Read Te Tusi Tapu I Te Gana Tuvalu Lomiga Lua KENESE 36 Bible Online

KENESE 36 - Te Tusi Tapu I Te Gana Tuvalu Lomiga Lua bible

KENESE 36

¹Tenei te fakasologa o te gafa o Esau, tela e fakaigoa foki ko Etoma.

² Konei a igoa o fafine Kanana kola ne avaga ki ei a Esau: ko Ata, te tamaliki fafine a Eleni te tagata Heti; ko Olipama, te tama fafine a Ana tela ko te tama tagata[87] a Sipeona te tagata Hivi;

³mo Pasemeta, te tamaliki fafine a Isamaeli, kae ko te tuagaene o Nepaiota.

⁴Ne fai te tama a Ata, ko Elifasa; fai te tama a Pasemeta ko Leuelu;

⁵kae fai tamaliki a Olipama ko Ieusa, Ialama mo Kola. Kona katoa a tamaliki a Esau ne fa'nau i te fenua o Kanana.

⁶Ne puke Esau ki ana avaga, ana tamaliki tagata mo tamaliki fafine, fakatasi mo tena kau fale katoa, mo ana pulumakau katoa ke oko ki mea katoa kola ne maua ne ia i tena nofoga i Kanana, te mea eiloa ko ma'laga atu keatea mai te koga e nofo ei a Iakopo ki sua fenua.

⁷Ne ala o tiaki ne Esau te fenua tena ne nofo tasi ei laua mo Iakopo me ko se lava laua i feitu tau meakai; ko to uke la manu tausi, ko se lava koga e kaikai ei.

⁸Tena ne nofo ei Esau i te fenua mauga o Etoma.

⁹Tenei te fakasologa o te gafa o Esau, te tupuga o tino Etoma.

¹⁰E tokotasi te tamaliki tagata a Esau i tena avaga ko Ata, e igoa ki a Elifasa. A Elifasa e tokolima ana tamaliki tagata: ko Timanu, ko Omala, ko Sefo, ko Katamo, mo Kenasa. E tokotasi foki tena tamaliki tagata i a Timena, tena sua avaga; te igoa o te tamaliki tena ko Amaleka. E tokotasi foki te tamaliki tagata a Esau i a Pasemeta, tena igoa ko Leuelu, ka ko Leuelu e tokofa ana tamaliki tagata: ko Nahata, ko Sela, ko Sama, mo Misa.

¹⁴A te avaga a Esau ko Olipama, te tama fafine a Anā tela ko te tamaliki tagata[88] a Sipeona, e tokotolu ana tama tagata ko Ieusa, ko Ialama mo Kola.

¹⁵Konei a matakaiga ne tupu mai i a Esau. A Elifasa, te toekimua a Esau ko te tupuga o matakaiga konei: ko Timanu, Omala, Sefo, Kenasa,

¹⁶Kola, Katamo mo Amaleka. A latou katoa konei ko te gafa o te avaga a Esau, tela ko Ata.

¹⁷A Leuelu, te sua tamaliki a Esau, ko te tupuga o matakaiga konei: ko Nahata, Selau, Sama, mo Misa. A latou katoa konei ko te gafa o te avaga a Esau tela ko Pasemeta.

¹⁸Konei matakaiga kola ne tupu mai i a Esau, i tena avaga tela ko Olipama, te tamaliki fafine a Anā: ko Ieusa, ko Ialama mo Kola.

¹⁹A matakaiga katoa kona ne tupu mai i a Esau.

²⁰A tino muamua eiloa i Etoma ne tino o matakaiga e tolu, kola e 'tau te gafa o latou ki tino konei: ko Lotana, ko Sopala, ko Sipeona, ko Anā, ko Tisono, ko Eseli mo Tisano; kola ne 'tupu mai i a Seila, te tino Holi.

²²A Lotana ko te tupuga o kaukaiga o Holi mo Hemanu. E isi se tuagaene o Lotana e igoa ki a Timena.

²³A Sopala ko te tupuga o kaukaiga o Alavana, o Manatu, o Epalu, o Sefo mo Onamu.

²⁴A Sipeona e tokolua ana tamaliki tagata, ko Aia mo Anā. Ko Anā tenei tela ne maua ne ia te puna vai vela i te vao, i te taimi ne tausi ei ne ia a asini a tena tamana.

²⁵A Ana ko te tamana o Tisono, tela ko te tupuga o kaukaiga o Hematanu, Esapana, Italana mo Telani.

²⁶E isi foki se tama fafine a Ana e igoa ki a Olipama.

²⁷A Eseli ko te tupuga o kaukaiga o Pilana, Savana mo Akana.

²⁸A Tisano ko te tupuga o kaukaiga o Usa mo Alana.

²⁹Konei a matakaiga o Holi i te fenua o Etoma: ko Lotana, ko Sopala, ko Sipeona, ko Anā, ko Tisono, ko Eseli, mo Tisana.

³¹Tenei te fakasologa o tupu ne tupu i te fenua o Etoma, kae koi tuai ei o isi ne tupu i Isalaelu: ko Pela, te tamaliki tagata a Peolo mai Tinapa ko Iopapu, te tama tagata a Sela mai Posala Ko Usama mai te kogā o Timanu Ko Hatata, te tamaliki tagata a Petata mai Avia. Ko ia ne fakatakavale ne ia te kau Mitiana i te tauaga a latou i te fenua o Moapi. Ko Samala mai Masaleka ko Saula mai Leopota i luga i te vaitafe ko Paala Hananu te tama tagata a Akopa ko Hatata mai Pau, a tena avaga ko Metapelu, te tamaliki fafine a Mateleta ka ko te mokopuna fafine o Mesāpo.

⁴⁰A Esau ko te tupuga o matakaiga o Etoma konei: ko te matakaiga o Timena, o Alava, o letete, o Olipama, o Ela, o Pinoni, o Kenasa, o Timanu, o Mipisā o Makatielu, mo te matakaiga ei o llamu. A te kogā laukele tela e nofo ei te matakaiga e tasi, e fakaigoa eiloa ki te igoa o te matakaiga tena.