Read Te Tusi Tapu I Te Gana Tuvalu Lomiga Lua IOPU 26 Bible Online

IOPU 26 - Te Tusi Tapu I Te Gana Tuvalu Lomiga Lua bible

IOPU 26

¹Ko oko eiloa i te lei o tou fesoasoani ki a au, Au se tagata mativa kae vaivai.

³E fai mai ne koe a manatu lei ki a au, kae fakaasi mai tou poto ki a au, te tagata valea!

⁴Ko oi i tau fakatau ka lagona ne ia au muna katoa kona? Ko oi te tino ne fai ne ia koe ke faipati pena?

⁵[17]A agaga o tino mate ko polepole i vai i lalo ifo o te lalolagi.

⁶A te lalolagi o tino mate e takato fakasau i mua o te Atua; E seai se mea e mafai o ufi ki ei ke se matea ne te Atua.

⁷Ne fola ne te Atua a te lagi ki matū, Kae fakatautau ne ia a te lalolagi i te vanimonimo.

⁸Ko te Atua ne fakafonu ne ia a kaumana ki vai, Kae taofi foki ne ia ke mo a e sofi ki tua ona ko te 'mafa.

⁹E 'funa ne ia a te masina sulu i tua o se kaumana.

¹⁰E vae ne ia te mainaga mai i te pouliga ki te laina pukupuku e vase i luga i te tai.

¹¹Kafai e fakamatakutaku atu ne ia a pou kola e taofi ei a te lalolagi, Ko te mea eiloa ko pole'pole i te mataku.

¹²Ne fakatakavale ne ia a te tai ki tena malosi; Ne fakatakavale foki ne ia a te manu fakamataku ko Lahapa ki tena poto

¹³E faka'ma ne ia a te lagi ki tena manava, Ne tamate foki ne ia a te manu fakamataku tela ne sao ki tena lima.

¹⁴A mea konei ne fakaasiga foliki fua e uiga ki tena mana, E pela fua me ne musumusuga; ko oi te tino e iloa tonu ne ia a te mana o te Atua?