Read Tupuri SIÑ WORA 65 Bible Online

SIÑ WORA 65 - Tupuri bible

SIÑ WORA 65

¹Ne wañ siñ no. Siñ ma Dafidi, Siñ

²Ma äon mono, O Baa, lagge go seëem diñ togoëge O Baa, äi leege ma Siyon no. Day wosela ba ge jag ha'ge maga se hay ha'n ne ndo yañ go.

³Ndo je maga ndo co' sug tosge wo mono! Jar tebere wo äuy a ge wo yañ see äo.

⁴Waçaçre älaggen raw wo ndi, Ndo por ge yañ go ti älagge wuur wo no.

⁵Je maga ndo go de mañge äe, Ga ndo ya'n le mono go de da' see äe. Maga aà mo lag wo äi feele mani äo no, Wuur kaçaç ge yañ go de fruygi mani äo no, De debay ëag ma äi tiñ äo no.

⁶Baa je yaçaç wuur no, ndo bay ndar gog ti see äo tu wa, Ndo fer waçaçre ne wuur de joñre ma ngel jar wora Ndo maga jar ma ti coçoç sir wo ti tamsir äuy de kañ ëiggi ti äo, de kaali ma haçaç haçaç wo mono.

⁷AÀ joñ huuli wo kiñkiñ de eegre äe no, AÀ de gragge de eegre de kaçaçge.

⁸AÀ haëam buçygi maarog wora, buçygi kañngaw äaaran wo no, de glum glum ngaäan wo no.

⁹Jar maga wo wo go de tiñ ti jag sir tawge mono wo go de heçeçne do feçeçre kañ nen äon wo no. Ndo baa äil ngeel ma nen wer wo go de ma nen pel de ma'ge do.

¹⁰Ndo nduu ko tamsiri, day ndo haç feçeçre ne hen debañ, Ndo ngesn go de horoge. Blam bii mani Baan go de bage de bii, Ndo kne' coore ble go diñ de maga ndo joñn do kay no mono.

¹¹Ndo kag bii ti paëge äe ciñ wo no, Ndo fer paëge äe ciñn wo go do keçeç. Ndo tañn go de bii, ndo kañ bosa' ne mbere äen wo ti.

¹²Ndo kne' kiñgi maga ndo haç feçeçre ni go de ele Day faage mani äon yuu wo noo go glog ndeñ ndeñ.

¹³Ngeel ree horog ma ti puuli jaw wo lay Day fruygi diñ mblaaga ma yoo huuli ma lablab wora

¹⁴Ngeel koë horog wo go de bagge de horog ma kleere wo, Day log bar wo coore ble go faale War fruygi wo de siñ swaë wo mbaara koë so.