Read Tupuri 2 KRONIG 12 Bible Online

2 KRONIG 12 - Tupuri bible

2 KRONIG 12

¹De maga wañ mani Robowam joñ nen kañ glog go ti ngeele, day se de see äe da' eegre lay mokay no, aà kal tob jag liñgi mani Manwurn go, day Israyel äuy kal wo tob jag liñgi mani Manwurn go wer äe ni lay.

²Nen kiñgi ma de dwee maga Robowam ti wañ mono, Sisag wañ Ejipte kal nduugi le' Jerusalem, diñ wer maga aà hay bay yaçaç jag Manwur wa.

³Pus durgi äe hay ndar ti äe kiskis äoge, jar yaë piiri ndar do hiira'a, day aà kal nduugi le Ejipte de jar wer ngaäa debañ, jar Libi wo, jar Soukkiyeçeç wo, de jar Etiyopi wo.

⁴AÀ kal yaçaç äi leege ma de eegre maga wo diñ ma Juda mono, kal nduugi go haçaç Jerusalem.

⁵Do kay no no Semaya je ndar nen waçaçre ma jag Baa go kal nduugi äiñ wañ Robowam de wañre äen wo ti maga aà hay fer wo wo go Jerusalem de maga aà ko wo Sisag le seege mono. AÀ kal wii rage ga: Waçaç do kay nono diñ Manwuri ga: Nday tob me go, patala ndi de see äi ndi tob nday go ne Sisag do lay.

⁶Wañre ma Israyeln wo de wañ kal wo fer ti see äaara gesiñ, day kal wo ga: Manwur keëede!

⁷De maga Manwur wo koge ga aà fer wo ti see äaara gesiñ mokay no, Manwur kal fer waçaçre ne Semaya do kay nono ga: AÀ fer wo se äaara we gesiñ, ndi taw ge ra go gaa so. Ig la me' mono, ndi haç ge faage yañ ne hara maga aà mo dañ wo go, day tï¡ï¡gi go de wañ äin kaçaç ge ma dusgi ne Jerusalem ti de Sisag gaa so.

⁸Diñ ga ane, aà joñ ge wo gebere äe, day aà ko ge wo yañ ga joñge peele ne ndi de el yawla noga de el diñ joñge peele ne wañre ma sir ma tigriñ wo yawla.

⁹Sisag wañ Ejipte kal nduugi le' Jerusalem. AÀ kal hoo horog ma äi tiñ mani Manwur no, de horog ma äi tiñ mani wañ no. AÀ kal hoo feçeçren äuy. AÀ hoo gidigli boo biñni maga wañ Salomoñ hay joñ ra mono.

¹⁰Wañ Robowam kal joñ gidigli boo dob ma tigriñ ti ngeel äaara, kal men rage nen do wañre jar ëeen wo, maga hay wo gor jag tiñ mani wañn mono.

¹¹Tum de maga wañ wo we äi tiñ mani Manwurn no, jar ëeen kal wo hoo rage wo, blam äe aà fer wo le de äaara äi tiñ mani jar ëee wo no.

¹²Wer maga Robowam hay joñ nen fer ti see äe gesiñ so mono, baage poçoç mani Manwur joñ ti äe gaa so, nen maga se mo älagn go has wa. Werga feçeçre ma de el hay yañ wo mbaara wo Juda ni.

¹³Wañ Robowam kal toçoç glog wo Jerusalem ni, kal joñ wañ. Kiñgi Robowam hay do naa ti boñ, de maga aà nduu ti wañ mono, day aà kal joñ wañ äi leege Jerusalem kiñgi hwal ti renam, äi leege maga Manwur hay baan yoo äi leege ma ti äï¡ï¡ni mani Israyeln wo äuy maga ëu se mo hay ni mono. Ëu man äe hay ga Naama may jar Amoñ no.

¹⁴AÀ joñ älagge, werga aà men jiili äe go kië Manwur gaè.

¹⁵Joñre mani Robowam no, ma tañgun wo de ma blam no, sen wo de yerge äil kefder mani Semayan je ndar nen waçaçre ma jag Baa go wo de je ko nen Iddon ma baa jag ma tañgun wo de ma blam taw no. Ëurgi hay tum ti holañ Robowam wo de Jerobowam.

¹⁶Robowam kal sugi go äiñ paçaçre äe wo, aè kal teege äe äi leege mani Dafid no. Je ni äe Abiya kal joñ wañ ti ngeel äe.