Read Tupuri JOÑRE JAR LEFID WO 12 Bible Online

JOÑRE JAR LEFID WO 12 - Tupuri bible

JOÑRE JAR LEFID WO 12

¹Manwur kal fer waçaçre ne Moyisi, day ga:

²Fer waçaçre ne jar Israyel wo, wii ra ga: De maga waçy mañ äiili we, day aà biñ mbarga ma twar we no, aà joñ ge go de demge nen naw renam. AÀ joñ ge go de demge do maga se hay ti wur maga se hay daë waèy nen few nono.

³Wur naw ma de nenma'n mono, aè caa ge äiini mbargan go.

⁴AÀ joñ nen hayge naw do swa' ti swa' tigriñ ma façaç see äe go de ci äe no. AÀ baa ge do see mopo maga go sag sag gaa, day wo ti ngeel ma bay ëagn gaa, haçaç wur maga naw façaçge äen baa jag go ëa.

⁵Hayga aà biñ we diñ mbarga ma twaçy no, aà hay ge de demge nen lumo äoge, do maga waèy hay daëge äe nen few nono. AÀ joñ ge naw do hiira'ti hiira' ma façaç see äe go de ci äe no.

⁶Wur maga naw façaçge äen baa wo jag we go ti mbarga ma twar noga ti mbarga ma twaçy no, aà joñ ge nen nduugi de weesam ma kiñgi boñ ne je sië jagn ma joñ siigi jag maga aè roë mo äen go äuy ti älagge jag Tiñ Yiñgi de Baa no de weel kurkudu noga de weel heëngere.

⁷Je sië jagn nduu de äaara pel Manwuri day joñ porge go ne hen ti. AÀ joñ nen kol ge go de façaçge de curgi ci äe no. Mokay diñ jag liñgi ma ti waçy maga biñ mbarga ma twar noga mbarga ma twaçy we mono.

⁸Hayga mo ma da' weesam bay we do äe wa no, aà joñ ge nen hoo weere kurgudu äoge noga weere heënger äoge, ma boñn diñ ma joñ siigi jag maga aè roë mo äen go äuy, ma lan diñ ma joñ siigi jag go ti älagge. Je sië jag joñ ge nen porge go ti äe, day aà joñ ge yañ go de façaçge.