Read Tupuri 2 KRONIG 22 Bible Online

2 KRONIG 22 - Tupuri bible

2 KRONIG 22

¹Jar Jerusalem kal wo kañ Ahasiya je ni äe ma kleen ti ngeel äe, werga sode maga hay nduu wo ti kañn de jar Arab wo mono hay iid wo ma kluurin wo go äuy. Diñ do kay nono ga Ahasiya je ni Yoram wañ Judan kal joñ wañ.

²Kiñgi Ahasiya hay do naa ti äog, de maga aà nduu ti wañ mono, day se kal joñ wañ Jerusalem kiñgi boñ. Ëu man äe hay ga Atali, may ma Omri.

³AÀ de see äe mo lay no, see diñ ti faage mani tiñ mani Akabn lay, werga man äe hay bag yañ ne hen maga aà mo joñ diñ älagge.

⁴AÀ kal joñ fen ma de älagge nen Manwuri, do tiñ mani Akabn nono, ti ngeel maga jar bag yañ ne hen blam huli pan äe hay wo diñ jar yeege äe go.

⁵Ti jag äaara, saara kal rawge dur Hasayel wañ Siri de Yoram je ni Akab no, wañ Israyele, ti Ramod ma ti äañ Galaade, day jar Siri kal wo kañ waçaçge ne Yoram see.

⁶Se kal ferge le ma sa' waçaçge maga jar Siri hay kañn wo ne hen see Rama äi leege Jisreyele, ti maga aà hay dur Hasayel wañ Siri mono. AÀ saryahu je ni Yoram wañ Judan kal rawge ma woge ko Yoram je ni Akabn Jisreyele, werga ceegen hay baa wuu ne hen see debañ.

⁷Sen hay joñ diñ dage Baa maga Ahasiya wo äiñ Yoram ma bas see äe go. De maga aà day go ni so mokay no, aà kal wo laage go de Yoram ma woge caa pel Jehu je ni Nimsi no, je maga Manwur hay kaa noo go ne hen ti ma caa wer tiñ mani Akabn go mono.

⁸Do ga Jehu hay wo go na de le' kaçaçra de tiñ mani Akabn so mono, aà kal da' minisdir ma Judan wo de weere mani heçeçre Ahasiyan wo, maga hay wo ti joñre ne Ahasiya mono, aà raw ii rage go.

⁹AÀ raw kië Ahasiya, day aè raw baage äe Samari ni, ti ngeel maga aà hay de yoñre ni. AÀ kal nduugi de äe äiñ Jehu, day aè raw 'warge äe go. Blam äe aè raw teege äe go, werga aè hay waçaçge so ga: AÀ diñ je ni Josafad maga hay kië Manwur de jiili äe äuy mono. Jobo ma liñ ni Ahasiya maga hay nen joñ wañ pa mokay hay bay de gwa'ge wa so.

¹⁰Atali man Ahasiya hay ko ga weel sen hu we go. AÀ kal urgi mokay la kal ii wer ma ti wañ ma ti tiñ mani Judan go äuy.

¹¹Ama Yehosabead may mani wañn kal mañ Jowas je ni Ahasiya no, mañn go freñ eñ yoo jar ni wañ wo de maga aè go deiirage mono. AÀ kal äo'ge äe see waçy ma haç paçaçn ne hen äi tiñ fen suulin wo no. Diñ do kay nono ga Yehosabead may mani wañ Yoram no, waçy je sië jag Yehoyada no, aà hay diñ maygeman Ahasiya kal yoñge go nen Atali maga da' faage ma 'warge äe go gaè.

¹²AÀ raw joñ kiñgi de yoñre do äaara äi tiñ mani Manwurn hiira'a. De wur sen Atali de ma joñwañ äi sir no.