Read Tupuri JAR CAR KIIDA WO 19 Bible Online

JAR CAR KIIDA WO 19 - Tupuri bible

JAR CAR KIIDA WO 19

¹De sen ni mono, wañ hay bay Israyel wa. Je Lefid po hay wo de tiñ ti jag huuli ma Efrayim wo, se raw hoo nday äe po le diñ waçy jar Betlehem ma ti sir Juda no.

²Nday äe se ga se hoon le bay hayge wer äe ye' de el wa. Se kal men je Lefidn go ma woge ni pan äe wo Betlehem ma ti sir Juda no, hay wo go ni few naa.

³War äen kal urgi go ciñ raw wer äe ma woge ndalge äe, ma ferge äe le liñ. Saara hay wer kaçaçra de weejoçoç äe no, de gerheçeçre wo ni äog lay. Waçy raw laa rage liñ ni pan äe day de maga pan maywaaren ko war äen mokay se yaçaçn de fruygi.

⁴Yaa äe pan maywaaren raw ëawge äe ni äe ni haçaç se joñ naw ni äe swa'a. Saara ree lay, joo wo lay, kal wo joñ naw ni mbage.

⁵Ti naw ma de naan mono, saara kal hooge go ciñ de toñ mbuhu day je Lefid hay go de 'wuçy see äe ma rawge. Ama pan maywaaren raw wii yaa äen gano: Ba jag ti mopo me' ma da' eegre ëa ni nday raw wee so.

⁶Saara raw lagge gesiñ ree wo day joo wo de kaçaçra äog äuy. Blam äe pan maywaaren kal wii war äen gano: Coä mbo nen äo ni ndo na mbo la ëa pa day ni äil äo mo joñ go fehe.

⁷War waçyn hay ur go ciñ ga se raw. Day, wer maga yaa äe mbe ceä ga aà mo na ni boñ ëa mono, se raw nage mbe ni boñ ëa pa.

⁸Ti naw ma de dween mono, se kal urgi go ciñ de toñ mbuh ma rawge. Pan maywaaren day so gana: Ndi kam mo kamge coä see äo day ig wee, wur mo coñ ëawa ëa. Saara kal wo reege äog äuy pa.

⁹War waçyn hay ur go ciñ ma rawge de nday äe maga se hoon wo de weejoçoç äe no. Ama yaa äe pan maywaaren kal wiigi äe gano: Koëa wur go de coñge, go de kië le'ge gesiñ. Na wee la, werga wur go de coñge. Na wee la nen maga äil äo mo joñ go fehe. Toñ mono, nday hooge yañ go ciñ ma mañ faage äayn kway day ni ndo dayge yañ go liñ ni äo.

¹⁰War waçyn day nage gaa so. Se raw urgi go ciñ kal rawge. Se wo go dayge jag Yebus maga diñ Jerusalem mono. Nday äe maga se hoon wer äe ni lay, gerheçeç äe ma äogn de deëaare ti wo do äe ni lay.

¹¹De maga saara day go ti jeñ Yebus mono, wur hay go de coñge debañ. Weejoçoçn kal riñ je waçaç ree äen gano: Naa see, naa cel wo äi leege mani jar Yebusidn wo ni naa na ni.

¹²Je waçaç ree äen kal ferge ne hen gana: Naa cel wo go haçaç äi leege mani jar dehaçy po ga jar Israyel bay wo ni wa wa. Naa wo go nage Gibeya.

¹³Se day wii weejoçoç äen pa gano: Naa see, naa ya' wo see ngeel po boñ yoo ma haç' wo lam no, Gibeya laybla' Rama laybla' day ni naa nage ni.

¹⁴Saara raw mbaara rawge so. Wur wo le'ge gesiñ mokay saara äiñ Gibeya ma ti sir Benjamen mbañ.

¹⁵Saara kal celge wo ma nage Gibeya. Je Lefidn raw kalge wo äi leege no day oo ti ngeel tayge ti ma äi leege no. Je maga mo yaçaç ra liñ ma naw bay wa äuy.

¹⁶Kola blo je taçaçbe po hay le ti joñre äil pay fer le de law so. Je sen la hay diñ je ma ti huuli ma Efrayim wo day se hay ur le go Gibeya ni. Jar sir wo ni hay wo ti wer mani Benjame no.

¹⁷Se kal mañ nen äe ciñ kal ko je rañgen deñ ti ngeel tayge ti ma äi leege no. Je taçaçben kal wiigi äe ga: Ndo wo genla? Day ndo hay le genla?

¹⁸Je Lefidn kal ferge ne hen gano: Wuur hoo le Betlehem ma ti sir Juda ma cegaëge wo ti jag huuli ma Efrayim wo ga diñ ngeel maga ndi wo de tiñ ni mono. Ndi hay raw wo go Betlehem ma ti sir Juda no, day ndi wo na äi tiñ mani Manwur no. Ama je maga mo yaçaç me liñ ni äe bay wa.

¹⁹Ane hoçoç yañ mbaara do wuur de hoçoçsaä ma ree gerheçeçre wuurn wo, hole wo de yii yañ mbaara do wur nen kaçaç ndi lay, nen kaçaç maytigli äon lay ma kaçaç wee twar ma wer weere joçoçre äon wo lay. Coo mopo bay see wuur wa.

²⁰Je taçaçben kal gano: Daga jam mo hay see äo! Ndi de see äi ndi mañ poçoçre fen maga saçy äe ti äo we ti äi, ndo na go ti ngeel tayge tin la gaè.

²¹Se raw hoo rage le liñ ni äe, haç hoçoçsaä ne gerheçeçren wo. Jar rañgen yog wo äaale äaara go blam sen saara ree lay joo lay.

²²De maga saara go mo feh lag no, kola jar po ma bay ngar ma äi leegen wo ni kal wo cir ti tiñn go, mbar wo jag tiñn gim gim day wii wo je taçaçbe, je tiñn gano: Äo' blo maga kal ni äo la le go sigi wuur suë de äe.

²³Je tiñ la raw kalge wo go see äaara day riñ ra gano: Bay wa heçeçre äi no! Ndi kam nday kamge, joñ wee älagge wa, werga blo sen de hayge liñ ni äi mono, joñ wee fen yo sen wa.

²⁴Nday da we no, may äi ma tiglin lay, nday blon maga aà de hooge äe mo lay, ndi laa ra le go wee siigi ni nday joñ mbay ra haçy do maga nday kon nen äay no so no. Ane, joñ wee fen soçoçre se kayn de blo sen wa.

²⁵Jar sen laa wo laa jag äe gaa äuy. Blo raw baa nday äe maga se hay hoon la, raw äo'ge wo go ne hara siigi. Saara suë de äe joñ wo fen maga äil äaara da de äe de suñ ni haçaç ngeel tee jag äe. Blam äe saara kal äo'ge äe de maga waa le go de naage mono.

²⁶De ngar ngeel teege mono, waçy sen la fer le a le'ge jag tiñ ni blo maga je tiñ äen hay de hayle ni mono haçaç ngeel teen go ni.

²⁷De maga ngeel tee go mono, war waçyn la raw urgi go ciñ buñ jag tiñ go, day kal go ma mañ faage äe no. Ama, kola waçy no, nday äe maga se hoon la go de le'ge gesiñ jag tiñ la ti'i, do de laage ti jag faage no.

²⁸Blon kal wiigi äe gano: Ur go ciñ naa see. Ama se fer waçaçre go ne hen ni gaa hase. War äen kal mañge äe ti gerheçeç äe no kal rawge liñ ni äe.

²⁹Se wo go dayge liñ mokay, raw mañ mbege baa nday äe maga se de hooge äe mono, raw pawge äe go, car nen äe go ti' ti' hwal ti äoge, äesn wo go äil sir Israyel äuy.

³⁰Jar maga ko wo fen sen mokay kal wo gano: Fen ma dosen no kay joñ ti boñ gaa lay day nen jobo ko ba fen sen mokay ti boñ gaa has lay, haçaç le de maga jar Israyel laa wo le go äil sir Ejipte haçaç wara. Kon wee ga aà diñ ree, ndal wee kaçaçra day ni nday waçaç wee mopo ti äe.