Read Te Tusi Tapu I Te Gana Tuvalu Lomiga Lua 1 NOFOAIGA TUPU 27 Bible Online

1 NOFOAIGA TUPU 27 - Te Tusi Tapu I Te Gana Tuvalu Lomiga Lua bible

1 NOFOAIGA TUPU 27

¹Tenei te fakasologa o igoa o matai o kaiga takitasi, mo takitaki o kaukaiga mo ofisa maluga kola e pulepule ne latou a galuega i te malo. E tusa mo te lua sefulu fa afe tagata mo te takitaki o latou, e fai ne latou a galuega i te masina e tasi, ka oko ki te sua masina ko toe sui mai te lua sefulu fa afe mo te lotou takitaki, e pena eiloa i masina takitasi i te tausaga.

²Konei a igoa o takitaki o potukau i masina takitasi: Te masina muamua: ko Iasopeamo, te tama tagata a Sapatielu. A ia se tino i te kaukaiga o Pelesa, se vaega e tasi i te matakaiga o Iuta. Te lua o masina: ko Totai, se tino i te gafa o Ahoi Mikilota ko tena tokolua. Te tolu o masina: ko Penaia te tama tagata a Ieoiata te faitaulaga; a ia ko te takitaki o “Te Tinotolu.” A tena tama tagata ko Amisapata ne sui ne ia a ia o fai mo takitaki o te potukau tena. Te fa o masina: ko Asaelu, te taina o Ioapo. A ia ne sui ne tena tama tagata ko Sepatia. Te lima o masina: ko Samuta, se tino i te gafa o Isala. Te ono o masina: ko Ila, te tama tagata a Ikesi mai i Tekoa. Te fitu o masina: ko Helesa, se tagata Efalaima mai Pelona. Te valu o masina: ko Sipekai mai i Husa. A ia se tino i te kaukaiga o Sela, se vaega o te matakaiga o Iuta. Te iva o masina: ko Apiesa mai i Anatota, i te kogā laukele o te matakaiga o Peniamina. Te sefulu o masina: ko Malai mai i Netopa. A ia se tino i te kaukaiga o Sela. Te sefulutasi o masi(...)

¹⁶Konei a igoa o tino kola e pulepule ne latou a matakaiga o Isalaelu: Leupena — Eliesa te tama tagata a Sikeli Simeona — Sefatia te tama tagata a Maaka Levi — Hasapaia te tama tagata a Kemuelu Alona — Satoka 2 Eliu, se taina e tokotasi o te Tupu ko Tavita Isakala — Omeli te tama tagata a Mikaeli Sepulona — Isimaia te tama tagata a Opetaia Nafatali — Ielemota te tama tagata a Asilielu Efalaima — Hosia te tama tagata a Asasia Manase i te Togala — Ioelu te tama tagata a Petaia Manase i te Saegala — Ito te tama tagata a Sakalia Peniamina — Iasieli te tama tagata a Apinelu Tanu — Asalelu te tama tagata a Ielohamo

²³ Ne seki lau ne te Tupu ko Tavita a tino mai lalo o te luasefulu tausaga, me i te Aliki ko oti ne tauto ke fai ne ia a tino Isalaelu ke tokouke e pela mo te uke o fetu i te lagi.

²⁴ A Ioapo, te tama tagata a te fafine ko Seluia, ne taumafai o lau a tino, kae e seki oti. Ne fakasala ne te Atua a Isalaelu ona ko te laugā tino tena, tela la, e seki ai eiloa se fuainumela tonu ne fakamau i tusi a te Tupu ko Tavita.

²⁵Konei a igoa o tino kola e pulepule ne latou a mea a te tupu: Ko potu teu koloa a te tupu: ko Asimaveta te tama tagata a Atielu Ko potu teu koloa a te malo: ko Ionatana te tama a Usia Ko tino galue i fatoaga: ko Eseli te tama tagata a Kelupa i togāvine: ko Simei mai i Lama i koga fai uaina: ko Sapeti mai i Sefama Ko olive mo lakau ko sukamolo, i tafito mauga i te togala: ko Paala Hananu mai i Ketela Ko koga e teu ei a sinu olive: Ioasa Ko pulumakau i te kogā koga laugatasi i Salona: ko Silitai mai i Salona Ko pulumakau i vanu: ko Safata te tama tagata a Atalai Ko kamela: ko Opili, se Isamaeli Asini: ko Ietaia mai i Melonota Mamoe mo kouti: ko Iasisi, se Hakeli.

³²A Ionatana, te taina o te tamana o Tavita, se tagata fakatonutonu ko masani, kae se tagata poto foki. Ko laua mo Ieielu, te tama tagata a Hakemoni e pule i te faiga o akoga a tama tagata a te tupu.

³³A Aitofele ko te tagata fakatonutonu a te tupu, ka ko Husai, te tagata Aki, ko te taugasoa o te tupu mo te tino fakatonutonu foki ki a ia.

³⁴I te matega o Aitofele, ne sui a ia ne Apiata mo Ieoiata, te tama tagata a Penaia, o fai mo tino fakatonutonu a te tupu. A Ioapo ko te takitaki o te kautau.