Read Te Tusi Tapu I Te Gana Tuvalu Lomiga Lua IOPU 23 Bible Online

IOPU 23 - Te Tusi Tapu I Te Gana Tuvalu Lomiga Lua bible

IOPU 23

¹Au koi 'teke eiloa kae muimui ki te Atua; E se mafai ne au o taofi toku tagi.

³Aku muna eiloa ke iloa ne au te koga e nofo ei te Atua; Kae iloa foki ne au te auala ki te koga tena.

⁴Ka fakaasi ne au i ona mua a mea e mafa i toku loto Kae fakaasi atu foki ki a ia a mea e iloa ne au e sao au i ei.

⁵E fia iloa ne au me ne a ana muna ka fai, me ka tali mai pefea a ia ki a au.

⁶E a, e mata ka fakaaoga ne te Atua a tena malosi katoa o teke au? Ikai, ka fakalogo mai eiloa a ia i te taimi e faipati atu ei au.

⁷Au e amiotonu; e mafai ne au ke faipati fakalei maua mo te Atua; Ka folafola atu ne ia i a au e se 'se. [14]

⁸Ne sala au ki te Atua i te saegala, kae e galo i ei; E seki maua foki ne au a ia i taku salaga ki ei i te togala.

⁹A te Atua ne galue i matū mo saute, kae e seki lavea eiloa ne au a ia ke oko mai ki te taimi nei.

¹⁰E iloa lei ne te Atua oku auala katoa; Kafai e tofotofo ne ia a au, ka iloa aka ne ia i a au e ma faeloa.

¹¹Au e tautali fakamaoni eiloa ki te auala tela ne filifili ne ia, E se mafai ne au o fano ki tafatafa o te auala.

¹²E fai faeloa ne au a fakatonuga a te Atua; E fai ne au te loto o te Atua, kae se ko mea e manako au ki ei.

¹³E se mafai eiloa a ia o fuli. E seai se tino e mafai ne ia o 'teke te Atua, Io me taofi ke se fai ne ia a te mea tela e fakamoemoe a ia o fai.

¹⁴Ka fakataunu eiloa ne ia a tena fuafuaga e uiga ki a au; A te fuafuaga a ia tena, se fuafuaga fua e tasi mai i ana fuafuaga e uke;

¹⁵Au e polepole i te mataku i ona mua.

¹⁶Ne fakatukaki ne te Atua Maluga a toku loto toa. Ko te Atua e mataku ei au, kae se ko te pouliga, Ka ko te pouliga ne fai ne ia a au ke kivi.