Read Te Tusi Tapu I Te Gana Tuvalu Lomiga Lua IOPU 5 Bible Online

IOPU 5 - Te Tusi Tapu I Te Gana Tuvalu Lomiga Lua bible

IOPU 5

¹Iopu, kalaga ki se tino. Onoono ake manafai e isi se tino e tali mai. E isi se agelu e mafai o kalaga koe ki ei?

²A tou nofo pena mo tou loto mafatia kae se fiafia, Se mea valea fua, E se tau koe o nofo pena.

³E isi ne tino valea ne lavea ne au e ola lei, Kae ne kalaga au ke fakamalaia olotou fale.

⁴A olotou tama tagata e se mafai o maua ne latou se filemu; E seai se tino e puipui ne ia latou i te taimi o te fono fakamasino.

⁵A tino fiakai ka kai ne latou a lakau kaina a te tino valea — ke oko foki eiloa ki saito kola e ola fakatasi Mo lakau talatala, ka ko tino fiainu ka lotomasei ki tena maumea.

⁶A te masei e se tupu aka i te laukele, A fakalavelave e se tupu aka foki i te laukele.

⁷Ikai! A te tagata e aumai eiloa ne ia a te fakalavelave ki a ia, E pela mo te kalokaloafi e eva aka mai i te afi.

⁸Au moi ko koe, e penei ka saga atu au ki te Atua o fakaasi atu ki a ia a te mea e mafa i toku loto.

⁹E se mafai tatou o malamalama i ana mea e fai, E seai foki se gataga o ana mea fakaofoofogia e fai sale.

¹⁰E faka'to ne ia te vaiua ki te laukele, Kae fakasusu ne ia a fatoaga.

¹¹E tonu, ko te Atua e avake ne ia a te tino loto maulalo, Kae fakafiafia ne ia a tino e tagi fanoanoa.

¹²E faka'se ne ia a fuafuaga a tino faitogafiti, Kae fai ne ia a tino poto ke lave i olotou malei ne fai, Ko te mea ke seai eiloa se mea e fai ne latou ke taunu;

¹⁴Ke oko foki eiloa ki te tutonu, ko pela foki me se pouliga ki a latou.

¹⁵Ka ko te Atua e fakasao ne ia a tino mativa mai i te mate; E fakasao ne ia a tino mativa mai i te fakapuapuagagina ne tino.

¹⁶E aumai ne ia se fakamoemoega lei ki tino mativa kae e fakaseaoga ne ia a tino masei.

¹⁷ Amutia te tino tela e fakatonu ne te Atua! Sa ita ki ei manafai e polopoloki ne ia koe.

¹⁸ E fusi ne te Atua a pakiaga ne fai ne ia; E fakapakia ne ia koe ki ona lima, Ko ona lima foki e faka'lei ne ia a koe.

¹⁹E fakasao faeloa ne ia a koe i taimi katoa;

²⁰Kafai e oko mai te oge, ko ia e tausi ne ia koe ke ola, Kae e puipui foki ne ia koe mai i te mate, I taimi o taua.

²¹Ka fakasao koe ne te Atua mai i tino fakaloiloi, Ka fakasao ne ia koe manafai ko oko mai te puapuaga.

²²A koe ka kata ki te fakasaua mo te fiakai, Kae ka se mataku koe i manu fekai.

²³A fatoaga kola ka fakamalu ne koe, ka seai ne papa i ei; A manu fekai ka se mafai o taua atu ki a koe.

²⁴Tena la, ka nofo koe i tou faleie mo te filemu; Kafai e onoono koe ki au mamoe, Ka lavea ne koe me e sao lei faeloa.

²⁵Ka tokouke au tamaliki e pela mo te uke o lau o mouku i se laukele moukua.

²⁶A koe ka ola ke oko ki tou toeaina, E pela eiloa mo te saito tela e 'sulu lei i te taimi o te taukai.

²⁷Iopu, ne iloa ne matou a mea kona ona ko te leva o te motou taulotoga i ei. Se mea tonu, tela la, ke talia eiloa ne koe.