Read Te Tusi Tapu I Te Gana Tuvalu Lomiga Lua IOPU 21 Bible Online

IOPU 21 - Te Tusi Tapu I Te Gana Tuvalu Lomiga Lua bible

IOPU 21

¹Fakalogo mai ki aku muna ka fai atu; Tena fua te fakamafanafanaga e manako au ki ei mai i a koutou.

³Tuku mai au ke faipati atu, ka oti au ne faipati, Ko fakalili mai ei au manafai e fia fakalili mai koutou ki a au.

⁴Au e se kinau mo se tino ola penei mo tatou; E isi eiloa se pogai e tau ei au o se toka penei.

⁵Kilo mai ki a au. E a, e poi koutou i a au?

⁶Kafai au e mafaufau ki te mea ne tupu ki a au, Ko oko eiloa i toku poi, kae polepole foki eiloa toku foitino.

⁷Ai a e talia ei ne te Atua a tagata masei ke ola kae talia foki ne ia ke olo ake o ma'tua kae maumea?

⁸E fai olotou tamaliki mo mokopuna, kae ola ke lavea ne latou te tupuakega o olotou tamaliki mo mokopuna.

⁹A te Atua e se aumai ne ia a puapuaga ki olotou fale; E se nofo ma'taku eiloa latou.

¹⁰E tonu, a olotou pulumakau e fanafanau kae seai se fakalavelave e oko ki pulumakau i taimi e fanau ei.

¹¹A olotou tamaliki e teletele kae tafao e pela me ne tamā mamoe,

¹²Kae saka ki leo o kitala mo faili.

¹³E oti atu eiloa a olaga o latou i te filemu, Kae mate filemu seai se fita.

¹⁴A tino masei e fai ki te Atua ke sa fakalavelave atu ki a latou; E se fia iloa ne latou te loto o te Atua e uiga ki te olaga o latou.

¹⁵E mafaufau latou me e seai se aoga o te tavini atu ki te Atua io me ko te fai talosaga ki a ia.

¹⁶E taofi latou pela i a latou e manuia eiloa i te lotou malosi, Kae e se mafai eiloa o talia ne au a mafaufauga o latou.

¹⁷E a, kai galo atu eiloa te mainaga o te tagata amio masei? Kai fetaui eiloa se tino o latou mo se fakalavelave? Kai fakasala eiloa ne te Atua a tino masei i tena kaitaua,

¹⁸Kae fue latou keatea e pela me ne kau saito e agina i se matagi, lo me e pela me ne pefu e agina i se kautaufa?

¹⁹A koutou e fai mai i te Atua e fakasala ne ia a te tamaliki i te agasala a tena tamana. Ikai! A te Atua ke fakasala eiloa ne ia a tino ne agasala ke fakaasi atu me ne fakasala latou ona ko olotou agasala.

²⁰A tino agasala ke tuku eiloa ke fakasala ona ko olotou agasala; Tuku ke lagona ne latou te kaitaua o te Atua Malosi.

²¹Kafai ko gata te ola o te tagata, e mata e toe saga atu a ia ki ana tamaliki, me e fiafia me ikai?

²²E mafai ne se tino o akoako te Atua, tela e fakamasino ne ia a tino maluga?

²³A nisi tino e malosi faeloa ke oko eiloa ki te aso e mate ei latou; E mate mo te fiafia mo te filemu, mo olotou foitino e makona faeloa.

²⁵A nisi tino e seai eiloa se fiafia e maua ne latou; E ola kae mate atu i te fi'ta.

²⁶Kae pau katoa a tino katoa, e mate kae tanu, Kae fonu foitino i ilo.

²⁷E iloa ne au otou mafaufauga masei kona e fai.

²⁸E fesili ake koutou penei, “Tefea nei te fale o te tagata takutakua, te tagata tela e fai amioga masei?”

²⁹Kai faipati eiloa koutou ki tino e fai malaga sale? E a, e se iloa ne koutou a te lipoti e aumai sale ne latou?

³⁰Kafai e oko ki te aso e kaitaua ei te Atua kae fakasala ne ia a tino, Ko te tagata amio masei e masani o fakasao sale.

³¹E seai se tino e mafai ne ia o moli fakamasei se tino amio masei, Io me e taui atu ki a ia e tusa eiloa mo ana amioga masei ne fai.

³²Kafai ko avatu tena foitino ki te koga e tanu ei a tino mate, Ki tena tanuga tela e leoleo fakalei,

³³E afe mo afe ka olo i te solo o te mate, Ka ko te laukele e takato filemu i luga i tena foitino.

³⁴Ka ko koutou! E taumafai koutou o fakamafanafana au ki otou muna se aoga! A otou tali katoa kona e fai mai ne loi katoa eiloa!