Read Te Tusi Tapu I Te Gana Tuvalu Lomiga Lua ESOTO 28 Bible Online

ESOTO 28 - Te Tusi Tapu I Te Gana Tuvalu Lomiga Lua bible

ESOTO 28

¹“Ami mai tou taina ko Alona mo ana tamaliki, ko Natapu, Apiu, Eleasalo mo Itamala. Vae mai keatea latou mai tino Isalaelu, ko te mea ke tavini mai latou ki a au i te tofi o faitaulaga.

²Fai ne gatu fakafaitaulaga mo tou taina ko Alona, ke mata malu kae gali a ia.

³Kalaga ki tino katoa kola ne tuku atu ne au ki a latou te poto i galuega ki mea taulima, fai foki ki a latou ke sui a gatu o Alona ko te mea ke tuku katoa atu tona loto ki te tofi o te faitaulaga i loto i taku galuega.

⁴Fai foki ki ei ke fai se ufi fatafata mo se efota, mo se gatu loa, mo se tilima suisui fakagaligali, mo se pulou, mo se fusi. Ke faite ne latou a gatu fakafaitaulaga konei mo Alona tou taina mo ana tamaliki foki, ko te mea ke mafai ne latou o tavini mai ki a au i te tofi o faitaulaga.

⁵A tino poto i mea taulima konei ke fakaaoga ne latou te vulu lanu usi, lanu kulakula mo te vulu kula, mo te filo aulo, mo te laugatu lino gali.

⁶“Ke fai ne latou se efota ki te vulu lanu usi, lanu kulakula mo te lanu kula, te filo aulo, mo se laugatu lino gali, kae teuteu fakagaligali ki mea suisui.

⁷Faite ne pakāve e lua mo sai ki ei te efota, a mea kona e safe ki tuauma ko fakamau ifo ei ki ona feitu.

⁸Fai foki se ka'fanoa gali e laga foki eiloa ki mea kola ne faite ki ei te efota. Faite ke soko tasi pela eiloa me se laugatu e tasi.

⁹Ko aumai ei ne fatu kanelia e lua kae ke lomi ki ei a igoa o tama a Iakopo e tokosefulu lua,

¹⁰kae ke fano eiloa i te fakasologa o olotou tausaga, e toko ono i te sua fatu, kae toko ono foki i te isi fatu.

¹¹Sala mai se tino poto i te ta mama, ke ana tusigina ki luga i fatu konei e lua, a igoa o tama a Iakopo, ko faka'mau atu ei fatu konei ki olotou tulaga aulo.

¹²Ko faka'piki atu ei ki tuauma o te efota, ko itukaiga e sefulu lua kona o te fenua o Isalaelu. E fai pena, ko tena uiga ke tauave ne Alona olotou igoa i ona tuauma, ko te mea ko au, te Aliki, ka manatua faeloa ne au toku fenua.

¹³Faite se ava tulaga aulo

¹⁴mo se ava seni aulo e fili pela me se kafa, ko fakamau ei ki tulaga kona.

¹⁵“Faite ake se ufi fatafata mo te Faitaulaga Pule ke fai mo mea e fakaasi mai ei te loto o te Atua. E faite foki ki mea ne faite ki ei te efota, kae e tai pau foki a suisuiga fakagaligali i ei.

¹⁶Faite ke pau te loa mo te lauefa kae ke fetulua, e luasefulu lua senitimita te loa, e luasefulu lua foki senitimita te lauefa.

¹⁷Fakamau ki ei e fa laina o fatu taua; i te laina muamua fakamau ki ei te lupi, te topasi mo te kaneti;

¹⁸kae i te lua o laina, ko te emela, te safaila, mo te taemani;

¹⁹i te tolu o laina, ko te takosi, te akate mo te emesita;

²⁰i te fa o laina ko te pelila, te kaneli mo te iasepi. A mea konei ke fakamau katoa ki tulaga aulo.

²¹A fatu konei e sefulu lua — ke tofu eiloa te fatu mo te igoa o tamaliki a Iakopo, e fakaasi i ei a itukaiga o Isalaelu.

²²Faite aka ne seni aulo mo te ufi fatafata, kae ke 'fili pela me ne kafa.

²³Faite ne mama aulo e lua ke fakapiki ki tulimanu tafa ki luga o te ufi fatafata;

²⁴ko sai ei a uka aulo konei e lua ki mama aulo e lua.

²⁵Ka ko nisi mata kola e lua o te uka aulo ke sai ki tulaga kona e lua, tena la, a uka kona e fakapiki mai mua o te efota.

²⁶Ko faite ei foki se ava mama aulo kae fakapiki ki tulimanu ki lalo o te ufi fatafata i te feitu ki loto, kae tafa ki te efota.

²⁷E toe fai foki ne koe se ava mama aulo ko fakapiki ei ki te feitu ki lalo mai mua o tuauma e lua o te efota e pili ki te mata tuiga kae mai luga ake o te kafanoa gali.

²⁸Sai a mama konei o te ufi fatafata ki mama o te efota kae sai ki te uka lanu usi, ko te mea ke takato fakalei te ufi fatafata mai luga ake o te kafanoa kae ke se gasuesue.

²⁹“I te taimi e ulu atu ei Alona ki te Potu Tapu, ke pei a ia ki te ufi fatafata tenei, e lomi i ei a igoa o matakaiga o Isalaelu, ko te mea, ko au, te Aliki, ka manatua faeloa ne au toku fenua.

³⁰Tuku te Ulima mo te Tumema[24] ki loto i te ufi fatafata ko te mea ke fanatu mo Alona i te taimi e vau ei a ia ki loto i te koga tapu tela e nofo tumau ei au. I taimi katoa pena, e 'tau mo ia o pei mai te ufi fatafata tenei, ko te mea ke mafai ne ia o iloa mo te mautinoa, a toku loto mo te fenua o Isalaelu.

³¹“A te gatu loa tela e silia tena loa i te efota ke faite katoa eiloa ki te vulu lanu usi.

³²Ke isi eiloa se pu mo faulu te ulu. A kapakapa o te pu tenei ke fakamalosigina ki se lagaga fakatamilo ke mo a e masae gofie.

³³A kapakapa ki lalo o te gatu loa tena ke 'sui ki ei a ata o fuagalakau o te lakau ko te pomekalanite ki te vulu lanu usi, lanu kulakula, mo te kula, kae fakavasavasa ki tamā pēle aulo.

³⁵Ke pei Alona ki te gatu loa tenei i taimi o te galuega, i a ia se Faitaulaga. A te taimi e vau ei a ia ki toku koga nofo i te Potu Tapu io me ko te taimi ka fano ei a ia, e lagona faeloa te tagitagi o leo o pele, ko seai ei se sala ki te mate e oko ki a ia.

³⁶“Faite ake foki se mea ki te tina aulo kae lomi ki ei te muna tenei ‘Fakatapu mo te Aliki.’

³⁷Ko sai atu ei ki te feitu ki mua o te pulou, ke sai ki te uka lanu usi.

³⁸Ke pulou atu Alona ki te mea nei, ko te mea ko au te Aliki, ka talia ne au a taulaga katoa a Isalaelu e avatu ki a au; e tusa fua me fai ne latou ne mea 'se i te avatu o olotou taulaga.

³⁹“Laga ake se tilima mo Alona ki laugatu lino gali mo se pulou ki laugatu lino gali foki, pela foki mo se kafanoa e teuteu ki suisuiga fakagaligali.

⁴⁰“Fai ne tilima, kafanoa mo ne pulou foki mo tamaliki tagata a Alona ke mata malu kae gali latou.

⁴¹Fakapei atu a mea nei ki tou taina ko Alona mo ana tamaliki tagata. Ko faū kae fakatapu latou ki te milimili ki sinu olive ke mafai ne latou o tavini mai ki a au i a latou ne faitaulaga.

⁴²Sui ne tivae mutu mo latou ki te laugatu lino, mai te taugasulu ke oko ki kauaga, ko te mea ke ufi ki ei olotou koga e se tau o lavea.

⁴³E 'tau mo Alona mo ana tama tagata o pei faeloa ki ei i taimi e olo ei latou ki te Faleie e nofo ei au, io me fakapilipili atu ki te fata-fai-taulaga o fai te tofi faitaulaga i te Koga Tapu, ko te mea ke se mate latou. A te mea nei se fakatonuga e tumau ki a Alona mo ana tama tagata.