Read Tupuri 2 KORENTE WO 13 Bible Online

2 KORENTE WO 13 - Tupuri bible

2 KORENTE WO 13

¹Ndi de dog woge ni äay ma de swa'a. Ree maga aè 'wad war ti äe mo äuy, aè yaçaç ree sen wo ga aà cwaçy, say ni jar sedewa äe äog noga swa' ëa.

²De maga ndi hay le ni äay ma de äog ndi hay waçaç ree sen we le go wee ni, ama patala ndi bay wo yoo äay ni wa. Ndi wo de wii jar maga hay joñ wo älagge le tañgu, de jar lan wo lay ga wur maga ndi fer ge wo pa no, ndi joñ rage desaçy gaa so.

³Wer maga nday de saçy lam mege ga Kris haç mbe waçaçre äen mbe we me jag yawla so mono, nday kon ge mbay yañ! Kris bay de hugli ti äay wa, ama aà yañ ndar nen eegre äen go yoo äay.

⁴Mbe kidolgi, wer dehugli äe, aè raw äalge äe go ciñ ti koo ma äal jar no. AÀma aà patala tenen caw diñ wer eegre Baa. Wer tayge wuur de äe, wuur de hugli dosen no lay, ama wer joñre wuur maga wuur de joñge äe yoo äay wuur naa ge nen äe yañ go wee.

⁵Lam wee see äay de see äay ma koge ga nday yañ mbay de haç äil äay ne Kris yawla. Nday bay de koge ga Yeso Kris de hayle äil äay wa yawla? Nen daga nday mo hay de kaçaçge ma naa nen see äay go ga nday yañ mbay de haç äil äay ne Krisi.

⁶Ndi ëig ga nday yañ go de koge ga joñre wuur kañ nen äay ga wuur de haç äil wuur ne Kris cwaçy.

⁷Wuur de wii Baa ti äay tum ga daga nday mo joñ ree ma de älagge wa. Wuur bay kañge diñ nen äay ga nday mo ko wuur ga wuur de kaçaçge koë wa, ama maga wuur mo ko wee joñge diñ joñre ma de ele. Wuur mo kol ba go diñ jar maga wuur bay de kaçaçge wa laybla', sen joñ mopo gaè.

⁸Werga eegre wuur bay ma älag cwaçy waçaçre Baa go wa, eegre wuur de kaçaçge ma ëawge diñ cwaçy waçaçre tawa.

⁹Äil wuur go feh debañ ti maga wuur kol go de hugli, ama ma äay nday de eegre mono. Day fen maga wuur de wiëgi äe ti tosge wuurn diñ ga daga nday mo hay go joñ joñre ti ngeel äe keëede.

¹⁰Diñ wersen ndi raw yer waçaçre sen wo wee de maga ndi wo go la haçaç mono, maga ndi wo ge we yoo äay wur sen, ndi mo joñ wee de haçaç de eegre maga Wañkluu haçn me mo wa. Werga eegre sen de haçge me ma ya' wer äay haç äil äay ne Krisi, bay ma älag weege go wa.

¹¹Patala heçeçre äin wo, nday gwa' we. Joñ wee joñre de el nen maga nday mo hay go ti ngeel äe keëede, coä wee nen kaçaçra, tay wee jage, lag wee ti yoo kaçaçra jam, day Baa ma da jar no, je ëaw jar jamn hay yañ yoo äay.

¹²Heer wee jag ne kaçaçra, de klew kaçaçra do heçeçrebe wo nono. Te jar mani Baa wo wo de hee jag ne nday äuy.

¹³Nen daga äil de el mani Wañkluu Yeso Kris no, dage mani Baan wo de tayge mani Nenterse ma bay ëagn mo hay wo de äay äuy.