Read Tupuri LAWGE MANI JEREMI WO 5 Bible Online

LAWGE MANI JEREMI WO 5 - Tupuri bible

LAWGE MANI JEREMI WO 5

¹Manwuri, ëig ti ti wuur ti ree maga de caa wuur mono! Kañ nen äo mbo ko mbuëgi fuy wuur no!

²Tway mani wuurn kol go nen do waare wo, Tiñ wuurn kol wo go do jar dehaçy wo.

³Wuur kol go holge bay paçaçbe, Maare wuur wo go do naare dewur wo nono.

⁴Wuur yee bii ma jag wuur na yeege de solay, Wuur da' haçaçre ma roëgen na say de yeege yeege.

⁵Jar joñ bon wuurn wo mbaara ne wuur faale ye' ye'e, Wuur go de hoo eegre ama jobo bay men wuur iggi wa.

⁶Wuur coñ do wuur wo nen Ejipte, Wo nen Asyri maga wuur mo wuë go de hole.

⁷Paçaçre wuur hay joñ wo älagge le day saara bay wara wa so. Wuur wara de soë poçoçre debaycoçoçre äaaran wo.

⁸Gebere wo de waçaç ree wuuri, Je yaçaç wuur go do äaara bay wa hase.

⁹Wuur da' reege wuurn le na de bon ma ti maysee wuuri, De jaw no gag gag le äil puuli.

¹⁰See wuur leë wuu go do koñne do äi swee nono.

¹¹A suë wo de naare wo de wañ äil Siyoñ, Suë wo de mayre ma tigliiri wo de wañ äi leege ma Judan wo.

¹²AÀ hay hag wo minisdirn wo go ciñ de do äaara, Hoor wo sug ti jar kluuri wo gaa so hase.

¹³AÈ jag manniini ne weere ma joçoçren wo ti, Weere ma twerpiiri say wo go do poçoçre saëge haçaçre no.

¹⁴Jar kluuri bay wo tay ti jag tiñ wa so, Weere joçoçre men wo 'wad siñ äaaran go lay.

¹⁵Fruygi caa wer go jiili wuuri, Dagge joçoç wuurn kol wo go diñ lawge.

¹⁶Gawrañ ma ti wuurn le' go gesiñ. Ree ti wuur werga wuur joñ älagge!

¹⁷Jag jiili wuur wo nen lawge, Nen wuur äod wo suñgu.

¹⁸Sen na wer maga huuli Siyoñ kol go nen coocoo mono, Wer maga baygema kol wo go rañge ti äe mono.

¹⁹Manwuri, ndo mbo ti' tum, Pale wañ äon mbe ta' tum lay, De kiñgi de kiñgi.

²⁰Wer mayse ga ndo mbo go de yoçoç ti ti wuur tum Day tob mbo wuur go nen tenen wuur äuy tu la?

²¹Manwuri, fer wuur le see äo, ni wuur fer yañ le. Fer wur wuur wo go ti ngeel äaara do ma äaan wo nono!

²²Ndo tob mbo wuur go na tum so yawla? Ndo caa mbo jiili yañ go ne wuur ti has so yawla?