Read Te Tusi Tapu I Te Gana Tuvalu Lomiga Lua IOPU 35 Bible Online

IOPU 35 - Te Tusi Tapu I Te Gana Tuvalu Lomiga Lua bible

IOPU 35

¹Iopu, e se tonu tau faipatiga tela e fai pela i a koe e mā i mua o te Atua,

³E se tonu foki tau fesili ki te Atua penei, “Se a tou lagona i aku agasala? Se a te lei e maua ne au manafai e se agasala au?”

⁴Ka tali atu au ki tau faipatiga, pena foki te faipatiga a ou taugasoa.

⁵Kilo aka ki te lagi! E lavea ne koe te maluga o kaumana!

⁶ Kafai koe e agasala, e seai eiloa se mea e afaina ei te Atua. Kafai e uke a taimi e agasala ei koe, E mata e afaina ei te Atua?

⁷I tau fakatau, e isi se fesoasoani e fai ne koe ki te Atua manafai e amiotonu koe? E seai se mea e manako ki ei te Atua mai i a koe.

⁸Ko tagata foki eiloa e puapuaga i au agasala, A te lei e fai ne koe, e fesoasoani ki a latou.

⁹Kafai ko fakasauagina a tagata, kae e 'tagi; E 'tagi fua ki se tino ke vau o fakasao latou.

¹⁰E se 'tagi ki te Atua tela ne faite ne ia latou, Tela ne aumai ne ia se fakamoemoega lei ki a latou i te taimi ne puapuaga malosi ei latou.

¹¹E se 'tagi atu latou ki te Atua, tela ne fai ne ia tatou ke 'poto, Ke 'poto atu i manu o te laukele mo manu eva.

¹²E 'tagi atu latou mō se fesoasoani, ka ko te Atua e se tali mai eiloa ki a latou, Me i a latou ne tino fakamatamata kae amio ma'sei.

¹³E seai se aoga e kalaga atu ei latou; A te Atua Malosi e se matea ne ia latou, Se lagona foki ne ia olotou 'tagi.

¹⁴Iopu, a koe ne fai mai me e se mafai ne koe o lavea te Atua; Fakatali mo te loto kufaki, a tau mataupu tena ko i ona mua.

¹⁵I tau faka'tau, a te Atua e se ti fakasala ne ia a tino, Kae se saga malosi ki tino fai agasala?

¹⁶E seai se aoga e faipati faeloa mai ei koe; Ko lavea atu me i a koe e sona faipati fua se iloa ne koe au pati e fai.