Read Te Tusi Tapu I Te Gana Tuvalu Lomiga Lua IOPU 20 Bible Online

IOPU 20 - Te Tusi Tapu I Te Gana Tuvalu Lomiga Lua bible

IOPU 20

¹Iopu, ko fai ne koe au ke ita. Nei, au ko manako eiloa ke na tali atu au ki a koe.

³A tau muna tena ne fai e faka'ita ki a au, kae e lei me e iloa ne au o tali tau faipatiga tena.

⁴Kaati e iloa ne koe, me mai aso mua eiloa, I te taimi ne fatoa fakanofo ei te tagata i te lalolagi,

⁵E seai eiloa se tagata amio masei e mafai o tumau tena fiafia.

⁶E mafai a ia o takutakua malosi eiloa kae oko atu foki eiloa tena takutakua ki kaumana,

⁷Kae ka agina fua a ia keatea e pela me se pefu. A tino kola ne masani mo ia ka sala ki a ia, Me e tefea te koga ko fano a ia ki ei.

⁸Ka galo atu a ia e pela me se moemiti, e pela me se fakaasiga i te po, Kae ka se toe lavea atu eiloa a ia.

⁹Ka galo atu a ia mai i te koga ne masani o nofo sale ei a ia;

¹⁰Ka ko ana tama tagata ka fakaaoga ne latou a mea ne kaisoa ne ia mai i tino mativa.

¹¹A tena foitino ne tupu malosi i aso koi tamataene ei a ia, kae e se leva ko liu pefu.

¹²A te masei ko oko eiloa i te logotonu ki a ia, Tela la, e isi faeloa ne mea e tausi ne ia i tena gutu ke fakalogotonu a ia i ei,

¹⁴Kae i te okoga ki tena tinae, ko te meakai eiloa ko 'kona, Ko 'kona eiloa pela me se mea poisini malosi.

¹⁵A te tagata masei e luaki mai ne ia a te koloa ne kaisoa ne ia; Ko toe puke mai ne te Atua mai i a ia, Mai i loto i tena tinae.

¹⁶A te mea ne folo ne te tagata masei se poisini fua; E tamate a ia ne te poisini e pela eiloa me se gata tatino.

¹⁷Ka se ola a ia ke lavea ne ia a sinu olive e tafe pela me ne vaitafe, Io me ko vaitafe foliki e tafe i ei te susu mo te hani.

¹⁸Ka tiakina eiloa ne ia a mea ne fakamaumau ki ei tena malosi; Ka seai eiloa se avanoa ke mafai ei ne ia o fiafia i tena maumea,

¹⁹Me e fakapuapuaga ne ia a tino mativa, kae fao malo ne ia a fale ne faite ne nisi tino.

²⁰A tino manako ki mea e se mafai o gata mai.

²¹Kafai e kai, e seai se mea e toe; Kae nei, ko gata mai eiloa tena maumea.

²²Kafai ko oko eiloa i tena maumea, kae ka 'tao a ia ne te mafa katoatoa o te malaia.

²³Tuku atu a ia ke kai ki te mea e mafai ne ia! Ka fakasala a ia ne te Atua i tena kaitaua.

²⁴Kafai e taumafai a ia ke sao mai i se pelu fiti, Kae ka tu a ia i se matasana mai i te kausana palasi.

²⁵Ka tu malo se matasana i tena foitino; A te mata malapulapu o te matasana e salisali ei te toto, Tena kae ko oko eiloa i tena mataku.

²⁶Ana mea katoa ne fakaputu ko fakamaseigina katoa; Ko 'ka a ia mo tena kaiga katoa i te afi tela e seki fakaka ki lima o se tino.

²⁷Ko fakaasi ne te lagi a agasala a te tagata tenei, Ka ko te lalolagi e molimau ki ana agasala.

²⁸A tena maumea katoa ka fakamasei ne te kaitaua o te Atua.

²⁹Tena te ikuga o tino amio masei, ko te ikuga ne aumai ne te Atua ki a latou.