Read Te Tusi Tapu I Te Gana Tuvalu Lomiga Lua IOPU 27 Bible Online

IOPU 27 - Te Tusi Tapu I Te Gana Tuvalu Lomiga Lua bible

IOPU 27

¹Au e tauto i te igoa o te Atua Malosi, Tela ne seki fakamasino ne ia a au mo te faimeatonu, Tena ne fakapuapuaga ne ia toku olaga,

³Ke oko eiloa ki te taimi e fakagata ei ne te Atua toku manava,

⁴Ka ko oku laugutu ka se mafai o faipati ki se muna masei, Ka se mafai foki eiloa ne toku laulaufaiva o fai se tala loi.

⁵E se mafai eiloa ne au o fai atu ki a koutou me e tonu otou pati ne fai; Au e makeke eiloa i a au e se 'se ke oko eiloa ki te aso e mate ei au.

⁶Ka tumau eiloa au i toku talitonuga i au e tonu; A toku mafaufau e lei faeloa.

⁷A tino kola e teke kae faitaua ki a au, Ke fakasalagina e pela mo tino amio masei.

⁸Kafai ko oko ki te itula tela ka ta ei ne te Atua a tino masei, E a, e mata e isi se fakamoemoega o latou ke sao latou?

⁹Kafai e oko mai fakalavelave, e mata e lagona ne te Atua olotou tagi?

¹⁰Ne tau mo latou o malie i te fiafia tela e aumai ne ia; Ne tau foki mo latou o talo faeloa ki a ia.

¹¹O'mai ke akoako atu ne au koutou, ke iloa ne koutou a te lasi o te mana o te Atua, Kae fakamatala atu foki ne au a fuafuaga ko oti ne fakatoka ne te Atua Malosi.

¹²Kae nei, ko oti ne lavea ne koutou ki otou mata; Ai a la e faipati fakavalevale ei koutou?

¹³[18]E fakasala penei ne te Atua Malosi a tino amio masei, mo tino fakasaua.

¹⁴E mafai ne latou o fakatokouke olotou fanau, ka ko te fakalavelave, ka mate katoa latou i te taua; A olotou fanau e se ti lava sale a mea e kai ei.

¹⁵A tino kola e toe mai ka mate i famai, kae ke oko foki eiloa ki avaga a latou kola koi ola, Ka se tagi i te mate o latou.

¹⁶A tino masei ko oko eiloa i te uke o olotou siliva, Ko se maua o lau, pela foki mo gatu, Ko uke atu i te mea e manakogina ne latou;

¹⁷Kae e isi eiloa ne tagata lei ka mai o pei ki gatu kae e isi foki ne tagata amiotonu ka puke ne latou a siliva.

¹⁸A tino masei e faite olotou fale pela me se pogaleveleve o te naleau, Io me e pela mo te fale o te pologa tela e tausi ne ia te fatoaga.

¹⁹I se taimi e tasi, ka moe ifo olotou mata mo te maumea lasi, kae kafai ko pula aka, Ko seai mai fua ne koloa a latou.

²⁰A te mataku ka oko mai ki a latou e pela me se lofiaga; Ka oko mai te matagi i te po kae ka agina latou keatea;

²¹Ko te matagi mai i te saegala ka pusi ne ia latou keatea mai i olotou fale;

²²Ka agi mai ki a latou mo te se alofa i te taimi e taumafai ei latou o tele ke sao.

²³Ka gulu atu te matagi ki a latou i te taimi e tele ei latou o fakamatakutaku latou ki tena mana fakamataku.