Read Te Tusi Tapu I Te Gana Tuvalu Lomiga Lua 2 NOFOAIGA TUPU 27 Bible Online

2 NOFOAIGA TUPU 27 - Te Tusi Tapu I Te Gana Tuvalu Lomiga Lua bible

2 NOFOAIGA TUPU 27

¹A Iotama ne fai mo tupu ka ko luasefulu lima ei ona tausaga, kae ne pule a ia i Ielusalema i tausaga e sefuluono. A tena matua ko Ielusa, te tama fafine a Satoka.

²Ne fai ne ia a mea e fiafia ki ei te Aliki, e pela eiloa mo tena tamana. E seki agasala a ia e pela mo tena tamana, i te sunuga o mea manogi i te Faletapu. A tino, ne tumau eiloa i te agasala.

³Ko Iotama ne faite ne ia a te Mataloa ki Matu o te Faletapu, kae e lasi foki tena galuega ne fai i te pui o te fa'kai, i te feitu o Ielusalema e igoa ko Ofele.

⁴Ne faite ne ia a fa'kai i mauga o Iuta, kae faite a taoa mo fa'kai o sotia i vao.

⁵Ne taua atu a ia ki te tupu o Amoni mo tena kautau, kae ne fakatakavale eiloa ne ia. Tena, kae fai malo ne ia a tino Amoni ke togi atu te aofaki tenei o mea konei i tausaga takitasi, mo tausaga e tolu: 3,400 kilokalame o te siliva, 1,000 tani o saito, kae e 1,000 tani o kalite.

⁶Ne gasolo ake eiloa Iotama o malosi, me i a ia e fakalogo mo te fakamaoni ki te Aliki tena Atua.

⁷A nisi mea ne tupu i te nofoaiga a Iotama, taua ne taua ei a ia, ko ana tulafono, e fakamau katoa i te tusi o Te Tala Tukufakasolo o Tupu o Isalaelu mo Iuta.

⁸A Iotama ne fai mo tupu ka ko luasefulu lima ei ona tausaga, kae ne pule a ia i Ielusalema i tausaga e sefuluono.

⁹Ne mate atu a ia kae ne tanu i te Fa'kai o Tavita, kae ne sui a ia ne tena tama tagata ko Aasa o fai mo tupu.