Read Tupuri JAG JOÇOÇ WO 9 Bible Online

JAG JOÇOÇ WO 9 - Tupuri bible

JAG JOÇOÇ WO 9

¹Koge ree hay boo tiñ äen go, raw cor dog äe wo renam.

²Se kal ngaë horog äen wo, kañ defoçoçre go ne yii äe no, raw 'wuçy ngeel reege äen go.

³Blam äe se raw laa mayre tigliiri äen wo, kal ooge go ti ngeel ma de mañge ciñ ma äi leegen wo deñ ti äay gana:

⁴Wosela äuy maga bay de ti wa mo fer le go see äi la! Se day riñ jar maga bay wo de ko ree wa äuy gano:

⁵A wee le, wuë wee go de reege mani äi no, Joo wee yii maga ndi kañ defoçoçre go ne hen mono.

⁶Men wee de bay ko reen go, ni nday joñ yañ tenen ti'i See wee diñ ti faage maga haç ti yañ ne nday mono!

⁷Je maga ruu je mbuë fo jarn mono, ëe le ti see äe diñ fegge ti. Je maga liñ je haçyhaçy mono, da' diñ lasge.

⁸Ruu je mbuë fo jarn wa, a day la caa hee de äo. Ruu diñ je ma de ko ree ni a da mo yañ.

⁹Haç ne je ma de ko ree no, ni a kol yañ de ko ree de dañ seno. Kañ nen je ma keëedn ti ree ni se ya' koge äen yañ ciñ.

¹⁰Tï¡ï¡gi wer koge ree diñ joñge heçeçne do Baa, Koge jar ma bay ëagn wo diñ ti äaara no.

¹¹Gahaçyla, naw äon ya' ge wo wo pel ni, Noga kiñgi äon ya' ge ciñ ni na diñ nen do äi.

¹²Hayga ndo yañ de ko ree no, koge ree äon diñ ma äo Hayga ndo yañ fegge ti jar no, ndo soë ge poçoçre äe na diñ ndo mbo boñ.

¹³Loëge do waçy ma da ngar jag nono. A bay de ko ree wa, bay de da' wer ne mopo me' wa lay.

¹⁴A hay go jag tiñ äe ye'e, go ti pale ciñ ti ngeel ma de farge ciñ ma äi leegen,

¹⁵Ma 'wad äay ne jar maga heer wo, day wo go de mañ faage äaara de el ti gana:

¹⁶Wosela äuy maga bay de ti wa mo fer le go see äi la! Se day riñ je maga bay de ko ree wa gana:

¹⁷Bii maga aè ëaan le de freñ sen de yaçaç jage! Hole ma de yoñren, sen de ele!

¹⁸Day je loëge ko ga huli wo ti ngeel ni, noga jar maga loëge ëe ra le wo de lagge äil log mani jar hulin wo gaè.