Read Tupuri AMOS 3 Bible Online

AMOS 3 - Tupuri bible

AMOS 3

¹Jar Israyel wo, co' wee sug waçaçre, maga Manwur go de waçaçge äe ti äay mokay no: Ti feelen wo äuy, Maga ndi cegaë le go de äaara Ejipte mono.

²Ndi joñ nen hoo nday le go, diñ nday tawa, Yoo wer jar ma ti tamsir wo äuy Diñ wersen ga ndi wii gi jag äay yañ Ti ngeel yeeëge äay go wo no.

³Jar po mañ wo mbaara faage yañ wer kaçaçra äog Bay tay jag go tañgu pel bol yawla?

⁴Mingir buçy mbe yañ de koë yoo koo ga buçy Bay da' naèy pel äe ni yawla? Weel mingir ngar mbe jag yañ le äi tu äen de koë ga Ngar bay da' mopo yawla?

⁵Weedwee le' mbe yañ go gesiñ de koë ga Ga le'e, de maga mopo bay mbe we de gungi pel äe ni wa mo yawla? Saale baèy hoo mbe yañ go ciñ ga hoo De maga mopo bay mbe de bagge ni wa mo yawla?

⁶AÈ 'waa mbe coo yañ äi leege po ga 'waa, Ga day jar ma äil äen joñ wo heçeçne yañ gaa yawla? Gaali nduu mbe yañ äi leege po, Ga je age de äen bay diñ Manwur wa mono nduu mbe yañ yawla?

⁷Do kay nono, Wañkluu, Manwuri, bay joñ Mopo maga se sii waçaçre äe ma de yoñren go tañgu ne Weere joçoçre äe jar ndar nen waçaçre ma jag äen wo gaa na baywa.

⁸Mingir de buçygi mono, heçeçne joñ wose yañ gaa la? Wañkluu, Manwur ti waçaçre mono, Wose ndar ge nen waçaçre yañ go gaa la?

⁹Joñ wee nen 'wad äay ma kay äi tiñ wañre ma Asdodn wo no, Day äi tiñ wañre ma Ejipte wo no, Ni nday waçaç wee ga: Tay wee ti go Ti huuli ma Samarin wo no. Day ko wee mbay ëa, glubgi mani äen kluu mo deñ ëa so la? De joñge coo ma ti holañ äen wo mo deñ no!

¹⁰AÀ bay wo de ko joñ mopo ma de deele wa Kay diñ jag Manwuri, Äi tiñ wañre äaaran wo mono, feçeçre maga aà yaçë wo ra de wañ wo de frumgi mono, wo de corge ti keçeç ka' ka'a.

¹¹Diñ wersen ga Manwur waçaç do kay nono ga: Koëa, je heen day le! AÀ go de yiñ ti sirn äuy! AÀ taw ge eegre äon go, AÀ go de frum tiñ wañre äon wo no.

¹²Waçaç do kay nono diñ Manwuri: Ga de ngaäge do maga je koë horog yaçaç äaale horog Le go jag mingir äogge, Noga yaçaç sug horog le go jag mingir boñ no mono, De ngaäge do sen no lay ga jar Israyel Maga wo de tiñ Samari, yaçaç ge wo le go jag Jar hee äaaran wo no. Saara jar maga wo de mbeëge ti feçeçre suuli wo De tapi ma Damas won mono.

¹³Co' wee sug äay, ni nday joñ wee Sedewa Ma kay ne tiñ mani Jakobn ti. Kay diñ jag Wañkluu, Manwuri, Baa Pantway no.

¹⁴Ti wur maga ndi wii gi jag Israyel ga AÀ mo bag blam waçaçre go me ti rawge jag äi go äen wo mono, Ndi wii gi jag äe yañ ga aà mo bag blam waçaçre go Me ti ngeel siigi jag ma Betel wo no, Coçoç ngeel sië jagn mbug gi wo go, Day leë ge wo yañ go gesiñ,

¹⁵Ndi srog ge tiñ ma ti ngeel ceeren yañ go Ne tiñ ma de ngeel tobn ti, Tiñ wañre ma de boorge de sañ feçeçren älag ge wo yañ go, Ti ngeel sen tiñ wo debañ far ge wo jag yañ go, Kay diñ waçaçre ma jag Manwuri.