Read Te Tusi Tapu I Te Gana Tuvalu Lomiga Lua 2 SAMUELU 6 Bible Online

2 SAMUELU 6 - Te Tusi Tapu I Te Gana Tuvalu Lomiga Lua bible

2 SAMUELU 6

¹Ne toe fakamaopoopo ne Tavita a sotia 'lei eiloa o Isalaelu, e tusa mo te tolusefulu afe tagata,

² taki ei ne ia ki Paala [6] I Iuta, ke puke mai te Pusa o te Feagaiga a te Atua, tela e tusi i ei te igoa o te Aliki Malosi, ko tena nofogaaliki e mai luga o te avā kelupi.

³ Ne puke mai ne latou mai te fale o Apinatapu i luga i te koga maluga, o tuku ki loto i te ka. A Usa mo Aio, tama tagata a Apinatapu, e takitaki ne laua te ka tena;

⁴ko Aio e fano i mua.

⁵A Tavita mo tino Isalaelu katoa e usu pese kae saka, e fakaaloalo atu ei latou ki te Aliki. [7] E fakatagitagi mai latou i kitala, tulamu mo sumepalo mo nisi mea fakatagitagi.

⁶I te okoatuga o latou ki te koga tuki saito a Nakono, ne siga te pulumakau, kae tafuke atu ei a Usa o puke te Pusa o te Feagaiga.

⁷I kona foki eiloa, ko te Atua eiloa ko kaitaua ki a Usa, tamate eiloa ne ia ona ko te faiga ne ia o te mea tena.[8] Tena ne mate eiloa a Usa i kona, i tafa o te Pusa o te Feagaiga,

⁸tena la, ne fakaigoa te koga tena ko Pelesa Usa[9] talu mai te taimi tena. A Tavita ne se malie ki te Aliki me ne fakasala ne ia a Usa i tena kaitaua.

⁹Tena, ne mataku aka ei Tavita ki te Aliki, kae fai atu penei, “E ave pefea nei ne au te Pusa o te Feagaiga?”

¹⁰Tena, ne iku aka i a Tavita ke se ave ne ia te Pusa o te Feagaiga ki Ielusalema; kae ne ave faka ei ne ia ki te fale o Opeta Etoma, se tino i te fa'kai o Kata.

¹¹ Ne tuku eiloa i kona i masina e tolu, kae ne fakamanuia eiloa ne te Aliki a Opeta Etoma mo tena kaiga.

¹²Ne logo Tavita i a Opeta Etoma mo tena kaiga mo ana mea katoa ne fakamanuia ne te Aliki, e pogai i te Pusa o te Feagaiga; tena, ne puke mai ei ne ia te Pusa o te Feagaiga mai te fale o Opeta o ave ki Ielusalema, fakatasi mo te fakafiafiaga lasi.

¹³I te katoaga o olotou 'maga e ono, ko Tavita eiloa ko fai atu ki ei ke tū, ke ofo atu mua ne ia se taulaga o se pulumakau mo te tamā pulumakau putaputa.

¹⁴A Tavita tela e sulu fua ki te laugatu lino, ne saka mo tena malosi kātoa, o fakaaloalo atu ki te Aliki.

¹⁵Tena ne avatu ei ne latou a te Pusa o te Feagaiga ki Ielusalema, mo pu e tagi mo tino e ka'laga fia'fia.

¹⁶I te avatuga o te Pusa o te Feagaiga ki loto i te fa'kai, ka ko Mekala, te tama fafine a Saulo, e fatio mai i te famalama kae matea ne ia Tavita te Tupu e saka kae evaeva i te sakaga tapu, tena kae kaitaua ei mo ia ki a Tavita.

¹⁷Ne aumai ne latou te Pusa o te Feagaiga o tuku i tena koga, i loto i te Faleie o te Aliki tela ne fakatu ke tausi i ei. Ne ofo ne ia a taulaga manu mo taulaga fakafetai ki te Aliki.

¹⁸I te otiga ne ofo ne ia o taulaga, ne fakamanuia ne ia a te vaitino i te igoa o te Aliki Malosi,

¹⁹ kae tufa atu ne meakai ma latou katoa. Ne fakatofu ne ia tagata mo fafine katoa o Isalaelu i se puta falaoa, se mea fasi,[10] mo ne mu vine. Tena, ko tino eiloa ko foki atu ki olotou fale.

²⁰I te otiga o mea kona, ko Tavita eiloa ko fanatu ki tena fale o fakafetaui ki tena kaiga, kae ulu mai Mekala o fakafetaui atu ki a ia; muna a Mekala, “Ko oko eiloa i te maluga o te tupu o Isalaelu i te aso nei! Ko fakaasi tena foitino pela me se vale ki tavini fa'fine a ana ofisa!”

²¹Ne tali atu Tavita, “Au ne saka o fakaaloalo ki te Aliki, tela ne fili ne ia a au kae se ko tou tamana mo tena kaiga, ke fai mo takitaki o tena fenua. Au e tumau eiloa taku sakasaka e fakaaloalo ei te Aliki,

²²kae ka gasolo foki eiloa a au [11] o masiasi. Kafai e mafaufau koe i a au e valea, ka ko fafine kola e fai koe ki ei e fakaaloalo mai ki a au!”

²³A Mekala, te tama fafine a Saulo e seki ai eiloa ne ana tamaliki.