Read Te Tusi Tapu I Te Gana Tuvalu Lomiga Lua ESETA 10 Bible Online

ESETA 10 - Te Tusi Tapu I Te Gana Tuvalu Lomiga Lua bible

ESETA 10

¹A te Tupu ko Asuelu ne fakagalue ne ia a tino i kogā koga o tena malo pili ki te tai pela foki ki tino e mao ki loto mo te 'tai.

²A mea gali kae fakaofoofogia katoa kola ne fai ne ia, e pela foki mo te tala o te fakamasikiakega ne ia o Moletekai ki se tulaga maluga, e fakamau katoa i tusi tala o te malo e uiga ki tupu o Pelesia mo Metai.

³A te tagata Iutaia ko Moletekai ko te tokolua ki te Tupu ko Asuelu. A ia ne fakaaloalogina kae e alofagia ne ona taina Iutaia. A ia e galue faeloa mo te 'lei o tino o tena fenua, mo te saogalemu foki o tino o olotou gafa.