Read Tupuri EKLESIYASTE 12 Bible Online

EKLESIYASTE 12 - Tupuri bible

EKLESIYASTE 12

¹Ama fer kañ ëiggi ti je joñ mogen de wur maga ndo joçoç mono, tañgu maga wur ma de gaalin nduu wo, day kiñgin joñ wo le nen ndorge, nen maga ndo kol waçaç ge ga: Ndi bay da' mopo de coçoçre nen äi ni wa so bagla mono.

²Sen tañgu maga wur wo de poëage, few wo de ger äo' wo suñgu go ti, do maga swaare fer wo le naage blam maga Baa hay ra go ra nono.

³Ti wursen mono, jar gor ti tiñn daë wo, jar maga wo diñ bogawla gun wo go, jar nañgen wo go seëem werga aà gwa' wo go me'e, jar maga ko wo nen wo go ti ndugla mono äo' wo suñgu we go ti lay.

⁴Jag tiñ ma äogn teçg wo le go ti faage lay, de maga ngarge jag niinin ham go mono, day wosela kal urgi go ciñ ti ro weedwee, jar 'wad siñn wo äuy ham wo go lay.

⁵AÈ joñ heçeçne do mo maga go ciñ mono, aè joñ heçeçne ti faage, koo amande fuëi, mapoë kol poçoçge, coçoçre mopo bay wa so, werga je tabay raw ti ngeel hayle äe ma tum no, day jar ro wo go de cirgi ti faage ti ro deñe.

⁶Tañgu maga saale boo solayn bud go, haçn boo biñnin mbug go, hoole mbug go jag bii, day pa haçn gutug ëir wo go äi gutug ni mono.

⁷Tañgu maga äurgin fer nen äurgi no, do maga se hay le ni nono, ti ngeel sen nenterse fer äiñ Baa maga hay haçn le go mono.

⁸Eklesiyaste ga de koëkoë ngeel dekoëe, feçeçren wo äuy de koëkoëe.

⁹Ni tigriñ pa mono diñ ga Eklesiyaste hay diñ je ma de ko ree, aà hay had jar de koge ree wo. AÀ hay co' suggi, kië were, day hay sraë jag joçoç wo go ti ngeel äe ngaäa debañ.

¹⁰Eklesiyaste hay de dage ga se mo daë waçaçre ma de coçoçre wo. Day waçaçre maga hay wo de yerge ti ëeger äe mono hay wo diñ waçaçre ma cwaçy.

¹¹Waçaçre mani jar ma de ko reen wo do waa ma äeer see nono. Day, de maga aè baa jag äaara we go de yerge kay no, aà wo do ponte maga aè äal ra, day je haç ragen diñ je hadge po boñ.

¹²Te maga gwa' mono, weel äi, da' hadge ni. Yerge kefder ma kluuri wo ngaäa taw ge ti gaa, hadge wer feçeçre debañ diñ gayge hoçoçgesee.

¹³Naa co' wee sug äo'ge ti waçaçre sen äuy no: Joñ heçeçne do Baa, day ni ndo hoo sug ti jag liñgi äen wo no. Sen mo haç' diñ je tabay ma hon la äuy.

¹⁴Werga Baa hee ge yañ de feçeçren wo äuy jag kiida, ti waçaçre fen maga go de yoñre, hay ba de ele, noga de älagge.