Read Tupuri NAAGE NENE 4 Bible Online

NAAGE NENE 4 - Tupuri bible

NAAGE NENE 4

¹Blam sen nen äi raw caa ge go ko feçeçre, ndi raw ko jag tiñ po le go de bul gi ciñ ka'a. Geçeçge maga hay rage le do coçoçn ga ndi hay laa ge äe waçaç ree le me tañgu, raw riñ mege ga: Ëii le la mono, ndi kañ nen äo ti ree maga a ge blam ma lam mono.

²Ni tuseñ Nenterse raw yooge de äi. Paale po de kañge wo ciñ ni ta'a. Jobo de hayle ti äe ye'e,

³pel je sen sag do huuli maga yoo äe yee pur debañ nono, do huuli jaspe wo de sardwan no. Manyaabaa go de yiñ ti paalen cweçeç sag do huuli emerodn no.

⁴Paale ma tigriñ wo hwal hwal äog ti naa wo go de cir ti paalen no. Jar kluurin wo de lagge ti äaara hwal hwal äog ti naa lay, wo de lag oçoçbe ti depiiri, wo de gawrañ boo biñni ti äaara.

⁵Sagge Baa, ngar ge jage, carge poçoç Baa wo raw joñge ti paale sen deñ. Lampa wo renam de yaçaç wuu pel paalen ka' ka'a, saara diñ Nenterse ma renam mani Baa no.

⁶Pel paalen pa, mopo do maarog ma de mañ doñdoloñ no, ko go cwah dañ kristale. Feçeçre ma naa ma tenen wo go de cir ti paalen äañla lay, äañla lay, nen äaara nen pel lay, nen blam lay.

⁷Fen ma tenen ma tañgun de mañ miñgiri, ma de äog äen de mañ weeday, ma de swa'n nen äe do je tabay, ma de naa de mañ gare.

⁸Feçeçre ma tenen wo boñ boñ naa äuy grañ äaara hiira' hiira'a, nen äaara go see äuy, nen äil lay, nen faale lay. 'Waë wo siñ de ceeg lay de suñ lay ga: Bay ëagge, bay ëag, bay ëag, diñ Baa Wañkluu ma de eegre dañge äuy no, Je maga hay le, maga yañ le, day wo ge le ferge pa mono.

⁹Tum de maga feçeçre se ma tenen ma naan le' wo we 'waë siñ ma togoë ge äe, ma ra ëu äe, joñ suuse'e ne je maga de hayle ti paalen ga tenen tum mono,

¹⁰jar kluuri ma hwal hwal äog ti naan leë ge wo mondra pel Je ma de hayle ti paale no, aà goñ ge wo je maga mbe tenen tum sagsag mono. AÀ laa ge wo gawrañ äaaran go pel paale no, day waçaç ge gano:

¹¹Wañkluu wuur no, Baa wuur no, ndo de kaçaçge maga wuur togoë mo, wuur ra ëu äo, wuur mañ ti kluu äon ciñ werga joñ feçeçren wo äuy diñ ndo, diñ wer dage äo, ndo hay joñ ra day saara wara deñ äuy ëa lay.