Read Te Tusi Tapu I Te Gana Tuvalu Lomiga Lua KENESE 5 Bible Online

KENESE 5 - Te Tusi Tapu I Te Gana Tuvalu Lomiga Lua bible

KENESE 5

¹Tenei te fakasologa o te gafa o Atamu. I te faitega ne te Atua a tino ola, ne faite ne ia ke foliga ki a ia.

² Ne faite ne ia ne tagata mo fafine, ne fakamanuia ne ia kae fakaigoa ne ia ne “Tino ola”.

³E tusa mo te 130 tausaga o Atamu, kae maua tena tamaliki tagata tela e soko eiloa ki a ia, kae ne fakaigoa ne ia ko Setu.

⁴Mai tua o te fanauga o Setu, ne ola atu eiloa Atamu i nisi tausaga e 800. E isi aka foki ne tamaliki a Atamu ne fai,

⁵kae ne mate a ia ka ko tusa mo te 930 tausaga o tena olaga.

⁶E tusa mo te 105 tausaga o Setu kae maua tena tamaliki tagata ko Enosa,

⁷kae ne ola atu eiloa a ia i nisi tausaga e 807. E isi aka foki ne ana nisi tamaliki;

⁸ne mate a ia ka ko tusa mo te 912 ona tausaga.

⁹E tusa mo te 90 tausaga o Enosa kae maua tena tamaliki tagata tela ko Kenani,

¹⁰kae mai tua ifo, ne ola atu eiloa a ia i nisi tausaga e 815. E isi aka foki ne ana tamaliki,

¹¹kae ne mate a ia ka ko tusa mo te 905 tausaga o tena olaga.

¹²E tusa mo te 70 tausaga o Kenani kae fai tena tamaliki tagata tela ko Malaelu,

¹³kae mai tua ifo ne toe ola a ia e tusa mo te 840 tausaga. E isi aka foki ne ana nisi tamaliki,

¹⁴kae ne mate a ia ka ko tusa mo te 910 tausaga o tena olaga.

¹⁵E tusa mo te 65 tausaga o Malaelu kae fai tena tamaliki tagata tela ko Ialeto

¹⁶kae mai tua ifo ne toe ola a ia e tusa mo te 830 tausaga. E isi aka foki ne ana tamaliki,

¹⁷kae ne mate ka ko tusa mo te 895 tausaga o tena olaga.

¹⁸E tusa mo te 162 tausaga o laleto kae fai tena tamaliki tagata tela ko Enoka;

¹⁹kae mai tua ifo ne toe ola a ia e tusa mo te 800 tausaga. E isi aka foki ne ana nisi tamaliki,

²⁰kae ne mate ka ko tusa mo te 962 tausaga o tena olaga.

²¹E tusa mo te 65 tausaga o Enoka, kae fai tena tamaliki tagata ko Metusela.

²²Mai tua ifo, ne nofo fakatasi a Enoka mo te Atua e tusa mo te 300 tausaga; kae ne isi aka foki ne ana tamaliki.

²³E tusa mo te 365 tausaga o tena olaga.

²⁴A Enoka ne nofo fakatasi mo te Aliki i tena olaga katoa; ne galo atu a ia me ne ave a ia ne te Atua.

²⁵E tusa mo te 187 tausaga o Metusela, kae fai tena tamaliki tagata ko Lameko;

²⁶kae mai tua ifo ne ola eiloa a ia e tusa mo te 782 tausaga. E isi aka foki ne ana nisi tamaliki,

²⁷kae ne mate ka ko tusa mo te 969 tausaga o tena olaga.

²⁸E tusa mo te 182 tausaga o Lameko kae maua tena tamaliki tagata,

²⁹kae ne fai aka a ia penei, “I luga eiloa i te laukele tenei, tela ne fakamalaia ne te Aliki, ka fakafiafia ne te tamaliki tenei tatou i 'tou galuega mafa katoa e fai;” tela ne fakaigoa ei ne ia te tamaliki ko Noa.[22]

³⁰Mai tua o te fanauga o Noa, ne ola eiloa Lameko e tusa mo te 595 tausaga. E isi aka foki ne ana nisi tamaliki

³¹kae ne mate a ia ka ko tusa mo te 777 tausaga o tena olaga.

³²E tusa mo te 500 tausaga o Noa kae maua ana tamaliki tagata e tokotolu, ko Semu, Hamo, mo lafeta.