Read Te Tusi Tapu I Te Gana Tuvalu Lomiga Lua ESELA 8 Bible Online

ESELA 8 - Te Tusi Tapu I Te Gana Tuvalu Lomiga Lua bible

ESELA 8

¹Konei a igoa o matai o kaukaiga kola ne nofo i te tafeaga i Papelonia kae ko foki mai nei mo Esela ki Ielusalema i te taimi o te nofoaiga a Aletaseta, te tupu:

²ko te matakaiga o Fineaso ko Kelesoma. Ko Tanielu — te matai o te kaukaiga o Itamala Ko Hatusa — te tama tagata a Sekanai, te matai o te kaukaiga o Tavita Ko Sakalia — te matai o te kaukaiga o Palosi, e tusa mo te 150 tagata i tena kaukaiga. E isi ne tusi e fakamau ei a tala tuku fakasolo o olotou tupuga Ko Elioenai te tama tagata a Selaia — te matai o te kaukaiga o Pahata Moapi, e tusa mo te 200 tagata i te kaukaiga tena Ko Sekania te tama tagata a Iasielu — te matai o te kaukaiga o Satu, e tusa mo te 300 tagata i te kaukaiga tena Ko Epeto te tama tagata a Ionatana — te matai o te kaukaiga o Atini e 50 tagata i te kaukaiga tena Ko Iesaia te tama tagata a Atalia — te matai o te kaukaiga o Elama, e 70 tagata i te kaukaiga tena Ko Sepatia te tama tagata a Mikaeli — te matai o te kaukaiga o Sefatia, e 80 tagata i te kaukaiga tena Ko Opetaia te tama tagata a Ieielu — te matai o te kaukaiga o Ioapo, e 218 tagata i te kaukaiga tena Ko Selomita te tama tagata a Iosif(...)

¹⁵Ne fakamaopoopo ne au a te motou kau katoa i tafa o te vai tela e tafe ki te fa'kai o Aava, nofo ei matou i kona i aso e tolu. Ne iloa aka ne au me e isi ne faitaulaga i te kau a matou tena, kae e seai ne tino o te kau sa Levi.

¹⁶Ne uga taku fekau ki takitaki e tokoiva: ko Eliesa, Alielu, Semaia, Elenatano, Ialipa, Elenatano, Natano, Sakalia, mo Mesulama, mo faiakoga e tokolua, ko Ioialipa mo Elenatano.

¹⁷Ne uga ne au latou ke olo ki a Ito, te takitaki o tino i Kasifia, o fesili ki ei, pela foki ki ana fesoasoani ko tino galue i te Faletapu, ke aumai ne tino ke tavini ki te Atua i te Faletapu.

¹⁸Kae mai te alofa o te Atua ne uga mai ei ne latou a Selepaia, se tagata malosi, kae se tino i te kaukaiga o Mali, i te matakaiga o Levi. Ne o'mai fakatasi a ia mo ana tama tagata mo ana taina e tinogafulu mo te tokovalu.

¹⁹Ne uga mai foki ne latou a Hasapaia mo Iesaia i te kaukaiga o Melali, fakatasi mo te tinolua mai kaiga o laua.

²⁰E 220 tino galue i te Faletapu ne o'mai foki, ko olotou tupuga kola ne fili ne te Tupu ko Tavita mo ana ofisa ke fesoasoani ki te kau sa Levi. Ne fakamau katoa a igoa o latou kona.

²¹I tafa o te vai o Aava, ne fai ei taku fakatonuga ke fakaliki'liki matou kae fakamalalo atu i mua o te Atua o talo atu ki ei ke takitaki ne ia matou i te motou malaga kae puipui ne ia matou mo omotou tamaliki mo omotou kope katoa.

²²E se tau au o fakamolemole ki te tupu ke aumai ne sotia ke tausi matou i te motou malaga, i a au e ma, i a au ne fai ki ei i te motou Atua e fakamanuia ne ia so se tino e talitonu ki a ia, kae e se fiafia ki tino e fulitua atu ki a ia.

²³Tena la, ne fakaliki'liki matou kae talo ki te Atua ke puipui ne ia matou, kae ne tali mai eiloa a ia ki te motou talosaga.

²⁴Ne fili ne au a Selepaia mo Hasapaia mo te tinogafulu mai faitaulaga matua'tua.

²⁵Tena ne fua aka ne au a siliva mo aulo mo meāfale pela mo sipunu mo tui mo naifi kola ne aumai ne te tupu mo ana tino fakatonutonu mo ana ofisa, mo tino Isalaelu ke fakaaoga i te Faletapu, tuku ei ne au ki faitaulaga.

²⁶Konei a mea ne tuku ne au ki a latou: Siliva — e 22 tani i te fua faka metelika E 100 meafale Siliva — 70 kilokalame Aulo — 3,400 kilokalame 20 Pōla aulo — 8.4 kilokalame 2 Pōla palasi gali, e pau eiloa te aogā mo pōla aulo.

²⁸Tena ne fai atu ei au ki faitaulaga penei, “A koutou e tapu i mua o te Aliki te Atua o otou tupuga, e penei foki mo meafale siliva mo meafale aulo, kola ne avatu ki a ia e fai mo taulaga lotomalie.

²⁹Tausi faka'lei a mea kona ke oko ki te Faletapu. Kafai e oko koutou ki te Faletapu, ko ave ei o fua i te potu o faitaulaga ko tuku atu ei ki takitaki o faitaulaga mo takitaki o te kau sa Levi, pela foki ki tino Isalaelu i Ielusalema”

³⁰Tena la, ne tausi ei ne faitaulaga a siliva mo aulo mo meāfale pela mo sipunu mo tui mo naifi, ke ave ki te Faletapu i Ielusalema.

³¹Ko te po sefulu lua o te masina muamua ne tiaki ei ne matou a te Vai o Aava o olo ki Ielusalema. A te motou Atua ne fakatasi mai eiloa ki a matou o tausi matou mai omotou fili i taimi o te malaga.

³²I te oko atuga a matou ki Ielusalema, ne ma'nava matou i aso e tolu.

³³I te fa o aso, ne olo ei matou ki te Faletapu o fua a siliva mo aulo, mo meafale pela mo sipunu mo tui mo naifi, tuku atu ei ne matou ki a Melemota te faitaulaga, te tama tagata a Ulia. A Eleasalo te tama tagata a Fineaso e nofo mai i kona, fakatasi mo te tokolua sa Levi ko Iosapata te tama tagata a Iesua mo Noatia te tama tagata a Pinui.

³⁴Ne lau kae fua a mea katoa, kae fakamau foki eiloa i te taimi tena.

³⁵A tino katoa kola ne foki mai i te tafeaga, ne aumai olotou taulaga ke sunu ke fai mo taulaga ki te Atua o Isalaelu. Ne ofo ne latou e sefulu lua pulumakau tagata mo Isalaelu katoa, e ivasefulu ono mamoe, kae fitusefulu fitu tamā mamoe; ne ofo foki ne latou e sefulu lua kouti e faka'ma ei latou mai olotou agasala. A manu katoa kona ne sunu katoa ke fai mo taulaga ki te Aliki.

³⁶Ne avatu foki ne latou a te tusi a te tupu tela ne o'mai mo latou, ki kovana mo ofisa o te itumalo o te Eufilate ki te Togala, tena ne fesoasoani mai ei latou ki tino i te faiga o tapuakiga i te Faletapu.