Read Tupuri ESEKIYEL 35 Bible Online

ESEKIYEL 35 - Tupuri bible

ESEKIYEL 35

¹Manwur kal fer waçaçre me do kay nono:

²Ga weel je tabay, Mbuë nen wo de huuli ma Seyir no, Day ni ndo ndar nen waçaçre ne hen ti!

³Ndo waçaç ge ne hen ga: Waçaç do kay nono diñ Wañkluu, Manwuri: Ndi mo deñ de yiñ moge no, huuli ma Seyir no! Ndi de mañ do äi ciñ see äo, Day ndi kol mo go de see äo boñ tawa, nen lawge lay.

⁴Ndi kol ge äi leege äon wo go de älagge Ndo kol ge yañ go diñ ngeel lawge Day ndo ko ge yañ ga ndi diñ Manwuri.

⁵Diñ wer maga ndo hay diñ je hee ma tum, Diñ wer maga ndo srog jar Israyel wo go de jaw, Ti wur coocoo äaara no, Ti wur maga älaggen hay debañ mono.

⁶Ndi yañ! Kay diñ jag Wañkluu, Manwuri. Ndi legad ge ndo go nen ci, Day cin mañ ge blam äo. Diñ wer maga ndo caa hee de ci gaa mono, Ti ngeel sen ci mañ ge blam äo lay.

⁷Ndi joñ ge yañ ga huuli ma Seyirn mo gwa' go boñ, mo gwa' go de see äe tawa. Ndi taw ge jar seele maga raw wo day fer wo le nin yañ go yañ go.

⁸Ndi bag ge huulin wo yañ go de huli jare. Ti huuli ma lablab äon wo no, äi log äon wo no, äi gwuñri äon wo äuy Jar maga moslam go de äer rage mono, leë ge wo yañ go ni.

⁹Ndi joñ ge yañ ga ndo mo hay go celef de see äo boñ ma tum, Jar joñ ge de tiñ äi leege äon wo gaa so, Day nday ko ge yañ ga ndi diñ Manwuri.

¹⁰Diñ wer maga ndo kal waçaçge ga: Wer sir ma äog wo no, Sir ma äogn joñ ge wo diñ ma äi, Day wuur lag ge yañ go ni ma wuuri, Ama Manwur hay yañ mbe ni.

¹¹De ele, ndi yañ! Kay diñ jag Wañkluu, Manwuri, Ndi wo ge diñ de bagge poçoç wo de hun maga ndo naa nen äe go ti caage hee äon see äaara mono. Ndi naa ge nen see äi yañ go yoo äaara, De maga ndi caa ge kiida äo we mono.

¹²Ndo ko ge ga ndi, Manwuri, Ndi hay laa ëargen wo äuy, Ëarge maga ndo hay ëar huuli ma Israyeln wo de äaara mono Ndo ga: AÀ wo go nen lawge, AÀ gwa' wo go ne naa diñ ngeel ree horog wora,

¹³Nday raw pudgi le de äi de waçaçre pedped äayn wo no, Nen waçaçre äayn wo mono, nday waçë jag kluuri me see. Ndi hay laë ra de sug äi de see äi.

¹⁴Waçaç do kay nono diñ Wañkluu Manwuri: Ga de maga sirn joñ ge we go nen fruygi äuy no, Ndi äo' ge ndo yañ go nen lawge.

¹⁵Diñ wer fruygi maga ndo hay joñn mono Diñ wer maga tabul tiñ mani Israyeln hay gwa' go nen lawge mono, ndi joñ ge ndo de mañ sen tawtaw lay. Ndo kol ge yañ diñ ngeel lawge huuli ma Seyir no, Ndo, de Edom eñ äuy Day aè ko ge yañ ga ndi diñ Manwuri.