Read Tunisian Arabic New Testament يُوحَنَّا الثَّالِثْ 1 Bible Online

يُوحَنَّا الثَّالِثْ 1 - Tunisian Arabic New Testament bible

يُوحَنَّا الثَّالِثْ 1

¹مِنِّي آنَا الشِّيخْ لِحْبِيبِي غَايُوسْ الِّي آنَا بِالحَقْ نْحِبُّو بَرْشَة.

²يَا غَايُوسْ نْحِبِّكْ تْكُونْ نَاجِحْ فِي كُلْ شَيْء، وِتْكُونْ صَحِّةْ بَدْنِكْ بَاهْيَة كِيفْ مَا رُوحِكْ قْوِيَّة.

³قَدَّاشْ كَانِتْ فَرْحْتِي كْبِيرَة كِجَاوْ خْوَاتِي الِّي كَانُوا بِحْذَاكْ وِحْكَاوْلِي كِيفَاشْ إِنْتِ ثَابِتْ فِي الحَقْ.

⁴وْأَكْثِرْ شَيْء يْفَرَّحْنِي هُوَ انِّي نِسْمَعْ الِّي وْلاَدِي قَاعْدِينْ يْعِيشُوا فِي الحَقْ.

⁵يَا حْبِيبِي إِنْتِ أَمِينْ فِي لَهْوْتِكْ بِخْوَاتْنَا المَسِيحِيِّينْ وْحَتَّى بِالبْرَايْنِيَّة مِنْهُمْ.

⁶الِّي شِهْدُوا عْلَى مْحَبّْتِكْ هَاذِي قُدَّامْ الكَنِيسَة. مِنْ فَضْلِكْ عَاوِنْهُمْ بَاشْ يْكَمّْلُوا طْرِيقْهُمْ وْهَكَّا رَاكْ تَعْمِلْ الشَّيْء الِّي يْحِبُّو اللهْ.

⁷رَاهُمْ خَرْجُوا يْبَشّْرُوا بْإِسْمْ المَسِيحْ وْمَا قِبْلُوشْ حَتَّى مُسَاعْدَة مِنْ عِنْدْ الِّي مَا هُمْشْ مُؤْمْنِينْ.

⁸هَاذَاكَا عْلاَشْ لاَزِمْنَا نْضَيّْفُوا النَّاسْ الِّي كِيفْ هَاذُومَا، بَاشْ نِتْشَارْكُوا مْعَاهُمْ فِي خِدْمِةْ الحَقْ.

⁹كْتِبْتْ لِلكَنِيسَة فِي مَا يْخُصْ المَوْضُوعْ هَاذَا، آمَا رَاهُو دِيُوتْرِيفُوسْ الِّي يْحِبْ يِتْحَكِّمْ فِيهُمْ مَا حَبِّشْ يِقْبِلْنَا.

¹⁰وَقْتِلِّي نْجِيكُمْ تَوْ نَحْكِيلْكُمْ عْلَى عْمَايْلُو وْكِيفَاشْ يْشَوّْهِلْنَا فِي سُمْعِتْنَا بِكْلاَمْ مُوشْ بَاهِي وْمَا كْفَاهِشْ هَاذَاكَا الكُلْ، آمَا زَادَا مَا حَبِّشْ يِقْبِلْ خْوَاتْنَا المْسَافْرِينْ وْمَا خَلاَّشْ شْكُونْ يِقْبِلْهُمْ وِلِّي يِقْبِلْهُمْ يْطَرّْدُو مِنْ الكَنِيسَة.

¹¹يَا حْبِيبِي مَا اتَّبَّعْشْ النَّاسْ الِّي يَعْمْلُوا فِي الشَّرْ آمَا أَعْمِلْ الخِيرْ، رَاهُو الِّي يَعْمِلْ الخِيرْ هُوَ مِنْ عِنْدْ اللهْ وِلِّي يَعْمِلْ الشَّرْ عُمْرُو مَا عْرَفْ اللهْ.

¹²النَّاسْ الكُلْ يِشْهْدُوا لْخُونَا دِيمِتْرِيُوسْ الِّي هُوَ رَاجِلْ بَاهِي، وِالحَقْ بِيدُو يِشْهِدْلُو وْإِحْنَا زَادَا نِشْهْدُولُو وْإِنْتِ تَعْرِفْ إِنُّو شْهَادِتْنَا صْحِيحَة.

¹³مَازَالِتْ عِنْدِي بَرْشَة حَاجَاتْ نْحِبْ نْقُولْهَالِكْ آمَا مَا حَبِّيتِشْ نِكْتِبْهَا بِالقْلَمْ وِالحْبَارْ.

¹⁴وْنِتْمَنَّى نْشُوفِكْ عْلَى قْرِيبْ وْنِتْقَابْلُوا وْنَحْكِيوْ الوِجْهْ فِي الوِجْهْ.

¹⁵تَوَّا نْقُلِّكْ بِالسْلاَمَة، يْسَلْمُوا عْلِيكْ لْأَحْبَابْ الكُلْهُمْ. وْإِنْتِ سَلِّمْ عْلَى حْبَابْنَا الكُلْ كُلْ وَاحِدْ بْإِسْمُو.