Read Tupuri JAG JOÇOÇ WO 7 Bible Online

JAG JOÇOÇ WO 7 - Tupuri bible

JAG JOÇOÇ WO 7

¹Weel äi, yaçaç waçaçre äin wo, ëaw jag liñgi äin wo do äo.

²Ëaw jag liñgi äin wo maga ndo mo hay tenen caw. Oo ti jag liñgi äin wo do maga ndo gor ti mbere nen äo nono.

³Saë ra ti weere do äo wo, yer ra ti greñ jiili äo.

⁴Ëe koge reen ga maygeman äo ëe joñge de tin ga nday äo,

⁵Nen maga a mo gor wo ti äo do waçy figliw no, do waçy waare ma jag de coçoçre no.

⁶Ndi hay go de hayle jag feneder tiñ mani äi no, ndi raw ko nen äi le go nen kleä no.

⁷Nen äi rawbaa jobo yoo jar bay tin wo, ndi raw ko weel ma twar po yoo weere joçoçren wo caw go de dog jage.

⁸A hay seege caw ti faage de ngar ngeel maga waçy figliwn ni mono. Se raw äo' see äe wo kar kar ti jeñ tiñ äe no.

⁹Ngeel hay na de law daymola de maga wur coñ we go lay, suñgu a we go lay mono.

¹⁰Kola waçy po caa pel äe we le de mañ mangawlañ go de bag jag ma äen äil äe.

¹¹A da waçaçre lay, soçoçre bay joñge äe wa lay. A hay bay hayge liñ ni äe ye' wa has äuy.

¹²Ndo da'n go ti faage wo, go ti ngeel tay ti wo, go ti jeñ ngeel wo, go tum de beg jare.

¹³Waçyn raw ba weel no, raw klewge äe, day riñn de kañ nen ne hen ti ëeñres gana:

¹⁴Ndi hay de ree siigi jag ma tay jag see, day wara ndi baa jag ëiggi äin wo we go so.

¹⁵Diñ wersen so ga ndi kal le go caa pel äo kië moge mono, day ndi da' ndo we lay.

¹⁶Ndi blar borgo we go ti ngeel suuli äi no, ndi blar oçoçbe ma kufkuf ma Ejipten we go ne hen ti.

¹⁷Ndi kag trusa miri, alowes wo de sinamon wo we go ti ngeel suuli äi no.

¹⁸A le, naa wo nage poëag joñ fruygi haçaç ngeel tee go. Naa wo haç see naa ne fen maga fruy äil naa yañ go ti dagen mono.

¹⁹Gahaçyla, war äi bay liñ wa, a raw go ti rañge haçaç.

²⁰A raw de ndar solayn do, day se fer le na de maga few kol go ciñ ka' de el mono.

²¹Waçyn raw joñ nen weeln de hila äe no, raw kogge äe wer de jag coçoçre äe no.

²²Weeln raw mañ blam äe keëaw keëaw tu do day maga aè wo de äe ti ngeel ngaë nay nono, do je loëge maga aè bañn ma woge joñ bon äe,

²³Haçaç waa wo go go baage äe ti jiiri nono. Do weedwee maga sir le ne baèy ti bay koge ga a taw naw se go na wa nono.

²⁴Patalam no weere äi, laa wee jag äi day laa wee waçaçre ma jag äin wo de ele.

²⁵Daga jiili äo mo haçy go ma mañ blam waçy ma dosen no kay wa, yee see äo go ti faage äen wo wa.

²⁶Gahaçyla, a hay laa jar go gesiñ debañ jar maga a id ra go hay wo diñ jar ma de eegre äuy.

²⁷Tiñ mani äen diñ faage maga le' wo ni jar huli wo, diñ faage maga wo wo de jobo jag huli.