Read Te Tusi Tapu I Te Gana Tuvalu Lomiga Lua 2 NOFOAIGA TUPU 30 Bible Online

2 NOFOAIGA TUPU 30 - Te Tusi Tapu I Te Gana Tuvalu Lomiga Lua bible

2 NOFOAIGA TUPU 30

¹A tino ne seki fakamanatu faka'lei ne latou a te Paseka i tena taimi tonu, i te masina muamua, me se tokouke a faitaulaga e 'ma i feitu fakatapuakiga, kae se tokouke foki a tino ne maopoopo i Ielusalema Tena la, ne loto Hesekia, mo ana ofisa, mo tino Ielusalema ke fakamanatu I te lua masina. Ne ave te fekau a te tupu ki tino katoa o Isalaelu mo Iuta e uiga ki te tonu tena. Ne onoono faka'lei eiloa a ia ke Isi se tusi e ave ki matakaiga o Efalaima mo Manase, o kami mai latou ke o'mai ki te Faletapu i Ielusalema o fakamanatu te Paseka, e fakaaloalo ei te Aliki, te Atua o Isalaelu

⁴Ne fiafia a te tupu mo tino o te fenua i te fuafuaga a latou tena,

⁵tena ne kami mai ei ne latou a tino Isalaelu katoa, mai i Tanu i matu ke oko ki Pelesepa i saute, ke o'mai ki Ielusalema o fakamanatu te Paseka e pela eiloa mo te Tulafono. Ko tokouke atu ne o'mai i te taimi tena i lo taimi mua.

⁶Ne olo atu a avefekau, i te fakatonuga a te tupu mo ana ofisa, ki kogā koga katoa o Iuta mo Isalaelu, mo kamiga konei: “Tino Isalaelu, a koutou ne sao i te taimi ne fakatakavale ei ne Asulia a te tou fenua. Na foki atu nei ki te Aliki, te Atua o Apelaamo, Isaako mo Iakopo, kae ka toe foki mai a ia ki a koutou.

⁷Sa amio pela mo otou tupuga, mo otou taina Isalaelu, kola ne seki fakamaoni ki te Aliki te lotou Atua. E pela mo te mea ne lavea ne koutou, ne fakasala eiloa ne ia latou.

⁸Sa lotomakeke e pela mo latou, kae fakalogo koutou ki te Aliki. O'mai ki te Faletapu i Ielusalema, ko te koga ne fai ne te Aliki ke malu faeloa, o tapuaki ki a ia, ko te mea ke se toe ita mai ki a koutou.

⁹Kafai e foki mai nei koutou ki te Aliki, ko tena uiga, ko tino kola ne ave fakapagota ne latou otou kaiga, ka alofa ki a latou kae tuku ke foki mai ki olotou fale. A te Aliki te otou Atua se Atua e alofa, tela la, kafai e foki atu koutou ki a ia, kae ka talia eiloa ne ia koutou.”

¹⁰Ne olo atu a avefekau ki fa'kai katoa i te kogā laukele o matakaiga o Efalaima mo Manase, ke oko foki eiloa ki te matakaiga o Sepulona i matū. Ka ko tino ne kata kae fakatauemu ki a latou.

¹¹Kae e isi eiloa ne tino mai i matakaiga o Asela, Manase, mo Sepulona kola e loto ke o'mai latou ki Ielusalema.

¹²A te Atua e galue foki i te taimi tena i Iuta, kae ne fai ne ia a loto o tino ke kau fakatasi o fakalogo ki te loto o te Atua, o tautali i fakatonuga a te tupu mo ana ofisa.

¹³E tokouke a tino ne maopoopo i Ielusalema i te lua o masina ke fakamanatu te Kaiga Fiafia o Falaoa se Fakafete.

¹⁴Ne puke ne latou a fata-fai-taulaga katoa i Ielusalema kola e ofo sale ei a taulaga kae sunu i ei mea manogi, ave ei ne latou o pei i te vanu o Kitilona.

¹⁵Tena la, i te po sefulufa o te masina, ne tamate ei ne latou a tama mamoe mo fai taulaga o te Paseka. A faitaulaga mo sa Levi kola e lailai i feitu fakatapuakiga, ko oko eiloa i te masiasi, tena ne fakatapu ei olotou foitino ki te Aliki, tela la, ko mafai nei ne latou o ofo atu a taulaga sunu i te Faletapu.

¹⁶Ne fai olotou tiute i te Faletapu, e pela eiloa mo fakatonuga i te Tulafono a Mose, te tagata o te Atua. Ne avatu ne te kau sa Levi a toto o taulaga ki faitaulaga kola ne ligiligi atu ne latou ki luga i te fata-fai-taulaga.

¹⁷E tokouke eiloa a tino e se ma i feitu fakatapuakiga, tena ko se mafai ei o tamate a mamoe o te Paseka, tena la, ko te kau sa Levi ne tamate ne latou a tama mamoe, fakatapu foki ei ne latou ki te Aliki.

¹⁸E tokouke foki a tino mai i matakaiga o Efalaima, Manase, Isakala, mo Sepulona kola e seki fai ne latou te sauniga o te faka'maga, tela la, e fakamasaua fua ne latou a te Paseka i te auala se tonu. Tenei te talo a Hesekia ne fai mō latou:

¹⁹“Te Aliki te Atua o omotou tupuga, i tou alofa, fakamagalo mai a tino konei e tapuaki atu ki a koe mo olotou loto katoa, e ui eiloa e se ma latou i feitu fakatapuakiga.”

²⁰Ne tali mai te Aliki ki te talo a Hesekia, ne fakamagalo eiloa ne ia a tino kae seki fakapuapuaga ne ia.

²¹A tino kola ne maopoopo i Ielusalema, ne fakamanatu ne latou a te Kaiga Fiafia o Falaoa se Faka'fete i aso e fitu, mo te fiafia lasi. A te kau sa Levi mo faitaulaga ne tavae ne latou te Aliki mo olotou malosi, i aso takitasi.

²²Ne tavae ne Hesekia a te kau sa Levi, ona ko faiga apo a latou, i te takitakiga o tapuakiga ki te Aliki. I te katoaga o aso e fitu kola ne fai taulaga ei latou o vikia ei te Aliki, te Atua o olotou tupuga,

²³tena, ne toe mafaufau latou o soko atu eiloa a fakafiafiaga i aso e toe fitu. Tena la, ne fai eiloa olotou fiafiaga mo te fiafia lasi.

²⁴Ne avatu ne Hesekia e afe pulumakau tagata, kae fitu afe mamoe, ke kai ma tino o te fenua. Ne avatu foki ne ofisa e afe pulumakau tagata, kae e sefulu afe mamoe. E tokouke eiloa a faitaulaga ne faka'ma olotou foitino i feitu fakatapuakiga.

²⁵Tela la, ko oko eiloa i te fiafia o tino katoa, ko tino Iuta, faitaulaga, te kau sa Levi, tino ne o'mai mai i matu, mo tino fakaatea kola ne nofo tumau i Isalaelu mo Iuta.

²⁶A te fa'kai o Ielusalema ko fonu i te fiafia, me e seki ai eiloa se mea penei kai tupu talu mai aso o te Tupu ko Solomona, te tama tagata a Tavita.

²⁷Ne fakatagi atu a te kau sa Levi mo faitaulaga ki te Aliki, ke ligi mai tena fakamanuiaga ki luga i tino. Ne lagona ne te Atua a te lotou fakatagi, mai i tena fale i te lagi, tena ne talia ei ne ia.