Read Te Tusi Tapu I Te Gana Tuvalu Lomiga Lua NEEMIA 3 Bible Online

NEEMIA 3 - Te Tusi Tapu I Te Gana Tuvalu Lomiga Lua bible

NEEMIA 3

¹Tenei te tala o te toe faitega o te pui o te fa'kai. [2] Ko Eliasipa te Faitaulaga Sili mo ona taina faitaulaga ne toe faite ne latou te Mataloa o Mamoe, fakatapu ne latou, fakamau atu ei ne latou ki te koga e tau o fakamau ki ei. Ne fakatapu ne latou a te pui ke oko eiloa ki te Taoa o Selau mo te Taoa o Hananelu.

²Ko tino o Ieliko ne toe faite ne latou a te sua vaega. Ko Sakula te tama tagata a Imeli ne toe faite ne ia a te sua vaega o te pui.

³Ko te kaukaiga o Hasena ne toe faite ne latou a te Mataloa o Ika. Ne fakapiki atu ne latou a utupoto mo feitu mataloa ki te koga e tau o piki ei, kae fakamau atu foki mo ona fao mo fiti mo loka sale.

⁴Ko Melemota, te tama tagata a Ulia kae ko te mokopuna o Hakosi ne toe faite ne ia a te isi vaega. Ko Mesulama, te tama tagata a Pelekia kae ko te mokopuna o Mesesapelu ne toe faite ne ia a te sua vaega. Ko Satoka te tama tagata a Pana ne faite ne ia a te sua vaega.

⁵Ko tagata o Tekoa ne faite ne latou a te sua vaega, ka ko takitaki o te fa'kai ne ita ma fai a galuega kola ne fakatonu atu ne te kau fakatonu'tonu.

⁶Ko Ioiata te tama a Pasea mo Mesulama te tama a Pesoteia ne toe faite ne laua a te Mataloa o Iesana. Ne faka'piki atu ne latou a utupoto mo feitu mataloa ki te koga e tau o piki ei, fakamau atu ei mo fao mo fiti mo loka sale.

⁷Ko Melatia mai Kipeona, Iatona mai Melonota, mo tagata mai Kipeona mo Mesepa ne faite ne latou te sua vaega, ke oko eiloa ki te koga e nofo ei a te kovana o te itu malo o Eufilate ki te Togala.

⁸Ko Usieli te tama tagata a Halaia, se tagata poto i galuega ki aulo, ne faite ne ia a te sua vaega. Ko Hanania, te tagata faite mea manogi, ne faite ne ia a te sua vaega ke oko eiloa ki te Pui Lauefa.

⁹Ko Lefaia te tama tagata a Hulo, te takitaki o te feitu e tasi o te koga fenua o Ielusalema, ne faite ne ia a te sua vaega.

¹⁰Ko Ietaia te tama tagata a Halumafa ne faite ne ia a te sua vaega, tela e pili atu eiloa ki tena fale. Ko Hatusa te tama tagata a Hasapeneia ne faite ne ia a te sua vaega.

¹¹Ko Malakita te tama tagata a Halima mo Hasupa te tama tagata a Pahata Moapi ne faite ne laua te sua vaega fakatasi mo te Taoa o Ogaumu.

¹²Ko Saluma te tama tagata a Haloesa, te takitaki o te sua feitu o te kogā fenua o Ielusalema, ne faite ne ia a te sua vaega. Ne fesoasoani atu foki ana tama fafine ki te galuega.

¹³Ko Hanuna mo tino o te fa'kai o Sanoa ne toe faite ne latou a te Mataloa o Vanu. Ne fakapiki atu ne latou a feitu mataloa ki te koga e tau o piki i ei, fakamau atu mo fao mo fiti mo loka sale te mataloa, kae toe faite fakalei foki ne latou a te pui e tusa mo te 440 mita, ke oko eiloa ki te Mataloa o Kaiga.

¹⁴Ko Malakita te tama tagata a Lekapa, te takitaki o te kogā fenua o Pete Hakelema, ne toe faite ne ia a te Mataloa o Kaiga. Ne fakapiki faka'lei ne ia te mataloa kae fakamau atu mo fao mo fiti e loka sale ei te mataloa.

¹⁵Ko Saluma te tama tagata a Kolose, te takitaki o te koga fenua o Mesepa, ne toe faite ne ia a te Mataloa o Vaipuna. Ne fai ne ia se fakamalumalu o te mataloa, fakapiki atu ne ia a feitu mataloa, kae fakamau atu mo fao mo fiti mo loka sale. Ne faite ne ia i te Vai o Seela, a te pui tela e tafa ki te fatoaga o tupu, ke oko eiloa ki sitepu kola e olo ifo mai i te Fa'kai o Tavita.

¹⁶Ko Neemia te tama tagata a Asipuka, te pule o te feitu e tasi o te koga fenua o Petesula, ne faite ne ia te sua vaega, ke oko eiloa ki te tanuga o Tavita, mo te vai, mo koga nofo o sotia.

¹⁷Konei a te kau sa Levi kola ne toe faite ne latou a nisi vaega o te 'pui: Ko Lehuma te tama tagata a Pani ne faite ne ia te vaega e tasi: Ko Hasapaia, te pule o te feitu e tasi o te kogā Fenua o Keila, ne faite ne ia te vaega e tasi mō tena fa'kai;

¹⁸Ko Pavai te tama tagata a Henatata, te pule o te sua feitu o te kogā Fenua o Keila, ne faite ne ia te isi vaega;

¹⁹Ko Eseli te tama tagata a Iesua, te pule o Mesepa, ne faite ne ia a te vaega i mua o te koga e tuku ei a meatau, ke oko eiloa ki te gaofega o te 'pui;

²⁰Ko Paluka te tama tagata a Sapai ne faite ne ia te sua vaega, ke oko eiloa ki te mataloa o te fale o te Faitaulaga Sili ko Eliasipa;

²¹Ko Melemota te tama tagata a Ulia kae ko te mokopuna o Hakosi, ne faite ne ia a te sua vaega, ke oko eiloa ki te feitu fakaoti o te fale o Eliasipa.

²²Konei a faitaulaga kola ne toe faite ne latou a nisi vaega o te pui: Ko faitaulaga i tafatafa o Ielusalema ne faite ne latou te sua vaega:

²³Ko Peniamina mo Hasupa ne faite ne laua te sua vaega, tela i mua o la fale; Ko Asalia te tama tagata a Maseia kae ko te mokopuna o Anania ne faite ne ia a te sua vaega, i mua eiloa o tena fale;

²⁴Ko Pinui te tama tagata a Henatata ne faite ne ia a te sua vaega, e kamata mai i te fale o Asalia ke oko ki te matulimanu o te pui;

²⁵Ko Palale te tama tagata a Usai ne faite ne ia a te sua vaega, e kamata mai i te matulimanu o te pui, mo te taoa o te feitu ki luga o te palesi, i tafa o te koga o sotia tiute; Ko Petaia te tama tagata a Palosi ne faite ne ia a te sua vaega, ke oko eiloa ki te kogā koga o te fa'kai tela e fakaigoa ki a Ofele, te koga e nofo ei a tino ga'lue o te Faletapu.

²⁷Ko tagata o te fa'kai o Tekoa ne faite ne latou a te sua vaega, ko te lua tena o vaega ne faite ne latou, e kamata mai i te koga koga tela e fakafesagai ki te taoa lasi tela e tausi ei te Faletapu, ke oko eiloa ki te pui i tafa o Ofele.

²⁸Se potukau faitaulaga ne faite ne latou te sua vaega, ne faite eiloa te tino i te pui i mua o tena fale, ne kamata latou mai i te Mataloa o Solofanua o fano fakamatu.

²⁹Ko Satoka te tama tagata a Imela ne faite ne ia a te sua vaega tela i mua o tena fale. Ko Semaia te tama tagata a Sekania, te tausi o te Mataloa ki te Saegala, ne faite ne ia a te sua vaega.

³⁰Ko Hanania te tama tagata a Selemia, mo Hanuna, te toko ono o tama a Salafo, ne faite ne laua te sua vaega, ko te lua o vaega a laua tena. Ko Mesulama te tama tagata a Pelekia ne faite ne ia a te sua vaega tela i mua o tena fale.

³¹Ko Malakita, se tagata poto i galuega ki aulo, ne faite ne ia a te sua vaega, ke oko eiloa ki te fale tela e fakaoga ne tino galue o te Faletapu mo tino fai mea togi, tela e tu i tafa o te Mataloa o Mifekato; Ko Malakita, se tagata poto i galuega ki aulo, ne faite ne ia a te sua vaega, ke oko eiloa ki te fale tela e fakaoga ne tino galue o te Faletapu mo tino fai mea togi, tela e tu i tafa o te Mataloa o Mifekato, i tafa o te potu tela e tu i luga o te matulimanu ki matu saegala o te pui.

³²Ko tino poto i galuega ki aulo mo tino fai mea togi ne faite ne latou te vaega fakaoti, mai i te potu tena i te matulimanu ke oko ki te Mataloa o Mamoe.