Read Te Tusi Tapu I Te Gana Tuvalu Lomiga Lua NEEMIA 7 Bible Online

NEEMIA 7 - Te Tusi Tapu I Te Gana Tuvalu Lomiga Lua bible

NEEMIA 7

¹I te taimi tenei, a te pui o Ielusalema ko palele ne toe faite, mo mataloa o te pui ko oti katoa ne faka'piki; a sotia tiute o te Faletapu, mo tino o te kaufaipese tapu, mo nisi o te kau sa Levi ko oti ne fakasino atu ki a latou a galuega e tau o fai ne latou.

²Ne fakasopo ne au e toko lua tagata ke pulepule ne laua te fa'kai o Ielusalema: ko toku taina ko Hanani mo Hanania te takitaki ofisa o te olo o te fa'kai. A Hanania se tagata fai mea mafai kae e mataku ki te Atua, e seai se tino e pau mo ia.

³Ne fai au ki a laua ke sa talagina a mataloa o te fa'kai i te tafataeao, vagana eiloa ke tai leva te saega o te la, kae ke pono kae loka faka'lei ka koi tuai o malo'lo a sotia tiute i te afiafi, manafai ko to te la. Ne fai foki au ki a laua ke fili ne sotia tiute mai i tino kona e nofo i Ielusalema, kae fakavasega atu a nisi o latou ki tulaga kesekese, ka ko nisi ke olo sale o tausi a te vaega o te 'pui i tafa o olotou fale.

⁴A te fa'kai o Ielusalema se fa'kai lasi, kae e se tokouke a tino e nofo i ei, se uke foki a fale e tu i ei.

⁵Ne fai mai te Atua ki a au ke fakamaopoopo ne au a tino o te fenua mo olotou takitaki mo ofisa, kae ke sukesuke ne au a fakasologa o olotou kaiga. Ne maua ne au te tala e uiga ki te kau kola ne muamua o foki mai i te tafeaga, kae tenei la te tala ne maua ne au:

⁶E tokouke a tino o te tafeaga ne tiakina ne latou a te itu malo o Papelonia o foki atu ki Ielusalema mo Iuta, ki olotou fa'kai taki tokotasi. A olotou kaiga ne nofo mai eiloa i Papelonia talu mai te taimi ne ave fakapagota ei latou ne te Tupu ko Nepukanesa.

⁷A takitaki o latou ko Selupapelu, Iosua, Neemia, Asalia, Laamia, Namani, Moletekai, Pilisani, Misipeleta, Pikivai, Nehuma, mo Paana. Tenei te fakasologa o igoa o kaukaiga o Isalaelu, mo te aofaki o tino mai kaukaiga takitasi kola ne foki mai i te tafeaga:

⁸Tenei te fakasologa o igoa o kaukaiga o Isalaelu, mo te aofaki o tino mai kaukaiga takitasi kola ne foki mai i te tafeaga: Palosi - 2,172 Sefatia - 372 Ala 652 Pahata Moapi (ko tino o te gafa o Iesua mo Ioapo) 2,818 Elama 1,254 Satu - 845 Sakai - 760 Pinui - 648 Peipai - 628 Asikata - 2,322 Atonikama - 667 Pikivai - 2,067 Atini - 655 Atela, tela e fakaigoa foki ki a Hesekia - 98 Hasuma - 328 Pesai - 324 Halifa - 112 Kipeona - 95.

²⁶A tino kola ne nofo olotou tupuga i fa'kai konei e fakasolo atu mai lalo, ne foki mai foki: Peteleema mo Netopa - 188 Anatota - 128 Peta Asimaveta - 42 Kiliata Iealima, Kafila, mo Pelota - 743 Lama mo Kepa - 621 Mikimasa - 122 Peteli mo Ai - 123 Te sua fa'kai e igoa ki a Nepo - 52 Te sua fa'kai e igoa ko Elama - 1,254 Halima - 320 Ieliko - 345 Loto, Hatita mo Ono - 721 38 Sena - 3,930

³⁹Ko kaukaiga o faitaulaga kola ne foki mai i te tafeaga: Ietaia, ko tino o te gafa o Iesua - 973 Imela - 1,052 Pasula - 1,247 Halima - 1,017.

⁴³Ko kaukaiga o te kau sa Levi kola ne foki mai i te tafeaga: Ko Iesua mo Katamiela, ko tino o te gafa o Hotavia, - 74 Ko tino tata lakau, ko tino o te gafa o Asafo - 148 Ko sotia tausi o te Faletapu, ko tino o te gafa o Saluma, Atela, Talamoni, Akupa, Hatita, mo Sopai - 138

⁴⁶Ko kaukaiga o te kau galue i te Faletapu kola ne 'foki mai i te tafeaga: Siha, Hasufa, Tapaota, Kelosi, Sia, Patoni, Lepana, Hakapa, Salamai, Hananu, Kitele, Kahala, Leaia, Lesina, Nekota, Kasama, Usa, Pasea, Pesai, Meunima, Nefusesima, Pakapuka, Hakupa, Halula, Pasilita, Mehita, Halesa, Palakosi, Sisela, Tema, Nesia mo Hatifa.

⁵⁷Ko kaukaiga o tavini a Solomona kola ne foki mai i te tafeaga: Sotai, Sofeleti, Pelita, Iaala, Talakone, Kitele, Sefatia, Hatila, Pokeleta Hasepaima mo Amoni.

⁶⁰A te aofaki katoa o tino o te gafa o tino ga'lue i te Faletapu, mo tavini a Solomona kola ne 'foki mai i te tafeaga e tusa mo te 392.

⁶¹A te aofaki katoa o kaukaiga o Telaia, Tovia, mo Nekota kola ne 'foki mai mai fa'kai o Tele Mela, Tele Halesa, Kelupa, Atoni mo Imela, e tusa mo te 642; kae ko se mautinoa tonu me ko latou ne tupu mai tino Isalaelu me ikai.

⁶³Konei a kaukaiga o faitaulaga kola e seai ne tala ne fakamau ki lalo e uiga ki te tupuga o latou: ko Hopaia, ko Hakosi mo Pasilai. A te tupuga o te kaukaiga o Pasilai, se kaukaiga i te kau faitaulaga, ne avaga ki te fafine mai i te kaukaiga o Pasilai o Kileata, kae ne fakaoga ne ia a te igoa o te kaukaiga o te tamana o tena avaga. E seki talia latou ke fai mo faitaulaga me e se mautinoa tonu te tupuga o latou.

⁶⁵ A te kovana o Iutaia ne fai ki a latou me e se mafai ne latou o kai ki meakai ne ofo atu ki te Atua, vagana ke isi se faitaulaga e mafai o fakaoga ne ia a te Ulima mo te Tumema.[5]

⁶⁶A te aofaki katoa o tino ne foki mai i te tafeaga e tusa mo te 42,360 A olotou tavini, tagata mo fafine - 7,337 A tino tata lakau, tagata mo fafine - 245 A olotou solofanua - 736 A miula - 245 A kamela - 435 A asini - 6,720

⁷⁰E tokouke eiloa a tino ne tuku atu olotou meaalofa o fesoasoani ki te toe faitega o te Faletapu: Ko te Kovana — 8 kilokalame aulo — 50 pola mō fai kaiga — 530 gatu loa mō faitaulaga Ko matai o kaukaiga — 168 kilokalame o aualo — 1,250 kilokalame o siliva Kae mai i te fenua — 168 kilokalame o aulo — 1140 kilokalame o siliva — 67 gatu 'loa mo faitaulaga

⁷³A faitaulaga, te kau sa Levi, sotia tausi o te Faletapu, mo tino tata lakau, mo nisi tino e tokouke, tino galue o te Faletapu — a latou katoa kona ne nofo i fa'kai fo'liki mo fa'kai lasi o Iuta.