْرِلْنَا ذْنُوبْنَا وِيْطَهِّرْنَا مِنْ كُلْ شَرْ.

¹⁰وْكِنْقُولُوا الِّي أَحْنَا مَا عْمَلْنَاشْ ذْنُوبْ رَانَا نْكَذّْبُوا فِي رَبِّي وْكِلْمْتُو مَا تْكُونِشْ فِينَا.