Read Te Tusi Tapu I Te Gana Tuvalu Lomiga Lua IOPU 33 Bible Online

IOPU 33 - Te Tusi Tapu I Te Gana Tuvalu Lomiga Lua bible

IOPU 33

¹Iopu, fakalogo mai nei ki aku muna katoa konei ka fai atu.

²Au ko toka o taku atu a mea ne mafaufau au o faipati atu.

³Aku pati katoa ka fai atu, e tonu katoa kae faipati foki ne au te mea tonu.

⁴Ko te agaga o te Atua ne faite ne ia a au, Kae aumai foki ne ia te ola ki a au.

⁵Fai mai sau tali manafai e mafai ne koe. Fakatoka ou manatu.

⁶A taua e pau i mua o te Atua, a taua ne faite katoa mai i te pefu.

⁷Tela la, e se tau mo koe o mataku mai ki a au; E se ta ne au a koe.

⁸Konei au muna ne lagona ne au:

⁹“Au se 'se; e seai se mea 'se ne fai ne au. Au e amiotonu kae seai ne aku agasala.

¹⁰Ka ko te Atua ne salasala ne ia ne auala e fakapuapuaga ei ne ia a au e pela au me se fili o ia.

¹¹ E sai ne ia oku vae ki seni; e alamati a ia ki aku mea katoa e fai.”

¹²Ka ko au e fai atu ki a koe, e Iopu, a koe e 'se. A te Atua e maluga atu i so se tagata.

¹³Ai a e faka'se ei ne koe te Atua me e se tali mai ki fakatagi a tagata?

¹⁴E ui eiloa i te Atua e faipati 'soko mai faeloa, Kae e seai eiloa se tino e saga ki ana muna e fai.

¹⁵ I te po, i te taimi e moe ei a tagata, tena te taimi e faipati mai ei te Atua i moemiti mo fakaasiga.

¹⁶E fai ne ia latou ke faka'logo ki ana muna, Kae e mataku latou ki ana polopoloakiga.

¹⁷A te Atua e faipati ki a latou ko te mea ke fakagata olotou fai agasala kae ke faka'sao foki ne ia latou mai i uiga fakamatamata.

¹⁸E se tiakina ne ia latou ke 'ta fakapalele; E faka'sao ne ia latou mai i te mate.

¹⁹E aumai ne te Atua a masaki mo te 'mae o te foitino ke akoako ei te tagata.

²⁰A te tagata masaki e seai se fiakai i a ia, Ke oko foki eiloa ki te toe meakai gali eiloa e se gali ki a ia.

²¹A tena foitino ko fanaifo eiloa o pakā; Ona ivi katoa ko āta mai eiloa ki tua; Ko lavea atu ona ivi katoa.

²²Ko pili a ia o fanatu ki te lalolagi o tino mate.

²³E se taumate e iku o vau se agelu o fesoasoani ki a ia, Se agelu e tokotasi mai i te afe o agelu a te Atua, Ko ia ka fakamasaua mai ki tagata a tiute e tau o fai ne latou.

²⁴Ka alofa te agelu ki a ia, kae ka kalaga atu penei, “Fakasao atu a ia! E seki tau a ia o fanaifo ki te lalolagi o tino mate. Tenei te togi e fakasao ei a ia.”

²⁵Ka toetupu lei tena foitino kae malosi;

²⁶Kafai e talo a ia, kae ka tali mai te Atua ki tena talo. Ka tapuaki atu a ia ki te Atua mo te fiafia; Ka toe fakasakosako ne te Atua a tena olaga mo mea ne tupu ki a ia.

²⁷Ka fai sena folafolaga ki tino penei, “Au ne agasala. E seki fai ne au te mea tonu, ka ko te Atua ne fakasao ne ia au.

²⁸Ne taofi ne ia au ke se fano au ki te lalolagi o tino mate, tenei la, au koi ola eiloa.”

²⁹E masani sale eiloa o fai ne te Atua a te mea tena;

³⁰E fakasao ne ia te ola o se tino, Kae avatu ne ia ki ei te fiafiaga o te ola.

³¹Iopu, fakalogo mai nei ki aku pati e fai atu; Filemu, kae fakalogo mai ke faipati atu au.

³²Kafai e isi sau pati e fia fai, fai mai ke lagona ne au; Ka fiafia eiloa au o taku atu i a koe e tonu.

³³Kae kafai e seai, sa uā la kae fakalogo mai ke akoako atu ne au a koe ke poto.