Read Tupuri 2 KRONIG 19 Bible Online

2 KRONIG 19 - Tupuri bible

2 KRONIG 19

¹Josafad wañ Juda kal ferge le liñ ni äe äi leege Jerusalem jam.

²Jehu je ni je ko nen Hanani raw kalge go caa pel äe. AÀ kal wii wañ Josafad ga: AÀ mbe de el maga aè caa war je älagge yawla, day ndo na diñ je da jar maga wo de caa hee de Manwur mo yawla? Wersen mo sen mokay äil Manwur de cege äe ne ndo ti wer fen maga ndo joñn mokay no.

³Ama, diñ ga feçeçre ma de el yañ wo äin äo ni, werga ndo älag koore Asera ma äi sirn wo go, day ndo men jiili äo kië Manwur mono.

⁴Josafad kal hayge Jerusalem. Blam äe aà kal mañ rañge yoo jar no, tï¡ï¡ wer le Ber-Seba ka' haçaç nduu go ti huuli ma Efrayim no, kal fer rage le äiñ Manwuri, Baa mani paçaçre äen wo no.

⁵AÀ kal lag jar car kiida wo go äi leege ma kiñkiñ ma äi sir Judan wo äuy, äi leege ma honla äuy.

⁶AÀ kal wii jar car kiidan wo ga: Lag wee go de puçygi ti fen maga nday joñn ge mono, werga kiida maga nday carn mono bay diñ ne jar tebere wo wa. AÀ diñ ma Manwuri, maga joñ ge yañ ti jeñ äay ni, ma joñ reen ti de deele äe.

⁷Patalam no, daga heçeçne mani Manwurn mo hay ti äay, ko wee see äay de maga nday joñ mopo we no, werga ni Manwuri, Baa naan mono, bagge bii jar bay wa, koge jar dedañ keçeç bay wa, yaçëge mandekoë do jar bay faage bay wa lay.

⁸Dosen no lay, de maga aè wo le ferge Jerusalem mono, Josafad kal lag jar Lefid wo, jar sië jag wo de wañre ma ti feele ma Israyeln wo Jerusalem ma joñ ree ma de deele mani Manwur no, de waçaçre leëge kaçaçra wo.

⁹AÀ kal waçaçge go ne hara ga: Nday joñ ge joñre äayn diñ de heçeçne wer Manwur do kay nono, de debay ndarge goge, de jiili go sog boñ.

¹⁰Ti waçaçre kiida maga heçeçre äay maga wo le ni nduu gi wo de äe ne nday ti äañ igi huli, ti waçaçre jag liñgi, ti waçaçre jag liñgi ma de yergen wo, de jag liñgi ma äod faage seelen wo mono, nday riñ gi ra go pel bol nen maga aà mo kol wo see äaara de älagge pel Manwur wa, nen maga äil äe mo kol de soçoçge ne nday ti wa, mo kol de soçoçge ne heçeçre äayn wo ti wa lay. Diñ do kay no so no ga nday joñ ge joñre äay no, nday kol ge see äay go de älagge gaè.

¹¹Ko ëa patala de hayle ti äay diñ Amariyahu je moobe ma joñ sië jag ma kluu no, ma waçaç waçaçre ti feçeçre mani Manwurn wo äuy, Sebadyahu je ni Israyel diñ goferne ma ti tiñ mani Juda no, ma waçaç waçaçre ti feçeçre mani wañn wo no. Day jar Lefid wo de lagge pel äay ma caa kiida äay. Lag wee ngiñ, joñ wee joñre, maga Manwur mo hay de je maga joñ ge de el mono.