Read Te Tusi Tapu I Te Gana Tuvalu Lomiga Lua IOPU 3 Bible Online

IOPU 3 - Te Tusi Tapu I Te Gana Tuvalu Lomiga Lua bible

IOPU 3

¹ Fakamuli ifo, ne faipati aka a Iopu kae ne fakamalaia ne ia a te aso ne fanau ei a ia.

²Te Atua, fakamalaia aka a te aso ne fanau ei au; Muna 'tuku atu a te po ne fanau mai ei au!

⁴Te Atua, fuli aka te aso tena ke pouli tagataga. Ke mo a eiloa e toe masaua a te aso tena; Ke mo a eiloa e toe isi se mainaga e maina atu ki te aso tena.

⁵Faigina te aso tena ke fai mo aso o te fanoanoa kae pouli tagataga; Fakafonugina i kaumana kae solo atu keatea a te la.

⁶Sologina a te po tena mai i po o te tausaga, Kae sa toe laugina i te fakasologa o po;

⁷Faigina ke seai se fiafia e maua i ei.

⁸Fai atu ki tino fakataulaitu ke fakamalaia atu te aso tena; Pela foki ki a latou kola e pule ne latou a Leviatana. [6]

⁹Taofigina te fetu ao ke se toe maina mai; Ke seai eiloa se vaveao e fakamoemoegina mō te po tena.

¹⁰Fakamalaia atu te po tena, Me ne talia ne ia ke fanau i ei au, Ke sae mai ei toku foitino ki puapuaga mo fanoanoaga o te olaga nei.

¹¹Aku muna eiloa ke na mate atu au i te moegatama o toku matua, Io me mate atu i te taimi eiloa ne fanau ei au.

¹²Ai a ne sapai ei au ne toku matua i ana vae? Ai a ne faū ei ne ia a au i ona u?

¹³Moi ne na mate atu eiloa au i te taimi tena, Penei e moe fakalei eiloa au,

¹⁴E pela mo tupu mo takitaki kola ne toe faite ne latou a palesi taumua.

¹⁵E penei, au e moe pela mo pelenise kola ne fakafonu olotou fale ki aulo mo siliva,

¹⁶Io me moe pela me se pepe ne fanau mai e se gasue.

¹⁷I te tanuga, a tagata amio masei e gata olotou amioga masei; Mo tino ne galue fita, ko maua ne latou se manavaga tokagamalie.

¹⁸Ke oko foki eiloa ki pagota, ko maua ne latou se olaga filemu; Ko se toe ai ne fakatonuga saua e lagona ne latou.

¹⁹A tino katoa e nofo i kona, ko tino takutakua mo tino se takutakua, Mo pologa ko maua foki ne latou se saolotoga i kona.

²⁰Ai a e fakatumau ei te ola i tagata ko puapuaga? Ai a e avatu ei te mainaga ki tino fanoanoa?

²¹ E fakatalitali latou ki te mate, kae e se mafai eiloa o oko atu; Ko sili atu i a latou a te tanuga i lo so se koloa.

²²Ko seai eiloa se fiafia i a latou, vagana fua ke na mate latou ko ave ei o tanu;

²³E se fakaasi eiloa ne te Atua ki a latou a te lotou olaga i aso fakamuli, Kae sai ne ia latou mai i olotou feitu katoa.

²⁴Au ko se kai kae ko tagi faeloa, ko se gata eiloa toku tagi.

²⁵A mea ne mataku ki ei au ko taunu katoa.

²⁶E seai soku filemu, seai se malologa lei, Ka ko oku puapuaga e se mafai o gata.