Read Te Tusi Tapu I Te Gana Tuvalu Lomiga Lua ESELA 2 Bible Online

ESELA 2 - Te Tusi Tapu I Te Gana Tuvalu Lomiga Lua bible

ESELA 2

¹E tokouke eiloa a tino Iuta kola ne ave i te tafeaga, ko tiakina nei ne latou a te fenua o Papelonia o foki ki Ielusalema i Iuta; e foki eiloa te tino ki tena fa'kai. A latou mo olotou kaiga ne nofo i Papelonia talu mai te taimi ne ave fakapagota ei latou ne Nepukanesa ki kona.

²A takitaki o latou, ko Selupapelu, ko Iosua, ko Neemia, ko Selaia, ko Lelaia, ko Moletekai, ko Pilisani, ko Misipa, ko Pikivai, ko Lehuma, mo Paana. Konei a igoa o kaukaiga o Isalaelu, mo te aofaki o tino mai kaukaiga takitasi kola ne foki mai mai te tafeaga:

³ko te kaukaiga o Palosi 2,172 Ko te kaukaiga o Sefatia 372 Ko te kaukaiga o Ala 775 Ko te kaukaiga o Pahata Moapi 2,812 (ko tino ne tupu mai i a Iosua mo Ioapo) Ko te kaukaiga o Elama 1,254 Ko te kaukaiga o Satu 945 Ko te kaukaiga o Sakai 760 Ko te kaukaiga o Pani 642 Ko te kaukaiga o Pepai 623 Ko te kaukaiga o Asiakate 1,222 Ko te kaukaiga o Atonikama 666 Ko te kaukaiga o Pikivai 2,056 Ko te kaukaiga o Atini 454 Ko te kaukaiga o Atela, tela e fakaigoa foki ko Hesekia, 98 Ko te kaukaiga o Pesai 323 Ko te kaukaiga o Iola 112 Ko te kaukaiga o Hasumu 223 Ko te kaukaiga o Kipala 95

²¹A tino foki kola ne nofo olotou tupuga i fa'kai konei e fakasolo atu mai lalo, ne foki mai foki: Peteleema 123 Ko tino Netopa e 56 Anatota 128 Ko te tupuga o Asimaveta 42 Kiliata Iealima, Kafila, mo Pelota 743 Lama mo Kepa 621 Ko tino Mikimasa 122 Peteli mo Ai 223 Nepo 52 Makapisi 156 I te sua fa'kai e igoa ki a Elama 1,254 Halima 320 Loto, Hatita mo Ono 725 Ieliko 345 Sena 3,630.

³⁶Konei a igoa o Kaukaiga o faitaulaga kola ne 'foki mai mai te tafeaga: Ietaia (tino mai te gafa o Iesua) 973 Imela 1,052 Pasula 1,247 Halima 1,017.

⁴⁰A kaukaiga o sa Levi kola ne 'foki mai mai te tafeaga ko te kaukaiga o: Iesua mo Katamiela (ko tino kona o te gafa o Hotavia) 74 Ko tino ta lakau o te Faletapu (ko tino kona i te gafa o Asafo) 128 Ko sotia tiute o te Faletapu (ko tino kona o te gafa o Saluma, Atela, Talamoni, Akupa, Hatita mo Sopai) 139.

⁴³Ko kaukaiga o tino galue i te faletapu kola ne foki mai mai te tafeaga ko: Siha, Hasufa, Tapaota, Kelosi, Sia, Patoni, Lepana, Hakapa, Akupa, Hakapo, Samilai, Hananu, Kitele, Kahala, Leaia, Lesina, Nekota, Kasama, Usa, Pesea, Pesai, Asena, Meunima, Nefisimi, Pakapuka, Hakupa, Halula, Pasaluta, Mehita, Halesa, Palakosi, Sesela, Tema, Nesia mo Hatifa.

⁵⁵Ko kaukaiga o tavini a Solomona kola ne foki mai mai te tafeaga ko: Sotai, Hasofeleti, Peluta; Iala, Talakone, Kitele, Sefatia, Hatila, Pokeleta Hasepaima, mo Ami.

⁵⁸A te aofaki katoa o tino o te gafa o tino galue i te faletapu mo tino o te gafa o tavini a Solomona kola ne foki mai mai te tafeaga e tusa mo te 392.

⁵⁹E tusa mo te 652 a tino i te kaukaiga o Telaia, Tovia, mo Nekota kola ne foki mai mai fa'kai o Tele Mela, Tele Halesa, Kelupa, Atana, mo Imela, a latou konei e se mautinoa tonu me ne 'tupu mai tino Isalaelu, mei ikai.

⁶¹Konei a kaukaiga o faitaulaga kola e se mautinoa tonu olotou tupuga; ko Hapaia, Hakosi, mo Pasilai. A te tupuga o te kaukaiga o faitaulaga ko Pasilai ne avaga mo te fafine mai te kaukaiga o Pasilai o Kileata, kae ne fakaoga ne ia a te igoa o te kaukaiga o te tamana o tena avaga. A latou kona e se talia ke fai mo faitaulaga me seai se fakatalitonuga tonu ki te tupuga o latou.

⁶³ A te kovana o Iutaia ne fai ki a latou me e se mafai ne latou o kai a meakai kola ne ofo ki te Atua, vagana eiloa ke isi se faitaulaga e mafai ne ia o fakaoga te Ulima mo te Tumema.[2]

⁶⁴A te aofaki katoa o tino i te tafeaga kola ne foki mai e tusa mo te 42,360 A tavini a latou, fafine mo tagata 7,337 Tino tata lakau, fafine mo tagata, 200 Solofanua 736 Miula 245 Kamela 435 Asini 6,720.

⁶⁸I te oko atuga o latou kona ne foki mai mai te tafeaga ki te Faletapu o te Aliki i Ielusalema, e isi ne matai o kaukaiga ne ofo olotou meaalofa mo fesoasoani ki te toe faitega o te Faletapu i te koga foki eiloa tena ne tu i ei.

⁶⁹Ne ofo ne latou te mea e mafai ne latou mō te galuega tena, tela la, a te aofaki ne maua e tusa mo te 500 kilokalame o aulo, 2,800 kilokalame o siliva, kae 100 a gatu 'loa mō faitaulaga.

⁷⁰ A faitaulaga, mo te kau sa Levi, mo nisi tino, ne nofo i loto i Ielusalema, pela foki i tafatafa; a tino tata lakau, mo tino tausi o te Faletapu, mo tino ga'lue o te Faletapu, ne nofo i fa'kai i tafa o Ielusalema; ka ko te toega o te kau Isalaelu ne nofo i fa'kai kola ne nofo ei olotou tupuga.