Read Tupuri NAAGE NENE 15 Bible Online

NAAGE NENE 15 - Tupuri bible

NAAGE NENE 15

¹Blam sen ndi raw ko fen po le ciñ kluu, ngris see lay. Jar peele Baa wo renam, wo de ëaw bulfuçñ do renam lay, diñ bulfuçñ ma blam taw wo so. Werga wañ mani Baa naan taw go diñ de äaara so.

²Blam sen ndi raw ko maarog po do doñdoloñ no, de tay nen de wuu, ndi raw ko jar maga joñ wo blumri nay go, joñ wo blumri foto äen go, joñ wo blumri je maga ëu äe diñ de keege ma kis kis hiira' de hwal hwal hiira' ti hiira' go, maga wo de lagge ti jeñ maarog ma do doñdoloñ ti deele mbañ lagge, wo de ëaw didil maga Baa haçn hara do kay kay.

³AÀ raw wo 'waa siñ mani Moyis weejoçoç Baa no, 'waa wo mani Weesam lay ga: Baa Wañkluu ma de eegre dañge äuy no, joñre äon wo kluuri debañ, ngris wo see lay. Ndo Wañ wer jar no, ëiggi äon de deele ti cwaçy äe.

⁴Wañkluu no, wose joñ heçeçne äo ga la? Wose waçaç yañ ga se day togoë mo ge ga la? werga ndo mbo ni ne boñ kay je bay dage, Wer jar äuy a ge wo yañ Leë mondra goñ mo ge, werga joñre äo ma de deelen go de naa nen poëage.

⁵Blam sen ndi raw ko tiñ Baa maga mburyug barge Baa de jar tebere hay ni, le go de bul gi ciñ ka'a.

⁶Jar peele Baa ma renam, maga wo de bulfuçñ do renam lay raw wo laa ge le go äi tiñ Baa no, wo de oçoçbe ti depiiri, sag lay, saë wo yoo äaara de mblaaga boo biñni.

⁷Ma po yoo feçeçre ma tenen ma naan wo, raw haç haçn ne jar peele Baa ma renam wo do renam lay, go de ba ge de wañ Baa maga tenen tum mono.

⁸Äil tiñ Baa raw ba ge go de cug maga wore Baa wo de eegre äen a wo de äe ni mono. Jobo da' faage ma kal ge wo äi tiñ Baa ga so, haçaç bulfuçñ maga jar peele Baan aà wo de äe wo wo go joñ ge ëa.