Read Tupuri JERMI 40 Bible Online

JERMI 40 - Tupuri bible

JERMI 40

¹Waçaçre maga Manwur waçaçn ne Jermi blam maga Nebusaradan wañ soden men faage go ne hen ma rawge wo Rama mono. De maga Nebusaradan hay ban mono, Jermi hay de laa rece' do yoo jar maga aè hoo ra le Jerusalem wo de sir Juda ma woge de äaara ti dañgay Babilon mono.

²Wañ soden raw ba Jermi day riñn gano: Manwuri, Baa äon hay waçaç go ti ree maga de caa ngeeln mo ta' la no.

³Manwur raw age de äe day bag jag fen maga se hay waçaçn go wer maga nday hay joñ älagge see Manwuri, nday day laa jag äe gaè. Fen maga aà hay waçaçn go raw age ne nday ti so.

⁴Patala ndi pog rece' go ne ndo do. Hayga ndo ko we nen äo de el ga ndo raw mbo wer äi Babilon no, ni ndo wo mbo ndi kañ ge nen äi yañ ti äo. Day hayga aà coo we jag äo gaa ndo wo wer äi Babilon gaa lay no, ni ndo wo mbo wa lay Ko nen äo, sirn wo mo ti' äuy pel äo no, wo ti ngeel maga ndo kon de ele day coo jag äo ga ndo wo ni mono.

⁵De maga Jermi bay fer waçaçre wa ëa mono, Nebusaradan kal gano: Fer see Gedaliya je ni Ahikam je ni Safan maga wañ Babilon hayn waçaç ree äi leege ma Judan wo mono. Hay wo see äe yoo jarn wo ni, wo ti ngeel maga äil äo da woge ni mo äuy no. Wañ soden raw haç feçeçren reege wo ne hen de kayge wo, kal megeäe rawge.

⁶Jermi raw woge Mispa see Gedaliya je ni Ahikam no, se raw hayge yoo jar maga hay wo de gwa'ge äil sirn ni mono.

⁷Jar kluuri sode maga hay wo wo go yoofi mo äuy raw wo laage de jar ma wer äaaran wo ga wañ Babilon hay Gedaliya je ni Ahikamn we ti sir no, haç werpiiri, naare, weere kleere de jar coo ma äil sirn ga aè hay hoo ra wo go Babilon gaa ne hen do.

⁸Saara raw woge Mispa see Gedaliya, aà hay wo diñ Ismayel je ni Netaniya no, diñ Yohanan wo de Jonatañ jar ni Kareya wo, diñ Seraya je ni Tanhumed no, diñ jar ni Efay ma Netofa wo de Yesaniyahu je ni je Maaka no, jar sen wo de jar äaaran wo wer äaara.

⁹Gedaliya je ni Ahikam je ni Safan raw ha' ge go ne hara de jar äaaran wo gano: Joñ wee heçeçne ma joñ peele ne jar Kalde wo wa, lag wee äil sirn la, joñ wee peele ne wañ Babilone day ni nday da' see äay yañ de ele.

¹⁰Ndi, ndi de hayle Mispa la de oole pel äay ma yiñgi de jar Kalde wo de maga aà a ge wo we äil sirn la mono, ma äayn mono, haçaç wee tlalum ma haçaç yii, haçaç wee le'ge koo ma ti ceeren wo de ma yuë noon wo. Lag wee ra ti feçeçre ma lag ragen wo day lag wee äi leege äay maga nday bag sen wo ma lagge mono.

¹¹Jar Jwif maga hay wo le go ti sir Mowabe, ni jar Amoñ wo, ti sir Edom noga ti sir wo äuy raw wo laage lay ga wañ Babilon yañ de men jar äil sir Juda ni day se hay Gedaliya je ni Ahikam je ni Safan waçaç waçaçre prog no.

¹²Jar Jwif wo äuy kal wo men ngeel maga saara hay dus wo go ni wo le go äuy, fer wo le Mispa see Gedaliya ti sir Juda. Saara raw da' yii de le'ge tlalumn debañ lay, haçaç wo le'ge koore ma ti ceere wo debañ lay.

¹³Yohanan je ni Kareyan wo de wañre sode maga hay wo le go yoofi mo äuy raw wo age Mispa see Gedaliya,

¹⁴day riñn wo gano: Ndo yañ mbo de koge ga Baalis wañ jar Amoñn le de äo' Ismayel je ni Netaniyan le ma 'war ndo go yawla? Ama Gedaliya je ni Ahikam laa haç äil ti waçaçre äaaran gaè.

¹⁵Yohanan je ni Kareya raw riñ Gedaliya go freñ Mispa gano: Haç faage me maga ndi wo go taw Ismayel je ni Netaniya no. Joñge joñge ga jar Juda maga hay tay wo le see äo fer wo go dusgi äuy noga jar Juda maga gwa' wo, yeeë wo go pa la?

¹⁶Gedaliya je ni Ahikamn kal ferge ne Yehonan je ni Kareyan gano: Joñ sen wa werga fen maga ndo de waçaçge äe ti Ismayel diñ gete'e.