Read Te Tusi Tapu I Te Gana Tuvalu Lomiga Lua KENESE 6 Bible Online

KENESE 6 - Te Tusi Tapu I Te Gana Tuvalu Lomiga Lua bible

KENESE 6

¹I te salalauga o tino ola i te lalolagi; mo tamaliki fafine foki ko fanau mai;

²ne 'kilo ifo a tamaliki a atua[23] i te gali o tamafine, tena ne avaga ei latou ki fafine kola e manako latou ki ei.

³Kae fai mai mo te Aliki penei, “E se talia ne au ke ola faeloa a tino ki te se gata mai; a latou ne tino ola fua, e oko ki ei te mate. Mai te taimi tenei, ka se toe ola latou e silia atu mo te 120 tausaga.”

⁴I aso kona, pela foki mo taimi i tua ifo, e isi ne tino lasi i te lalolagi kola ko fanau a fafine o te lalolagi mo tagata o te lagi. A latou ko tagata mafi mo tagata takutakua o aso mua.

⁵I te mateaga ne te Aliki te amio masei o tino katoa i te lalolagi, mo te lailai o olotou mafaufauga,

⁶ne salamo a ia me ne faite ne ia latou kae faka'nofo i te lalolagi. Ko oko eiloa i tena fanoanoa, tela ne fai aka ei a ia penei,

⁷“Ka 'solo faka'ma ne au a tino konei ne faite ne au, ke oko foki eiloa ki manu o te laukele mo manu eva, me i au ko salamo me ne faite ne au latou.”

⁸Ka ko te Aliki ne fiafia ki a Noa.

⁹Tenei te tala ki a Noa. E toko tolu ana tamaliki tagata, ko Semu, ko Hamo mo Iafeta. A Noa se tagata amiotonu, ka ko ia fua tokotasi te tino 'lei i aso kona. Ne nofo fakatasi a ia mo te Atua,

¹¹ka ko tino katoa ne tino amio masei i mua o te Atua, ka ko te fakasauaga ko salalau ki koga katoa.

¹²Ne kilo atu te Atua ki te lalolagi, lavea ne ia me ko fonu i te amio masei, me i tino i ei ko ola i te olaga fai amioga masei.

¹³Muna a te Atua ki a Noa, “Ko tonu i a au me ka 'solo faka'ma a tino ola katoa. Ka 'ta fakapalele ne au latou, me i te lalolagi ko fonu i olotou amioga fakasaua.

¹⁴Faite se vaka mo koe ki laupapa 'lei; faite ne potu i loto i ei kae ufi ki te kolota a tua mo loto.

¹⁵Faite ke 133 mita te loa, 22 mita te lauefa, kae 13 mita te maluga.

¹⁶Faite se tuafale[24] mo te vaka, kae fakava te tuafale mo kaokao o te vaka e tusa mo te 18 inisi.[25] Faite ke tolu a fola kae faite se mataloa i te kaokao.

¹⁷Ka fakaoko mai ne au te lofiaga ki te lalolagi ke 'ta fakapalele ei a mea ola katoa. Ka 'mate a mea katoa i te lalolagi,

¹⁸kae ka fai ne au se feagaiga mo koe. Ulu ki loto i te vaka mo tau avaga, au tamaliki tagata mo olotou avaga.

¹⁹Ke aumai foki ne koe ki loto i te vaka se manu tagata mo se manu fafine mai vaega manu katoa o te laukele, pela foki mo manu eva, ke tausi ke ola.

²¹Puke mai foki a vaega meakai katoa ma koutou, e pela foki mo manu.”

²²Ne fai eiloa ne Noa a mea katoa kola ne fakatonu atu ne te Atua.