Read Te Tusi Tapu I Te Gana Tuvalu Lomiga Lua IOPU 16 Bible Online

IOPU 16 - Te Tusi Tapu I Te Gana Tuvalu Lomiga Lua bible

IOPU 16

¹Ko oti ne lagona ne au a muna pena i aso mua; A te fakamafanafanaga tena e fai mai ne koutou, se fakatigaina fua.

³E a, ka faipati eiloa koe ki te se gata mai? E a, e masani eiloa koe o fai ne koe a te muna fakaoti?

⁴Au moi ko koutou, ka ko koutou e penei mo au, E penei e mafai faeloa ne au o fai a muna katoa a koutou kona ne fai. E mafai foki ne au o lulu toku ulu kae faipati atu seai se manavaga.

⁵E mafai ne au o fakamalosi otou loto ki oku manatu Fesoasoani kae faipati faeloa atu au ko te mea ke mafanafana otou loto.

⁶Kae e seai se muna e fai ne au ke tai maua ei soku fesoasoani, A toku nofo mu penei, e se feoloolo ei toku mae.

⁷Te Atua, au ko logofiofio eiloa ne fai ne koe; Ne tuku ne koe toku kaiga ke tamate katoa.

⁸Ne fakasala ne koe au; a koe nei ko toku fili. Au nei ko te ivi faeloa mo te pakili, Ko fai te mea tena mo molimau ki tino i a au e agasala.

⁹Ne saesae au ne te Atua i tena kaitaua; E pula toka mai ki a au mo te kaitaua.

¹⁰A tino e o'mai o fakalili au; e potopoto mai i oku tafa Kae laupapa ne latou oku mata.

¹¹Au ko tuku atu ne te Atua ki te malosi o tino masei.

¹²Au ne nofo i te filemu, kae ne puke mai te Atua ki toku kakia o ta kae tukipala ne ia a au. Au ne fakaaoga ne te Atua e pela me se mea taketi,

¹³Kae sana ne ia a matasana ki a au mai feitu katoa, A matasana kona ne tu i a au, pakia ei au; Ka ko ia e se fia alofa lele mai eiloa.

¹⁴E fakapakia faeloa ne ia a au; e taua mai ki a au e Pela me se sotia ko fakavalevale i te kaitaua.

¹⁵Au ne tagi fanoanoa kae pei ki gatu lautaga, kae sagasaga fua i te pefu i a au ko takavale masei.

¹⁶Au ne tagi ke oko eiloa ki te taimi ko kula ei oku mata kae fulafula, mo oku laumata ko lailai, Ko i ai te ata o te mate.

¹⁷Ka ko au e se 'se i te agasala ko te fakasaua, A taku talo ki te Atua e fai mo toku loto ma.

¹⁸Te lalolagi, sa funagina a mea 'se ne fai mai ki a au! A taku tagi mo se fai mea tonu ke mo a e taofigina!

¹⁹ E isi se tino i te lagi tela e kau mai ki a au.

²⁰Au e kote ne oku taugasoa; au e tagi mo oku loimata ko sali atu ki mua o te Atua.

²¹Au e manako ki se tino ke fakamolemole atu ki te Atua ke fakasao au, E pela me se tagata e fakamolemole ke fakasao sena taugasoa.

²²A oku tausaga ko oti atu, au ko fanatu i te auala e se toe foki mai ei au.