Read Te Tusi Tapu I Te Gana Tuvalu Lomiga Lua IOPU 19 Bible Online

IOPU 19 - Te Tusi Tapu I Te Gana Tuvalu Lomiga Lua bible

IOPU 19

¹Ai a e fakafi'ta mai ei au ne koutou ki otou muna kona e fai?

³Au e fakaitaita faeloa ne koutou i taimi katoa, Kae se ma lele eiloa koutou i te otou mea tena e fai ki te fakaitaita mai au.

⁴Kafai foki la ne fai ne au se mea se, i te feitu fea e mae ei koutou?

⁵I te otou fakatau, e lei atu koutou i a au? E talitonu foki koutou i toku puapuaga tenei e molimau ei i a au ne agasala.

⁶E a, e se lavea ne koe me ko te Atua tenei ne fai ne ia a te mea tenei? Ne tao ne ia te malei, ke lave ei au.

⁷Ne teke ne au a tena fakasaua, kae seai se tino ne fakalogologo; E seai se tino ne lagona ne ia taku tagi ke fai te mea tonu.

⁸Ko oti ne pono ne te Atua te auala, ko se mafai au o ulu atu i ei; Ne funa ne ia toku auala ki te pouliga.

⁹Ne ave keatea ne ia a toku maumea kātoa, kae fakatakuvalea ne ia toku igoa.

¹⁰E ta ne ia a au mai oku feitu katoa. E ave keatea ne ia toku fakamoemoega kae tiakina mai au ke mate.

¹¹A te Atua ko oko eiloa i te kaitaua ki a au; E fai ne ia au e pela me se fili tafasili i te masei o ia.

¹²E uga mai ne ia tena kautau ke taua mai ki a au; E keli ne latou a lua, kae fakatalitali o puke toku faleie.

¹³Ne fai ne te Atua oku taina ke se saga mai ki a au; Au ko pela me se tino fakaatea ki a latou kola e masani mo au;

¹⁴A oku kaiga mo oku taugasoa ko olo keatea.

¹⁵A tino kola ne talimalo sale ne au i toku fale, Ko puli i a latou a au; aku tavini fafine ko fai ne latou a au e pela me se tino fakaatea.

¹⁶Kafai e kalaga au ki se tavini, e se tali mai eiloa, Ke oko foki eiloa manafai e fakamolemole atu au ki a ia ke fesoasoani mai ki a au.

¹⁷A taku avaga ko se maua ne ia o 'sogi te manogi o toku manava, A oku taina foki ko se mafai eiloa o fakapilipili mai ki a au.

¹⁸A tamaliki e takalialia i a au, kae kata manafai e lavea ne latou a au.

¹⁹A oku taugasoa pili eiloa ko takalialia foki i a au; A tino kola ne alofa malosi au ki ei, ko fulitua mai ki a au.

²⁰A toku pakili ko mataka keatea mai oku ivi; Au nei e ola amate atu eiloa.

²¹A koutou ko oku taugasoa! A koutou ke alofa mai ki a au! A te lima o te Atua ko i luga i a au.

²²Ai a ka fakasaua ei ne koutou au, e pela mo te mea tenei E fai ne te Atua ki a au? E a, e seki gata te fia fakafita o koutou ki a au?

²³Aku muna eiloa ke masaua aku muna ne se tino, Kae ke fakamau ki se tusi!

²⁴Io me fakaaoga ne ia se 'tofi o lomi aku muna ki se fatu, Kae tusi ko te mea ke tumau ki te se gata mai.

²⁵Kae e iloa ne au me e isi se tino i te lagi tela ka vau o pulu au.

²⁶E ui eiloa ko oti atu ne kai toku pakili ne te masaki tenei, Kae ka matea eiloa ne au a te Atua i toku foitino tenei.

²⁷Ka lavea fakalei ne au a ia ki oku mata, ka se pela a ia me se tino fakaatea. A toku loto ne fakavaivai i tau pati tela ne fai pela,

²⁸“E fakapuapuaga pefea ne tatou a ia?” A koutou ne salasala ki se pogai e ta ei au ne koutou.

²⁹Kae nei, ke mataku koutou i te pelu, Te pelu tela ka aumai ne ia te kaitaua o te Atua ki agasala, Ko te mea ke iloa ne koutou me e isi se tino e fai ne ia te fakamasinoga.