Read Te Tusi Tapu I Te Gana Tuvalu Lomiga Lua 1 NOFOAIGA TUPU 24 Bible Online

1 NOFOAIGA TUPU 24 - Te Tusi Tapu I Te Gana Tuvalu Lomiga Lua bible

1 NOFOAIGA TUPU 24

¹A tino i te gafa o Alona e 'kau i potukau konei. A Alona e tokofa ana tama tagata: ko Natapu, Apiu, Eleasalo mo Itamala

² A Natapu mo Apiu ne mate ka koi ola te la tamana, kae seai ne la fanau. A taina o laua ko Eleasalo mo Itamala ne fai mo faitaulaga.

³Ne fakasoa ne te Tupu ko Tavita a te gafa o Alona ki potukau, e tusa eiloa mo tiute o latou e fai. Ne fesoasoani atu ki a ia a Satoka, se tino i te gafa o Eleasalo, mo Aimeleka, se tino i te gafa o Itamala

⁴A tino i te gafa o Eleasalo ne fakasoa ki potukau e sefuluono, ka ko tino i te gafa o Itamala ne fakasoa ki potukau e valu. Ne fai te mea tena pena, me e tokouke atu a tagata i te gafa o Eleasalo ne matai o kaiga takitasi:

⁵e isi ne ofisa o te faletapu mo takitaki faka‐te‐agaga i tino o te gafa o Eleasalo, pela foki Itamala, tela la, a te fakavasegaga o latou ki olotou tofi e fai ki te vili.

⁶A tino i te gafa o Eleasalo mo tino i te gafa o Itamala e fakasolosolo o fai te vili. Tena la, ko fakamau ei olotou igoa ne Semaia, te tama tagata a Netanelu, se failautusi sa Levi. A tino ne fai mo molimau, ko te tupu, ana ofisa, te faitaulaga ko Satoka, Aimeleka te tama tagata a Apiata, mo matai o kaiga o faitaulaga mo kaiga sa Levi.

⁷Tenei te fakatokaga i te fakasoaga o te luasefulu fa o kaiga ki olotou galuega: 1. Ieoialipa 2. Ietaia 3. Halima 4. Seolima 5. Malakita 6. Mitiamina 7. Hakosi 8. Avia 9. Iesua 10. Sekania 11. Eliasipa 12. Iakima 13. Hupa 14. Iesepeapa 15. Pilika 16. Imela 17. Hesila 18. Hapisese 19. Petaia 20 Iesikeli 21. Iakini 22. Kamulo 23. Telaia 24. Masia.

¹⁹A tagata kona ne fakamau olotou igoa e tusa eiloa mo galuega a latou i te Faletapu, mo tiute o latou kola ne fakavasega ne te lotou tupuga ko Alona, e pela eiloa mo te fakatonuga a te Aliki te Atua o Isalaelu.

²⁰Konei a igoa o nisi matai o kaiga kola ne tupu mai i a Levi: Ko Ietaia, te tama tagata a Sepuelu, Sepuelu ko te tama a Amalamo;

²¹Ko Isia, se tino i te gafa o Lehapaia;

²²Ko Iahata te tama tagata a Isala, Isala ko te tama tagata a Selomita;

²³Ko Ielia, Amalia, Iasielu, mo Iekameamo, ko tama tagata a Hepelona, mai i te tino matua o fanaifo ki lalo;

²⁴Ko Samila, te tama tagata a Mika, Mika ko te tama tagata a Usieli;

²⁵Ko Sakalia, te tama tagata a Isia, Isia ko te tama tagata a Usieli, kae ko te taina o Mika;

²⁶Ko Mali, Musi, mo Iasia, ne tino i te gafa o Melali.

²⁷A Iasia e tokotolu ana tama tagata: ko Sohama, Sakula, mo Ipeli.

²⁸A Mali e tokolua ana tama ta'gata, ko Eleasalo mo Kiso. A Eleasalo e seai ne ana tama ta'gata, ka ko Kiso e tokotasi tena tama tagata, ko Ielameele.

³⁰A Musi e tokotolu ana tama ta'gata: ko Mali, Eta, mo Ielemota. Konei a kaiga o te kau sa Levi.

³¹A matai o kaukaiga takitasi mo taina foliki o latou, e fai ne latou te vili e iloa ei olotou tiute, e pela mo te mea ne fai ne olotou kaiga ko faitaulaga, kola ne tupu mai i a Alona. A te Tupu ko Tavita, mo Satoka mo Aimeleka, mo matai o kaiga o faitaulaga mo te kau sa Levi, ko molimau.