Read Tupuri ESEKIYEL 15 Bible Online

ESEKIYEL 15 - Tupuri bible

ESEKIYEL 15

¹Manwur kal fer waçaçre me do kay nono:

²Ga Weel je tabay, fen maga koo tlalum dañ koore ma lan wo de äe diñ mayla? Jag do äe maga aè ëeen wo go mono mbe de dañ koore ma yoo koo ma lan wo äuy yawla?

³AÈ caa mbe koo po yañ ti äe ni ma joñ joñre po? AÈ da' mbe koo say po yañ ti äe ni ma hag mopo me'e?

⁴AÈ äo'n go ti wuu, wuu roën go. Wuu roë jag äe ma äogn wo go, day gisiëgi äen yaçaç wuu go lay. AÀ mbe de el ma joñ mopo go de see äe hala lay?

⁵Do kay nono, de maga aà hay de jag äe seleñ äuy ëa mono, AÈ hay bay joñ joñre po de äe wa, yoo no ma' no maga wuu roën go day se yaçaç wuu go, Day aè joñ nen joñ mopo de äe?

⁶De ele! Waçaç do kay nono diñ Wañkluu, De ngaäge do koo tlalum yoo koore ma yoo koo wo nono Do maga ndi äo'n go ti wuu, day wuu roën go nono, De ngaäge dosen nono, ndi haç ge jar Jerusalem wo go.

⁷Ndi ngië gi nen yañ de äaara, AÀ laa wo le go nen wuu, day wuu roë ge ra yañ go, Day nday ko ge yañ ga ndi diñ Manwuri, De maga ndi ngië gi nen we de äay no.

⁸Ndi men ge sirn yañ go de koë, Diñ wer maga aà joñ wo see äaara diñ jar ti grañ Kay diñ jag Wañkluu, Manwuri.