Read Te Tusi Tapu I Te Gana Tuvalu Lomiga Lua IOPU 40 Bible Online

IOPU 40 - Te Tusi Tapu I Te Gana Tuvalu Lomiga Lua bible

IOPU 40

¹Iopu, a koe ne fia fakafeagai ki te Atua Malosi; E a, e manako koe o fai sau tali, io me ko se manako koe?

³Te Aliki,au ne faipati fakavalevale fua. Se a te mea e mafai ne au o tali? Ka taumafai au o se toe faipati ki se isi mataupu aka.

⁵Ko to uke aku muna ne fai.

⁶Tena la, ne toe faipati mai ei te Aliki ki a Iopu mai i loto i te afā.

⁷Tu mai ki luga pela me se tagata, Kae tali mai ki aku fesili.

⁸A koe e taumafai o 'lou mai me e se fai ne au te mea tonu? E a, e taumafai koe o faka'se au kae fakasao koe?

⁹E mata e oko tou malosi ki toku malosi? E mafai tou leo o pagulu malosi penei mo toku leo?

¹⁰Kafai e mafai, pei mai la ki ou gatu fakatupu mo te 'malu.

¹¹Kilo ki a latou kola e fakamatamata; ita atu ki a latou kae fakaseaoga atu latou.

¹²Ao, kilo ki a latou kae puke o 'tao ifo ki lalo; Tukipala atu a tino amio masei i te koga e tu ei latou.

¹³Tanu atu latou i te laukele; 'sai atu latou i te lalolagi o tino mate.

¹⁴Tena la, ko au ka muamua o avatu ou vikiga, Kae taku tonu atu me ko manumalo koe.

¹⁵Kilokilo ki te manu fakamataku ko Pemota;[21] Ne faite ne au te manu tena, ne faite foki ne au a koe. E kai ki mouku pela me se pulumakau,

¹⁶Se a te malosi e maua i tena foitino kae se a foki te malosi e maua i ana mafi?

¹⁷A tena velo e tu ki luga pela me se alasi, Mo uaua i ona vae e malosi.

¹⁸A ona ivi e malosi pela me ne palasi, Ka ko ona vae e pela me ne fiti.

¹⁹A te manu tena ko te toe manu fakaofoofogia eiloa i aku manu katoa ne faite! Ko te tino fua tela ne ana faitegina e mafai ne ia o fakatakavale te manu tena.

²⁰A mouku e kai ei a ia e ola i mauga kola e ta'fao sāle i ei a manu o te vao.

²¹E takato i lalo o lakau talatala, Kae 'muni i va o mouku i se koga suasua.

²²A lakau talatala mo uilou i tafatafa o vaitafe, E faka'malu ne latou a ia ki olotou malūga.

²³E se mataku i se vaitafe 'tafe malosi; E nofo filemu eiloa a ia i te taimi e tafe malosi mai ei te Iolitana i ona mata.

²⁴Ko oi te tino e mafai o fakakivi ne ia ona mata kae puke fakapagota a ia? Io me ko oi e mafai o sele ne ia ona muagutu?