Read Te Tusi Tapu I Te Gana Tuvalu Lomiga Lua IOPU 34 Bible Online

IOPU 34 - Te Tusi Tapu I Te Gana Tuvalu Lomiga Lua bible

IOPU 34

¹A koutou ko oko eiloa i te poto; fakalogo mai nei ki aku pati konei ka fai atu.

³E iloa ne koutou a meakai gali manafai e 'tami koutou ki ei, Kae e se iloa ne koutou a muna lei manafai e lagona ne koutou.

⁴Ko pakū mai eiloa ki a tatou a te fa'kaikuga o te mataupu.

⁵A Iopu e talitonu i a ia e se agasala; E talitonu a ia i te Atua e se fakamasino mai a ia i te mea tonu.

⁶Ne fesili ake a ia penei, “E mafai pefea ne au o faipati ki te loi, o taku atu i a au e 'se? Au ko pakia masei eiloa, ka ko au e se agasala.”

⁷Kai matea eiloa ne koutou se tagata penei mo Iopu? E se fakaava lele eiloa ki te Atua.

⁸E fiafia o 'nofo fakatasi mo tino amio ma'sei kae oloolo sāle mo tino agasala.

⁹Ana muna me e seai se lei e maua ne te tino tela e taumafai o tautali ki te loto o te Atua.

¹⁰Fakalogo mai ki a au, koutou tagata malamalama! E mata e mafai ne te Atua Malosi o fai se mea se?

¹¹ E taui ne ia ki tino e tusa mo olotou mea e fai kae e fai ne ia ki a latou e tusa mo te mea e 'tau ki a latou.

¹²A te Atua Malosi e se fai ne ia ne amioga masei; E seki fai eiloa ne ia se faiga se tonu ki se tino.

¹³E a, ne maua ne te Atua tena 'mana mai i se tino? E tonu me ne fakamasiki aka a ia ne se tino ke pule i te lalolagi?

¹⁴Kafai e toe puke mai te Atua o avatu te manava o te ola,

¹⁵Ko tena uiga, a tino katoa konei e ola ka mate kae toe liu pefu olotou foitino.

¹⁶Kafai koe se tino poto, fakalogo mai ki a au.

¹⁷A koe e taumafai o faka'se te Atua? I tau faka'tau te Atua se fiafia ki te fakamasinoga tonu?

¹⁸A te Atua e fakamalaia ne ia a tupu mo tino pule manafai ne tino e se aoga kae amio masei.

¹⁹E se kau a ia ki tino pule, io me fakasili ne ia a tino maumea i lo tino mativa, Me ne faite ne ia a tino katoa.

²⁰E mafai se tagata o mate fafuasei i se po. E 'ta ne te Atua a tagata, ko galo atu eiloa latou; E tamate gofie fua ne ia a tino malosi eiloa.

²¹E onoono faka'lei eiloa a ia ki faifaiga katoa a tagata.

²²E seai se pouliga e mafai o funa ei a te tino agasala mai i te Atua.

²³E seai se taimi e fakasino ne te Atua ke olo atu a tagata ki a ia ke fakamasino.

²⁴E se manako a ia ki se sukesukega ke fai ki tino pule manafai e isi ne olotou uiga masei ne fai, Ko te mea ke sui olotou tulaga ki nisi tino,

²⁵Me e iloa ne ia olotou mea e fai; E ave keatea ne ia kae tukipala ne ia i te afiafi.

²⁶E fakasala ne ia a tino agasala i te koga e lavea ne tino,

²⁷Me ko se tautali atu ki a ia, kae teke ki ana fakatonuga katoa.

²⁸E fakapuapuaga ne latou a tino mativa, tena ko kalaga ei tino mativa ki te Atua, Kae ne lagona ne te Atua olotou tagi mō se fesoasoani.

²⁹Kafai e iku i te Atua ke seai sena mea e fai, E seai eiloa se tino e isi sena fekau i te feitu tena. Kafai ko fakagalo te Atua, Ko tagata eiloa ko se mafai o fai se mea.

³⁰E seai eiloa se mea e mafai ne malo o fai, Ke ave keatea ei a tino fapaupau kola e pule fakasaua ki a latou.

³¹Iopu, kai fakaasi atu au agasala ki te Atua ke fakamagalo mai ne ia? Kai tauto koe ke se toe agasala koe?

³²Kai fesili koe ki te Atua ke fakaasi atu au agasala? Kai talia ne koe ke se toe fai ne koe ne amioga masei?

³³Ona e se talia ne koe a mea a te Atua e fai, I tau fakatau e mafai o fai ne ia a te mea e manako koe ki ei? A tau ikuga e fai eiloa ne koe, e se fai ne au; Taku mai me se a tou manatu.

³⁴So se tino malamalama e tau eiloa o talitonu ki a au; So se tino poto ne lagona ne ia aku muna ka fai aka pela

³⁵I a Iopu e faipati mo te se iloa, ka ko ana pati foki e seai se uiga.

³⁶Mafaufau faka'lei aka ki muna katoa a Iopu ne fai; Ka matea ne koutou me e faipati pela me se tino amio masei.

³⁷A tena loto 'teke ko fakaopoopo atu ki ana agasala; Ko faka'lili mai ne ia te Atua i mua o tatou katoa.